د طالبانو استخباراتو د تخار ولایت د فرخار ولسوالۍ د جنايي څانګې مرستیال قاري بشیر په دې تور نیولی، چې د ینګي قلعه د جنايي څانګې د امر سمیع الله د جنسي اړیکو فلم یې اخیستی و.
د سیمهییزو سرچېنو په وینا، طالبانو بشیر په دې تورن کړی چې نوموړي د سمیع الله د جنسي اړیکو په اړه د هغه د اعتراف او جنسي اړیکو ویډیو ثبت کړې او هغه یې بیا رسنیو ته استولې ده.سرچینو ویلي، چې طالبانو د دغې ډلې د فرخار ولسوالۍ د جنايي څانګې مرستیال د تالقانو د استخباراتو نظارت خونې ته لېږدولې دی.په دې وروستیو کې افغانستان انټرنشنل د ینګي قلعه ولسوالۍ د جنايي امر قاري سمیعالله یوه ویډیو خپره کړه، چې په هغې کې د طالبانو دغه چارواکي د یوې مېرمنې سره د ناروا جنسي اړیکو په اړه اعتراف کړی و.په یوې بلې ویډیو کې دغه طالب چارواکی له جنسي اړیکو وروسته د یوې مېرمنې سره لیدل کېږي.په ویډیو کې دغه طالب چارواکی اعتراف کوي، چې د ینګي قلعه اوسېدونکی او د دغې ولسوالۍ د پولیسو په قوماندانۍ کې د جنايي امر دی.
هغه وايي، چې له یوې نیمې میاشتې را په دې خوا له دغې مېرمنې سره اړیکې لري او تر اوسه یې له هغې سره درې ځلې په فرخار کې لیدلي دي.
دغه طالب چارواکي ویلي، له دغې مېرمنې سره یې «زنا» کړې او د هغې «شونډې یې روولي» دي.
