روسیه وايي د اوکراین برید په بلګورود کې ۵ تنه وژلي او ۴۶ نور یې ټپیان کړي دي

د دغې اف ۱۶ جنګي الوتکې د غورځېدو په اړه په راپور کې ویل شوي، چې دغه ي الوتکه د روسیې د لوی برید د دفع کولو پر مهال ولوېده او پیلوټ یې هم ووژل شو.

د دې پېښې په اړه د اوکراین د هوايي ځواکونو په خبرپاڼه کې ویل شوي، چې وژل شوی پیلوټ ډګروال اولکسي مس نومېده.

اوکراین د دې الوتکې د نسکورېدو لامل نه دی په ډاګه کړی، خو ویل کېږي چې دا اف ۱۶ الوتکه د روسیې له خوا د توغندیو په برید او یوه روسي هدف ته د نږدې کېدو پر مهال غورځېدلې ده.

د هوايي ځواکونو ګوښه شوي قوماندان اولشچوک تر دې مخکې ویلي و، چې د اوکراین امریکايي همکاران د پېښې په څېړلو او د الوتکې د غورځېدو د علت په موندلو کې مرسته کوي.

یوه امریکايي پوځي چارواکي رویټرز خبري اژانس ته ویلي، داسې نه ښکاري چې الوتکه د روسیې د ډزو له امله غورځېدلې وي او د پېلوټ تېروتنې او تخنیکي خرابۍ په ګډون بېلابېل نور لاملونه تر څېړنې لاندې دي.

زیلانسکي د پوځ هوايي ځواک د مشر د ګوښه کولو په اړه د ماښام په وینا کې وویل: "ما پریکړه کړې چې د هوایی ځواک قومندان بدل کړم، زه به تل د اوکراین د ټولو نظامي پېلوټانو مننه کوم."

زیلینسکي ونه ویل چې په کوم دلیل یې دا پریکړه وکړه، خو په خپلو خبرو کې یې د پوځي ځواکونو د ساتنې او د قومندې د کچې پیاوړتیا ته اشاره وکړه.

د اوکراین د پوځ لوی درستیز اعلان وکړ، چې تورن جنرال اناتولي کریوونژکا به د نوي قوماندان تر ټاکل کېدو پورې په موقت ډول د هوایي ځواک د قوماندان په توګه دنده ترسره کړي.

د پاکستان د روغتیا وزارت زیاتوي چې د دغو دوو تنو شکمن کیسونه یې د پېښور د خيبر‌ ميډيکل پوهنتون یوه لابراتوار ته لیږلي وو، چې يوه پېښه په کې مثبته راغلې.

ویل کیږي دغه ناروغ کس د پېښور اوسېدونکی دی.

د خيبر پښتونخوا ایالت د عامې روغتيا مشر ډاکټر ارشاد وايي، چې د ناروغ حالت مخ په ښه کېدو دی او د پوليسو په روغتون کې يې درملنه کېږي.

د پاکستاني رسنیو د راپورونو له مخې دا په روان کال کې په خيبرپښتونخوا کې د بیزو د تڼاکو (ايم پیکس) ناروغۍ درېيمه پېښه ده.

د پاکستان د روغتیا وزارت ویلي، د اغېزمن کس په اړه پلټنه روانه ده، او وايي دغه کس له عربي هیوادونو پاکستان ته راغلی دی، او وايي، د دوی اړوند ټول ټیمونه په هوايي ډګرونو کې د راتلوونکو مساپرو کلکه روغتیايي پلټنه کوي.

د ډاکټر مختار په نوم یوه پاکستاني ډاکتر رسنیو ته ويلي، چې پاکستان د ایم پیکس ناروغۍ د مخنیوي لپاره یوه اغېزمنه تګلاره جوړه کړې چې له مخې به یې د دغې ناروغۍ د خورېدو مخه ونیسي.

د پاکستاني رسنیو د راپورونو له مخې له تېرو څلورو ورځو راهیسې د خبیرپښتونخوا په بېلابېلو سیمو کې په دوامداره توګه باران وریږي.

د پاکستان جنګ ورځپاڼې د پاکستان د طبیعي پېښو سره د مبارزې ادارې له قوله لیکلي، چې د موسمي بارانونو له پیله تر اوسه پورې په دغه ایالت کې د کورنو د چتونو غورځېدو او ځمکو ښویېدو له امله ۶۸ کسان مړه شوي او ۷۸۶ کورونه زیانمن شوي دي.

د راپورونو له مخې په مړو شویو کسانو کې د ښځو او سړیو تر څنګ ۳۲ ماشومان هم مړه شوي دي.

د پاکستان د طبعي پېښو سره د مبارزې ادارې په راپور کې ویل شوي چې د تېرو څلورو ورځو پرمهال د ورښتونو، ځمکې ښویېدنې او د کورونو د چتونو پرېوتو له امله ۱۱۷ کسان ټپیان شوي هم دي.

دا په داسې حال کې ده، چې تېره ورځ د پاکستان د بلوچستان ایالت څخه هم د بارانونو او سېلابونو راوتلو له امله د ۲۹ کسانو د مړه کېدو او ۱۵ نورو د ټپي کېدو راپورونه ورکړل شوي وو.

د پاکستاني رسنیو د راپورنو له مخې په بلوچستان ایالت کې د تېرې شپي د چټکو بارانونو له امله په یاد ایالت کې د ډېرو ښارونو تر منځ لارې تړل شوې دي.

د پاکستان د پارلمان پخوانی غړی او د ملي جمهوري ګوند مشر محسن داوړ تېر ماښام جمعه د (وږي نهمه) په خپله فیسبوک پاڼه لیکلي چې د طالبان پر ضد له مبارزې کولو پرته د پښتنو د حقونو لپاره مبارزه نه کیږي، او په وینا یې هر څوک چې د پښتنو د حقونو لپاره مبارزه کوي نو لومړی ګام دې د طالبانو پر ضد پورته کړي.

ښاغلي داوړ، هغو قامپرستو پښتنو ته په اشارې سره ویلي، چې د ده په خبره غواړي یو ډول طالبان ومني او د هغوی په وړاندې یې په خپل پخواني دریځ کې نرم والی راوستی، هغه وايي: «که چیرته څوک د اسټيبلشمنټ استاذو او د جبر اله کارو یعنې طالبانو ته قانوني حثیت ورکولو لپاره بهانې جوړوي او لارې لټوي نو بيا د اسټيبلشمنت پرضد د دوی بیانیې بې بنیاده او دروغجنې دي.»

محسن داوړ وايي، داسې چارې او تګلارې د پښتنو د حقونو مبارزه نه بلکې د هغوی د مبارزې په نوم د هغوی پر حقونو معامله کول دي.

هغه وړاندې وايي، کومو قامپرستو پښتنو چې خپل زړونه په طالبانو پورې تړلي او د هغوی په اړه يې خپل دریځ نرم کړی، هغوی په ناسم پوهاوي کې روان دي، «دوی په دې باور دي چې د طالبانو له واکه به ګټه واخلي، خو هغوی ته پکار ده چې د افغانستان له تجربې یې زده کړي.»

که څه هم محسن داوړ په څرګنده د چا نوم نه دی اخیستی، خو په دې وروستیو کې د ملي جمهوري ګوند د پلویانو او د پښتنو قامپرست مشر محمودخان اڅکزي د پلویانو تر منځ په خواله رسنیو کې ناندرۍ روانې دي.

محسن داوړ په خپلو خبرو کې وړاندې ویلي، چې «د طالبانو منل له ولس او قام سره د غدارۍ په معنا ده.»

رسول تمدن وویل، چې د پولیسو په همکارۍ یې د ۱۰۰ شکمنو ځایونو ګډې پلټنې ترسره کړې دي.

د ایرنا خبری اژانس د راپور له مخې د یزد د روغتیا مرکز د کار او چاپېریال د روغتیا څانګې مشر وویل پر دغو سوداګریزو اتحادیو د مهر لګول د ایران د قضايي چارواکو په حکم ترسره شول.

رسول تمدن په یزد کې سوداګریزو اتحادیو ته لارښوونه وکړه چې د «بې اسنادو» بهرنیو کډوالو د ګمارلو څخه ډډه وکړي چې مرکزونه یې ونه تړل شي.

په ایران کې هغه کسان چې له قانوني اسنادو پرته دغه هېواد ته ننوځي د «ناقانونه بهرنيو وګړو» په نوم یادیږي.

ډېری دغه کسان افغان کډوال دي چې د ایران بېلابېلو ولایتونو ته د کار لپاره ځي.

ورته مهال د ایران په یو شمېر ولایتونو کې د خوراکي توکو د تولید، وېش او خرڅلاو لپاره د سوداګرو په اتحادیو کې د افغانانو کار منعه شوی دی.