د بلجیم د بهرنیو چارو وزیره وايي، افغان مېرمنې د طالبانو د «جبر رژیم» په چوکاټ کې ښوونځيو، پوهنتونونو او د کار بازار ته له لاسرسي پرته د خپلې بقا لپاره ژوند کوي. حجه لحبیب وویل، بلجیم په افغانستان کې د خلکو د ملاتړ او د نجونو د تعلیم او د بشري حقونو د دفاع لپاره ژمن دی.
اغلې لحبیب د طالبانو د واک د دریمې کلیزې په مناسبت د اېکس ټولنیزې شبکې په یوه یادښت کې لیکلي، چې د دې ډلې واک ته رسېدل د بشري حقونو په ځانګړې توګه د ښځو د حقونو په برخه کې د سترې ماتې لامل شوي.
هغې ټینګار وکړ، چې د افغانستان ښځې یې نه دي هېرې کړې.
اغلې لحبیب وویل، بلجیم لا هم ژمن دی، چې د هدفي پروژو له لارې د افغانستان له خلکو سره مرسته وکړي، د نړیوالې ټولنې په تحرک او د نجونو د زدکړې او بشري حقونو دفاع وکړي.
طالبانو په تېرو دریو کلونو کې لسګونه فرمانونه صادر کړي، چې د ژوند، کار او زدکړو په بېلابېلو برخو کې یې د ښځو او نجونو پر تګ بندیز لګولی دی.
دا مهال په افغانستان کې چې د طالبانو تر ولکې لاندې ده، له شپږم ټولګي څخه پورته نجونې له ښوونځي بې برخې دي او دې ډلې د نجونو پر مخ د پوهنتونونو دروازې هم تړلې دي.
طالبانو د ښځو پر کارموندنې،سفر او حتی په پارکونو کې تګ راتګ پر مهال هم پراخ محدودیتونه وضع کړي دي.
مېرمن شیناواترا له خپل برید وروسته وویل، چې د تایلنډ د پرمختګ لپاره به هڅې کوي: «دا هغه څه دي چې زه یې کول غواړم، نن زه وویاړل شوم او ډېره خوشاله یم.»
د ډېر ځواکمن خو جنجالي سیاستوال تسکین شیناواترا ۳۷ کلنه لور له هغه دوه ورځې وروسته لومړۍ وزیره شوه چې د نوموړي متحد سریتا تاوسین د اساسي قانون محکمې له خوا د فساد له امله له دندې ګوښه شو.
د نوموړي تر لرې کېدو وروسته تایلنډ کې واکمنه ټلواله پرون په دې سلا شوه چې پیتانګترن شیناواترا لومړي وزارت ته نومانده کړي.
پیاتنګترن شیناواترا د میلیاردر تسکین شیناواترا لور او حکومت کې د تر ټولو ستر ګوند مشره ده.
پیاتنګترن شیناواترا د ۲۰۲۳ کال د اکتوبر پر ۲۷ د فیوتای ګوند مشره شوه.
پیاتنګترن سوداګره ده او د انګلنډ له سوري پوهنتون یې د هوټل مدریت کې سند ترلاسه کړی دی.
د ۳۷ کلنې پیاتنګترن د پلار په ګډون د دې کورنۍ درې غړي د تایلنډ لومړي وزیران تېر شوي دي.
اوسنۍ پرېکړې سره اټکل دی چېد شینواترا میلیاردرې کورنۍ سیاسي واکمني به نوره هم اوږده شي چې له نږدې ۲۵ کلونو راهیسیې یې په تایلنډ کې لري.
ځینې خلک دا کورنۍ په فساد هم تورنوي او د پوځ اسټبلشمنټ ملاتړو عناصرو له خوا یې درې لومړي وزیران هم له دندو لرې شوي دي.