د قزاقستان د بهرنیو چارو وزارت د طالبانو د شارژدافير باور لیک منلی

د طالبانو د عدلیې وزارت ویلي، چې دغه قانون په رسمي جریده کې په یوه سریزه، څلور فصلونو او ۳۵ مادو سره خپور شوی دی.

د دې قانون له مخې؛ د طالبانو د امربالمعروف او نهې عن المنکر وزارت مکلف دی، چې «د اسلامي شريعت او حنفي فقهې له مخې په نېکۍ امر او له بديو منع وکړي.»

د طالبانو د عدلیې وزارت د څرګندونو له مخې؛ د ملا هبت الله په توشيح شوي قانون کې امربالمعروف وزارت د نارینه او ښځو د جامو په اړه « د امربالمعروف او نهې عن المنکر» د عملي کولو اړوند مکلف کړی دی.

په قانون کې راغلي: «دا د طالبانو له دندو څخه دي، چې د امارت د دفترونو خلک او کارکوونکي مکلف کړي، چې اسلامي عباداتو ته غاړه کېږدي، د رسنیو مسوولین باید د شریعت له مخې مواد خپاره کړي، په منځپانګه کې د مسلمانانو سپکاوی و نه کړي او داسې مواد خپاره کړي، چې د روح لرونکي عکسونه پکې نه وي.»

د دغه قانون له مخې؛ د موسیقۍ خپرول، له محرم او حجاب پرته د ښځو تګ او په موټرو کې د نارینه او د ښځو يوځای کول منع دي.

د امربالمعروف وزارت چارواکي هم مکلف شوي، چې د ږیرې خريلو او کمول مخه ونیسي.

د دې قانون له مخې؛ که څوک د محتسبانو امر ونه مني هغه به «له یو ساعت څخه تر درېیو ورځو پورې زنداني او د محتسبانو له لوري به ټاکل شوې سزا» ورکول شي.

د طالبانو د امربالمعروف وزارت د سې شنبې په ورځ (د زمري ۳۰ مه) ويلي وو، چې په تېر کال کې یې تر ۱۳ زره ډېر کسان د «غیر اخلاقي کړنو» په تور نیولي دي.

دغه وزارت ويلي، په دې موده کې يې له ۲۸۰ ډېر امنيتي ځواکونه د ږيرې نه لرلو له امله له دندو ګوښه کړي دي.

د سمیع ګل په نوم د ټولنیزو شبکو یوه کارونکي د یوې ویډیو په خپرولو سره ویلي، چې نېږدې ماښام مهال یاده لاره تړل شوې ده.

نوموړي افغانستان انټرنشنل - پښتو ته ویلي، چې په سلګونه موټر د دواړو خواو څخه بند پاتې دي او باران لا هم روان دی.

همداراز د ننګرهار اوسېدونکی ډاکتر نجیب الله رحیمي چې دا مهال کابل ته پر لار دی، افغانستان انټرنشنل - پښتو ته وویل، چې څو ځایه غر ښویېدلې او سلګونه موټر پر سړک بند پاتې دي.

نوموړي زیاته کړه، چې تر دا مهال د لارې د خلاصون لپاره کوم اقدامات نه دي شوي.

د یادونې وړ ده، چې د کابل - جلال اباد لویه لار وخت ناوخت د شدیدو بارونونو پر مهال د غره د ښویېدنې له امله تړل کیږي.

د لغمان لپاره د طالبانو امنیه قوماندانۍ هم رسنیو ته د لارې بندښت تایید کړی.

د راپورونو له مخې؛ د څلور مترو په ژوروالي کېندنه د دېوال د نړېدو لامل شوې ده.

د کاشان د ښاروالۍ د اور وژنې او خوندیتوب څانګې ویاند روح الله فدايي ایسنا خبري اژانس ته وویل: «د اور وژنې ۱۳ کارکوونکي د پېښې ځای ته استول شوي، چې د لټون په عملیاتو کې یې کارګران له خاور اېستلي دي.»

هغه ویلي، چې د ژغورنې ټیم له هڅو سره - سره افغان کارګر ژوندي پاتې نه شول.

ایراني رسنیو د کارګرانو د هویت په اړه څه نه دي ویلي.

په ایران کې افغان کډوال کارګران په ډېرو سختو کارونو بوخت دي؛ خو د روغتیایي بیمې په څېر له ډېرو حقونو بې برخې دي.

هغه زیاتوي، چې دا پرېکړه کولی شي افغانستان کې د تلپاتې سولې په اړه د ملګرو ملتونو د امنیت شورا پرېکړو ته تاوان ورسوي.

حنیف اتمر وایي، چې افغانستان ته د بېنېټ په سفر بندیز د افغانانو د بشري حقونو د وضعیت د ښه والي په ځانګړې توګه د ښځو د حقونو په اړه ټولې هېلې نا هیلې کړي او د سترې اندېښنې لامل ګرځي.

ښاغلي اتمر د چهارشنبې په ورځ (د وږي لومړۍ) پر اېکس پاڼې لیکلي: «د ښاغلي ریچارډ بېنېټ ماموریت نړۍوال ملاتړ او مشروعیت لري او له دغه ماموریت سره همکاري د افغانستان د نړۍوالو مسوولیتونو یوه برخه ده، چې باید په هر سیاسي وضعیت او د هر حاکم نظام تر حاکمیت لاندې ورته درناوی وشي.»

ښاغلی اتمر زیاتوي، دا پرېکړه کولې شي افغانستان کې د تلپاتې سولې په اړه د ملګرو ملتونو د امنیت شورا پرېکړې، په دوحه کې روان سیاسي بهیر او له افغانستان سره د نړۍوالې ټولنې بشردوستانه مرستو ته چې د افغانستان د خلکو مطلق اکثریت د خپل بقا لپاره ورته اړتیا لري، زیان ورسوي.

اتمر دا نامسوولانه کړنه بللې او د دغې کړنې سمدستي لغوه کولو غوښتنه یې کړې.

طالبانو په افغانستان کې د بشري حقونو د سرغړونو په اړه د ملګرو ملتونو د ځانګړي راپور ورکونکي ریچارډ بېنېټ په راپور نیوکه کړې او ویلې یې دي، چې بېنېټ افغانستان ته د ننوتلو حق نه لري.

د طالبانو ویاند ذبیح الله مجاهد ویلي: «ښاغلی بېنېټ افغانستان ته له ننوتلو منع شوی دی. هغه ته د افغانستان پر ضد د پروپاګند دنده سپارل شوې وه. هغه داسې څوک نه دی چې موږ پرې باور وکړو.»

اتمر وایي، چې د هېواد اوسنيو واکمنانو يوه ډېره ناسمه او خطرناکه پرېکړه کړې او خبرداری یې ورکړی، چې د هېواد سیاسي او مدني جریانونه به په دې قضیه کې چوپه خوله پاتې نه شي.

بدرالدین مولانا پخوا په ابوظبۍ کې د افغانستان په سفارت کې د طالبانو شارژدافیر و.

داسې ښکاري، چې متحده عربي اماراتو هغه له شارژدافیر څخه د سفیر په توګه ارتقا کړې ده.

متحده عربي اماراتو د طالبانو نوم نه دی اخیستی؛ خو لیکلي یې دي، چې د افغانستان د اسلامي جمهوریت د سفیر باورلیک یې منلی.

طالبان خپل حکومت د افغانستان اسلامي امارت بولي.

د متحده عربي اماراتو د بهرنیو چارو وزارت د چهارشنبې په ورځ په یوه اعلامیه کې لیکلي، چې د دغه وزارت مرستیال د دوه اړخیزو اړیکو او همکاریو د پراخولو په موخه د طالبانو سفیر منلی دی.

د طالبانو د بهرنیو چارو وزارت تر اوسه متحده عربي اماراتو ته د سفیر په کچه د خپل ډیپلوماتیک استازي د معرفي کولو په اړه څه نه دي ویلي.

دا په داسې حال کې ده، چې تر اوسه د سیمې ډېرو هېوادونو د سفیرانو په کچه د طالبانو سیاسي استازي نه دي منلي او اکثره دغو هېوادونو په کاري کچه د دغې ډلې ډیپلوماټیک استازي منلي دي.

په تېرو میاشتو کې د طالبانو د کورنیو چارو وزیر او په وروستیو ورځو کې د طالبانو رییس الوزرا متحده عربي اماراتو ته د خپل سفر په ترڅ کې د دغه هېواد د حکومت له مشر سره کتلي او خبرې یې ورسره کړې دي.

د طالبانو ویاند ذبیح الله مجاهد ویلي، چې «د افغانستان له بیارغونې سره مرسته، د ترافیکو مدیریت ډیجیټل کول، د بندیانو خلاصون او د سیمې امنیت او ثبات» د غونډې موضوعات وو.