د فوټسال نړۍوال جام سیالیو په دوام سبا افغانستان له ارجنټاین سره د سیالۍ ډګر ته ښکته کېږي

د افغانستان د کورني کرېکټ څانګه وايي، د احمد شاه ابدالي لومړۍ درجه سیالیو اووم پړاو نن دوشنبه د سپټمبر ۱۶مه پیلیږي او د اکټوبر میاشتې تر ۲۶مې نېټې به دوام وکړي.

د کورني کرېکټ د معلوماتو له مخې د احمد شاه ابدالي لومړۍ درجه سیالیو کې څلور لوبډلې (ماهیپر ستورو، پامیر لیجنډز، هندکش سټرایکرز او میوند اتلان) لوبډلې د یوبل په وړاندې لوبیږي.

دغه سیالۍ د ننګرهار ولایت په دوو لوبغالو کې غازي امان الله کرېکټ لوبغالي او نجیب الله تره‌کی کرېکټ لوبغالي کې ترسره کیږي.

د دغو سیالیو لومړۍ لوبه د هندوکش سټرایکرز او ماهیپر ستورو ترمنځ نن سهار لس بجې په غازي امان الله خان کرېکټ لوبغالي کې ترسره کیږي.

همدارنګه دویمه لوبه میوند اتلانو او پامیر لیجنډز لوبډلو تر منځ په همدي ورځ لس بجې د نجیب الله تره‌کي په کرېکټ لوبغالي کې ترسره کیږي.

د احمد شاه ابدالي لومړی درجه سیالۍ په ۲۰۱۷ میلادي کال کې پیل شوې او تردې مهاله یې شپږ پړاونه ترسره شوي.

د دغو سیالیو د شپږم پړاو اتله لوبډله میوند اتلان وو.

په دغو سیالیو کې افغانستان له اوکراین، ارجنټاین او انګولا سره په یوه ګروپ کې لوبېږي چې افغان ملي لوبډله به نن خپله لومړۍ لوبه له انګولا سره وکړي.

‏د طالبانو تر واک لاندې باختر اژانس نن یکشنبه د (وږي ۲۵مه) په ایکس پاڼه لیکلي چې د افغانستان د فوټسال ملي لوبډله خپله لومړۍ لوبه نن له انګولا سره په ازبکستان کې د کابل پر وخت د مازدیګر پنځه بجې ترسره کوي.

افغانستان د نړۍوال جام په دریم ګروپ کې له ارجنټاین، اوکراین او انګولا سره همغاړی دی.

د ۲۰۲۴ کال د فوټسال نړۍوال جام به د ازبکستان په کوربه توب د ۲۴ لوبډلو په ګډون تېره ورځ پیل شوې چې د ۱۴۰۳ کال د تلې میاشتې تر ۱۵مې نیټې به روانې وي.

د فوټسال په نړۍوال جام کې د افغانستان د لوبو مهالویش:

افغانستان - انګولا (یکشنبه ۲۵ وږی ۱۴۰۳)

افغانستان - ارجنټاین (چهارشنبه ۲۸ وږی ۱۴۰۳)

افغانستان - اوکراین (شنبه ۳۱ وږی ۱۴۰۳)

د افغانستان په کوربه توب د چهارشنبې په ورځ له سوېلي افریقا سره د درې یو ورځنیو لوبو لوبلړۍ پیلیږي.

دغه درې یو ورځنۍ لوبې د متحده عربي اماراتو په شارجه کرېکټ نړۍوال لوبغالي کې ترسره کیږي.

افغان کرېکټ بورډ پر خپلو رسمي ټولنیزو پاڼو متحده عربي اماراتو ته د سوېلي افریقا د لوبډلې د رسېدو انځورونه خپاره کړي دي.

د سوېلي افریقا له لوبډلې مخکې افغان لوبغاړي له افغانستان او هند څخه متحده عربي اماراتو ته رسیدلي دي.

دا لومړۍ ځل دی چې د افغانستان او سوېلي افریقا ترمنځ د یو ورځنیو لوبو لړۍ ترسره کیږي.

د دغې لوبلړۍ لپاره د دواړو هېوادونو لوبډلو لا له وړاندې د لوبډلو نوملړ خپور کړی.

د افغانستان په لوبډله کې پیلیز توپ وهونکی ابراهیم ځدراڼ او ورو توپ اچونکی مجیب الرحمن د ټپي کېدو له امله ګډون نه کوي.

کرېکټ بورډ ویلي دي، چې د ابراهیم ځدراڼ او مجیب الرحمن د تشې ډکېدو په موخه یې په لوبډله کې درویش رسولي او الله محمد غضنفر اخیستي دي.

افغان لوبډله د سوېلي افریقا لوبډلې سره په یو ورځنیو لوبو کې دوه ځله مخامخ شوې ده، چې دواړه لوبې سوېلي افریقا ګټلې دي.

د پاکستان او هند هاکي لوبډلو ترمنځ په دې سيالۍ کې پاکستاني لوبغاړي احمد نديم په شپږمه دقيقه کې ګول ووهه؛ خو د هندي لوبغاړو د پرله پسې هڅو وروسته لوبډلمشر هرميت پريت په ۲۱ دقيقه کې د یو ګول په وهلو سره لوبه مساوي کړه.

د سيالۍ په دويمه نېمايي کې دواړو لوبډلو د بريا لپاره هڅې کولې، چې هند دوهم د ګټلو ګول ووهه او پاکستانۍ لوبډله يې ماته کړه.

هند د هاکي په دې سياليو کې تر دې مهاله ۵ پرله پسې لوبې ګټلي او دا د پاکستان لومړۍ ماتې وه.

د ۲۰۲۴ هاکي اسيايي اتلولیو سیالۍ د چين په کوربتوب پيل شوي دي.

غلامي وايي وياړ لري، چې په نړيوال جام کې د خپل هېواد لپاره لوبيږي.

مهران غلامي د فیفا له وېبپاڼې سره په مرکه کې ویلي، چې د ارجنټاین لوبډلې له مشهورو ستورو نیکو سارمینټو او کریسټین بورتو سره به مخامخ شي.

غلامي په داسي حال کې په نړيوال جام کې لوبيږی، چې هغه د نیوزيلينډي ميروسلاو ماليووک څخه ۲۳ کاله کم عمره دی.

د فیفا د وېبپاڼې د معلوماتو له مخې، نړیوال جام ته د افغانستان تګ د اسیا جام په سیالیو کې د دغه ۱۸ کلن لوبغاړي د بریا او ګولونو له امله دی.

مهران غلامي د فیفا ویب پاڼې ته وویل: «دا زما د ژوند تر ټولو ښه ورځ وه. موږ ښه لوبه وکړه او د ښې نتیجې له امله مو وکولای شول نړیوال جام ته لار پیدا کړو. زه واقعیا ویاړم، چې موږ خپل هیواد د لومړي ځل لپاره نړیوال جام ته رسولی.»

مهران غلامي د فیفا ویب پاڼې ته وویل، چې د افغانستان د ملي لوبډلې اصلي هدف د نړیوال جام له ګروپي پړاو څخه مخکې تګ دی. هغه زیاته کړه، چې هغه په ​​ټولنیزو شبکو کې د ارجنټاین ځینې لوبغاړي تعقیبوي او د دوی پروړاندې له لوبيدو خوند اخلي.

غلامي زیاته کړه، چې اوکراین پرتګال ته ماتې ورکړه‎ او دا ښيي، چې دا لوبډله څومره پیاوړې ده.

د افغانستان خلک نړیوال جام ته ډیر لیواله دي او زه د خلکو له ملاتړ څخه مننه کوم او هیله لرم، چې د ملتونو د جام په څیر په نړیوال جام کې هم بریالي شو.