له سوېلې وزیرستانه ځايي سرچینې وايي، چې د ټي ټي پي وسله والو تېر ماښام د واڼه په عواه خواه سیمه کې د ښوونځي د زدهکوونکو وېښتان په زور خرېیلي دي. ویل کیږي، په دغه سیمه کې وسله والو نورو تنکیو ځوانانو ته هم خبرداري ورکړي چې وېښتان به کموي.
له سیمې ځايي سرچینو افغانستان انټرنشنل پښتو ته نن دوشنبه د (تلې دوېمه) ویلي، چې د سوېلي وزیرستان واڼه په عواه خواه سیمه کې د ټي ټي پي وسله والو د ښوونځي د زدهکوونکو وېښتان په زور ور خرېیلي دي.
دغو وسله والو په کلي کې خلکو ته ویلي، چې نور به لوی او په بهرني سټایل وېښتان نه جوړوي، او ږېرې به هم نه کموي.
تحریک طالبان پاکستان په رسمي ډول په دې اړه څه نه دي ويلي، خو دغې ډلې له وړاندې ویلي وو، چې په پاکستان او د دوی د واک په سیمه کې به شریعت پلی کوي.
د ټي ټي پي وسله والو دارنګه په دغو سیمو کې په ټنګ ټکور او د شپې پر ګرځېدو هم بندیزونه لګولي دي.
داسې بندیزونه په قبایلي سیمو کې ورو ورو را روان دي، تر دې وړاندې افغانستان انټرنشنل پښتو یو راپور خپور کړی و، چې د ټي ټي پي وسله والو په وزیرستان کې د ټيک ټاک له ځینو کارونکو نجونو د هغوی ټلیفونونه اخیستې وو، او هغوی یې له دغه کاره منعه کړې وې.
په قبایلي سیمو کې د ټي ټي پي وسله والو له لوري د ښوونځیو د زدهکوونکو په زور د وېښتانو خرېیلو دغه پېښه وروسته له هغه رامنځته کیږي چې په افغانستان کې د طالبانو امربالمعروف وروستي قانون پر افغانانو او ځانګړي ډول پر ښځو یو شمېر تازه او سخت بندیزونه لګولي دي.
په وروستۍ پېښه کې ډیورنډ کرښې ته څېرمه د خوست په ښار کې د طالبانو امربالمعروف محتسبانو ټولو ښاریانو او سلمانیو ته خبرداری ورکړی چې له دې وروسته به ږېرې نه کموي، خطونه به په کې نه اچوي او وېښتان به هم په بهرني سټایل نه جوړوي.
بل خوا، د روسیې د بېړنیو حالاتو وزارت د یکشنبې په ورځ وویل، چې د اوکراین په ختیځ کې د روسیې تر کنټرول لاندې لوهانسک سیمه کې د اوکراین د بې پیلوټه الوتکې په برید کې یو اور وژونکی وژل شوی او دوه نور ټپیان شوي دي.
خارکیف چې د روسیې له پولې څخه ۳۰ کیلومتره لېرې دی پر اوکراین د یرغل له پیل راهیسې، د مسکو د پرله پسې بریدونو لاندې راغلی دی.
تیریخوف پر ټېلېګرام لیکلي، چې په خارکیف کې دغه ودانۍ د روسیې د یو لایزري بمب پر مټ په نښه شوې او دا چې ۶۰ تنه اوسېدونکي یې له ودانۍ ایستلي دي.
هغه زياته کړه، په ټپيانو کې يو اته کلن او دوه ١٧ کلن ماشومان شامل دي.
ولسمشر ولادیمیر زېلینسکي دا برید غندلی او د روسیې د بریدونو په وړاندې د دفاع لپاره یې د کییف له لویدیځو ملګرو څخه د لا زیاتو وسلو غوښتنه کړې ده.
هغه پر ټولنیزو رسنیو لیکلي: "اوکراین د اوږد واټن ویشتونکو بشپړ ظرفیتونو ته اړتیا لري او موږ کار کوو چې خپل متحدین په دې اړه قانع کړو."
بل لور ته د روسیې د بې پیلوټه الوتکې برید د شنبې په ورځ د نیکوپول په ښار کې دوه تنه ووژل.
سیمه ییزو څارنوالانو وویل، د کورخوف په ختیځ ښارګوټي کې یو کس د روسیې د توپچي په برید کې وژل شوی دی.
همدا راز، د سومي په سیمه کې سیمه ییزو چارواکو ویلي، چې روسي الوتکو د شوستکا په ښارګوټي کې د انرژۍ زېربناوې په نښه کړې دي.
د روسیې تر کنټرول لاندې سیمو باندې د اوکراین برید
بل خوا، د روسیې د بېړنیو حالاتو وزارت د یکشنبې په ورځ وویل، چې د اوکراین په ختیځ کې د روسیې تر کنټرول لاندې لوهانسک سیمه کې د اوکراین د بې پیلوټه الوتکې په برید کې یو اور وژونکی وژل شوی او دوه نور ټپیان شوي دي.
دغه وزارت پر ټېلېګرام خپور کړي پیغام کې وویل، چې د بې پیلوټه الوتکې برید هغه مهال شوی، چې اور وژونکي د یوې اورلګیدنې پر کنټرولولو بوخت وو.
اسراییلي چارواکو وویل، چې برید د سهار په ۱۱ بجو په ساحلي کمپ کې د کفر قاسم پر ښوونځي شوی دی.
دوی زیاته کړه، چې په وژل شویو کسانو کې د حماس د فواید عامې او کور جوړونې وزارت مشر مجید صالح هم شامل دی.
د اسراییل پوځ ویلي، چې برید هلته د حماس جنګیالي په نښه کړي او له هوا یې د برید سیمه څارلې او ملکي وګړو ته د خطر د محدودولو لپاره یې نور ګامونه هم پورته کړي دي.
حماس، اسلامپاله وسله واله ډله چې په غزه واکمنه ده، په منظمه توګه د اسراییل هغه تورونه رد کړي، چې په نږدې یو کلنې جګړه کې د پوځي موخو لپاره روغتونونه او نورې ملکي ودانۍ کاروي.
په غزه کې ډاکټرانو ویلي، شپږ نور فلسطینیان د غزې په مرکزي او سویلي برخو کې په جلا - جلا هوايي بریدونو کې وژل شوي دي.
دوی د یکشنبې په ورځ د اسراییل په بریدونو کې د وژل شویو فلسطینیانو شمېر ۱۶ کسان ښودلي دي.
د مصر سره د غزې پولې ته نږدې په رفح ښار کې اوسیدونکو وویل، چې اسراییلي ټانکونو د ښار لویدیځې برخې ته چیرې چې د دوی اردو د می میاشتې راهیسې عملیات کوي، پرمختګ کړی او د ساحلي سړک د څارنې لپاره په ځینو غونډیو کې مېشت شوي دي.
د حماس وسله والې څانګې ویلي، چې جنګیالیو یې په رفح ښار کې د اسراییلي ځواکونو پر ضد څو بریدونه کړي، د ټانک ضد راکټونه یې کارولي او په هغو کورونو یې د بمونو بریدونه کړي، چې اسراییلي پوځیان پکې ځای پرځای شوي وو.
د اسراییل پوځ د شنبې په ورځ په یوه اعلامیه کې وویل، چې ځواکونو یې په رفح ښار کې په وروستیو اونیو کې لسګونه وسله وال وژلي او پوځي تاسیسات او تونلونه یې ویجاړ کړي دي.
د یکشنبې په ورځ د غزې د روغتیا وزارت خبرداری ورکړ، چې په ټولو روغتونونو کې به ټول خدمات په ۱۰ ورځو کې ودرول شي ځکه چې د جنراتورونو لپاره پرځې او کافي تیل په واک کې نه لري.
د روانې جګړې او ستونزو برسیره، سخت باران د شپې په اوږدو کې د فلسطیني بې ځایه شویو خیمې له اوبو ډکې کړې دي.
د دیرالبلاح په مرکزي ښار کې له خپلې کورنۍ سره بې ځایه شوې عیا وویل: "لس دقیقې باران د خیمو د ډوبولو لپاره کافي و. که ټوله ورځ باران وشي نو څه به وشي؟ خیمې لا له وړاندې زړې شوي او ژمي کې په کې ژوند نه شي کېدای."
دغه سیمې ته شاوخوا یو میلیون کسانو د جګړې له وېرې پناه وړې ده.
هغې وویل: "موږ نوې خیمې نه غواړو. موږ غواړو چې جګړه پای ته ورسېږي. موږ په دوزخ کې لنډمهاله حل نه غواړو".
د فلسطین د کډوالو لپاره د ملګرو ملتونو ادارېد عامه اړیکو مشر جولیټ توما وویل، چې په راتلونکي ژمي کې د خلکو سره د مرستې لپاره نورو خیمو او تجهیزاتو ته اړتیا لري.
توما رویټرز ته وویل: "د باران او د تودوخې په راټیټیدو سره دا احتمال شته چې خلک ناروغه شي په ځانګړې توګه ماشومان چې د زکام او سینه بغل ناروغیو په وړاندې ډیر زیان منونکي دي."
د اسراييلي - فلسطينيانو په لسيزه لانجه کې دا جګړه د اکتوبر په اوومه هغه مهال پيل شوه، چې حماس پر اسراييل بريد وکړ، د اسراييلي شمېرو له مخې؛ په دغه برید کې ۱۲۰۰ کسان ووژل شول او شاوخوا ۲۵۰ نور يرغمل شو.
د غزې د روغتیا وزارت په وینا؛ په سیمه کې د اسراییل وروستيو بریدونو تر ۴۱ زره ۳۰۰ ډیر فلسطینیان وژلي او نږدې ۲.۳ میلیونه کسان یې بې ځایه کړي دي.
د اسراییل د دفاع وزیر یوف ګالنټ وویل، چې پر لبنان به بریدونه به تر هغه دوام وکړي تر څو چې د اسراییل له شمالي سیمو څخه د بې ځایه شویو کسانو بېرته ستنېدل خوندي شوي نه وي.
په همدې حال کې حزب الله ژمنه کړې، چې د غزې په جګړه کې د اوربند تر رامنځ ته کېدو پورې به جګړې ته دوام ورکوي.
د اسراييل لومړي وزير بنيامين نتنياهو په يوه ويډيويي اعلامیه کې وويل: "په دې وروستيو ورځو کې موږ پر حزب الله داسې يو لړ ګوزارونه وکړل چې هيڅکله يې تصور هم نه و کړی. که حزب الله زمونږ په پیغام پوه شوی نه وي، زه تاسو سره ژمنه کوم، چې دوی به زمونږ په پیغام پوه شي."
د اسراییل او حزب الله ترمنځ کړکیچ وروسته له هغه پراخ شو، چې حزب الله د اسراییل په وړاندې دویمه جبهه پرانستله او ویې ویل چې دا کار یې د غزې په سویل کې د اسراییل د برید په غبرګون کې د فلسطینیانو سره د پیوستون لپاره کړی دی.
د اسراییل پوځ ویلي، چې د شنبې په ورځ یې په لبنان کې شاوخوا ۲۹۰ هدفونه په نښه کړي، چې په کې د حزب الله د زرګونو راکټ د توغولو سیسټمونه هم شامل دي او دا چې نور بریدونه به هم وکړي.
اسراییل د دغه هېواد په شمال کې ښوونځي تړلي، غونډې یې محدودې کړې او روغتونونو ته یې امر کړی چې ناروغان او کارمندان خوندي سیمو ته ولېږدوي.
ډېری دغه مرکزونه خوندي یا د ځمکې لاندې تاسیسات لري، چې د راکټونو په وړاندې ډیزاین شوي.
د اسراییل پوځ ویلي، چې په تېرو دوو ورځو کې شاوخوا ۱۵۰ راکټونه، کروز توغندي او ډرون په اسراییل توغول شوي، چې ډېری یې د هوایي دفاع سیسټم له خوا نسکور شوي دي.
په دغو بریدونو کې د اسراییل د حیفا ښار ته څېرمه د یو کور په ګډون ګڼې ودانۍ نړېدلې دي.
د ژغورنې ډلو د ټپیانو درملنه کړې خو د مرګ ژوبلې په اړه یې څه نه دي ویلي.
د سیمې اوسېدونکو ته لارښوونه شوې وه، چې د بریدونو نه د خوندي کېدو لپاره د ځمکې لاندې تاسیساتو ته نږدې پاتې شي.
حزب الله ویلي دي، چې د یکشنبې په ورځ یې د بې پیلوټه الوتکو پر مټ د اسراییل دوه مرکزونه په نښه کړي.
دغه ډله وايي، چې د پیجرونو د چاودنې د برید په لومړني غبرګون کې یې د اسراییل په پوځي او صنعتي مرکزونو راکټي بریدونه کړي دي.