عربي رسنۍ وایي، د لبنان په بېلا بېلو سیمو کې د حزب الله له زرو ډېر غړي په یو وخت کې د پیجر ارتباطي وسیلو د چاودنې له امله له ټپیان شوي دي. راپورونه وايي، چې په بېروت کې د ایران سفیر هم ټپي شوی دی.
د عربي رسنیو د راپور له مخې؛ د لبنان په سویلي سیمو او د بېروت ښار په څنډو کې د حزب الله د غړو په ګډون د ګڼو ټپیانو روغتیايي حالت نازک ښودل شوی دی.
رویټرز هم لیکلي، چې په دې چاودنو کې له زرو څخه ډېر کسان ټپیان شوي دي.
د حزب الله یوه چارواکي د نوم نه ښودلو په شرط ویلي، چې د پیجر چاودنه په روانه جګړه کې د امنیتي ځواکونو ستره ناکامي ده.
د لبنان یوې جګپوړې امنیتي سرچینې د سې شنبې په ورځ (د وږي ۲۷مه) وویل، چې اسراییل دغه دستګاه هک کړې ده.
مهر خبری اژانس هم لیکلي دي، چې په لبنان کې د ایران سفیر مجتبی اماني هم د پیجر چاودنې له امله ټپي شوی دی.
درېيو امنيتي سرچينو رويټرز ته ويلي، کوم پیجرونه چې په لبنان کې وچاودول شول تر ټولو تازه موډلونه دي.
روغتیایي چارواکو ویلي، چې روغتونونه هم له ټپیانو ډک شوي دي.
دا چاودنې د اسراییل او حزب الله تر منځ د سخت تاوتریخوالي په ترڅ کې تر سره شوي دي، چې د تېر اکټوبر په میاشت کې د غزې د جګړې له پیل راهیسې په وروستیو کلونو کې تر ټولو سخت ترینګلتیا کې ښکیل دي.
نوموړې په دې نه پوهیږي، چې کله به وکولی شي چې بېرته هغوی په غیږ کې ونیسي.
د فلسطینیانو پر تګ راتګ باندې د اسراییل بندیزونه په دې معنا دي، چې ۲۶ کلنه البیوک باید د قانون د سرغړونې له وېرې غزې ته ستنه شوی وی، په داسې حال کې چې د هغې ماشومان لا هم تر جدي څارنې لاندې وو.
کله چې دغه ماشومان غزې ته د تګ لپاره چمتو شوي وو، جګړه پیل شوې وه او هغوی بند پاتې شول، د ویډیويي تماسونو له لارې یې خپلو بچو سره اړیکه ساتل یوازینۍ لار وه.
د هغې لوڼې نجوا، نور او نجمه د المقاصد په روغتون کې تر څارنې لاندې دي، چې پر دېوالونو رنګارنګ نقاشۍ دي او د هغوی لپاره د لوبو بېلابېل وسایل په نظر کې نیول شوي دي.
دا وضعیت په غزه کې د ماشومانو لپاره شونی نه دی، ځکه چې هغوی د اکټوبر په اوومه د حماس له خوا په اسراییل له برید راهیسې د اسراییل ځواکونو له خوا کلابند شوی او د بمونو سخت ګوزارونه پرې کیږي.
د مارچ په میاشت کې د ملګرو ملتونو د ماشومانو ادارې وویل، چې د غزې په جګړه کې له ۱۳ زرو څخه ډېر ماشومان وژل شوي او زیاته یې کړه، چې ډېری ماشومان د سختې خوارځواکۍ سره مخ دي او "حتا د ژړلو توان نه لري."
په روغتون کې د نوي زیږون د جدي پاملرنې مشر ډاکټر حاتم خامش وویل، درې ګوني نجونې په نورمال ډول وده کوي.
هغه وویل: "نجونې ښه ذهني وده کوي، د دوی تنفس هم ښه دی. یوازینی شی چې موږ غمجن کوي، دا دی چې دوی له خپلې مور څخه لرې دي."
ډاکټران او نرسان د واټس اپ له لارې د حنان سره اړیکه نیسي؛ خو دا کار په داسې حال کې شونی دی چې دغه کورنۍ په غزه کې انټرنټ ته لاسرسی ولري.
د جګړې له امله مخابراتي شبکې خرابې شوي دي.
دغه جګړه پر اسراییل د حماس له برید وروسته پیل شوه.
په دغه برید کې ۱۲۰۰ کسان ووژل شول او ۲۵۰ نور د حماس له خوا یرغمل شول.
د دغه برید په ځواب کې د اسراییل ورستیو پوځي عملیاتو له ۴۱ زره ۲۰۶ څخه زیات فلسطینیان وژلي، ۹۵ زره ۳۳۷ تنه یې ټپیان کړي او د غزې ډېری برخې یې ویجاړې کړې دي.
د نړۍوالو په منځګړیتوب د اوربند خبرو اترو د پرمختګ هڅو لا کومه پایله نه ده ورکړې.
په ورته وخت کې د المقاصد روغتون کارکونکي چې کله ماشومانې د ویډیو له طریفه له مور سره غږوي د "مور"، "مور" کلیمې تکراروي ترڅو نجونې وهڅوي، چې په تلیفون کې د خپلې مور کوچني عکس ته پام وکړي.