د ناټو سرمنشي ینس سټولټنبرګ د دوشنبې په ورځ په یوه مرکه کې رویټرز خبري اژانس ته وویل، چې د ناټو غړي باید اوکراین ته د ولادیمیر پوتین د "بې پروا اټومي خبرداریو" له امله د نورو پوځي مرستو له ورکولو ډډه ونه کړي.
سټولټنبرګ تېره اونۍ د پوتین هغه څرګندونو ته غبرګون وښود چې روسیه کولی شي پر دغه هېواد د توغندیزو بریدونو په غبرګون کې اټومي وسلې وکاروي.
پوتین دغه خبرداری په داسې حال کې ورکوي، چې متحده ایالات او متحدین یې په دې اړه غور کوي چې ایا اوکراین ته اجازه ورکړي، چې د روسیې په خاوره کې د لویدیځ له خوار ورکړل شوي توغندي وکاروي که نه.
کییف وايي، غواړي پر هغو اهدافو برید وکړي چې د روسیې د جګړې دوام سره مرسته کوي.
سټولټنبرګ چې د ناټو مشري له یوې لسیزې وروسته د سې شنبې په ورځ د هالنډ پخواني لومړي وزیر مارک روت ته سپاري، وايي: "هغه څه چې موږ لیدلي د اټومي وسلو د کارولو په اړه د روسیې بې پروا پرله پسې څرګندونې دي او دا وروستۍ هغه هم د همدې دوامداره څرګندونو یوه برخه ده. "
سټولټنبرګ د بروکسل په څنډه کې د ناټو په مرکزي دفتر کې رویټرز ته وویل: "هر ځل چې موږ د نوي ډول وسلو، ټانکونو، اوږد واټن ویشتونکو توغندیو یا اف -۱۶ الوتکو په برابرولو سره خپل ملاتړ وښیو، روسیې هڅه کړې چې زموږ مخه ونیسي."
هغه وویل، چې ناټو د روسیې په اټومي دریځ کې کوم بدلون نه دی لیدلی.
ښاغلي قاسم وویل، چې اسراییل به خپلو موخو ته ونه رسیږي.
هغه له یوه نامعلوم ځای څخه په یوه وینا کې وايي: «موږ به له هر ډول احتمال سره مقابله وکړو. که اسراییل د ځمکې له لارې لبنان ته د ننوتو پرېکړه وکړي، د مقاومت ځواکونه ځمکنۍ جګړې ته چمتو دي.»
هغه دا خبرې په داسې حال کې کولې چې په بیروت او د لبنان په نورو سمیو کې د اسراییل هوایي بریدونو دوام درلود.
د اسراییل بریدونه له دوو اونیو راهیسې دوام لري او د حزب الله یو شمېر قوماندانان یې له منځه وړي؛ خو د لبنان د حکومت په وینا دغو بریدونو شاوخوا ۱۰۰۰ لبنانیان هم وژلي او یو میلیون کسان یې د خپلو کورونو پرېښودو ته اړ کړي دي.
د نصرالله وژنه او تر هغه مخکې د پیجرونو چاودنه او د نورو لوړ پوړو قوماندانانو وژل کېدل، د دې ډلې لپاره تر ټولو لوی ګوزار بلل کیږي.
حزب الله ډله د ایران له خوا په ۱۹۸۲ کال کې د اسراییل سره د مبارزې لپاره جوړه شوې وه.
ایران دغه ډله د لبنان تر ټولو پیاوړی نظامي او سیاسي ځواک جوړ کړی و، چې په منځني ختیځ کې یې پراخ نفوذ درلود.
قاسم وویل: «مونږ به ژر تر ژره د خپل ګوند لپاره سرمنشي وټاکو او رهبري او پوستونه به په دایمي توګه ډک کړو.»
هغه وايي، چې د حزب الله جنګیالیو د اسراییل په خاوره کې تر ۱۵۰ کیلومتره پورې د راکټونو ویشتلو ته دوام ورکړی او د اسراییل د هر ډول احتمالي ځمکني یرغل سره مخ کېدو ته چمتو دي.
نوموړی وايي: "موږ به دا جګړه هغه ډول وګټو لکه څنګه مو چې د ۲۰۰۶ کال کې د اسراییلي دښمن په وړاندې جګړه ګټلې وه. "
اسراییل چې د غزې په جګړه کې یې د فلسطیني وسله والې ډلې حماس مشران هم وژلي، وايي، چې د خپلو بې ځایه شویو وګړو د بېرته راګرځولو لپاره به هر هغه څه وکړي، چې په توان کې یې لري.
د حزب الله د بریدونو له امله د اسراییل له شمالي پولو څخه یو شمېر خلک امنو سیمو ته ایستل شوي دي.
اسراییل د ځمکني یرغل خبره نه ده رد کړې او پوځیان یې د داسې یو پلان لپاره روزل شوي دي.
د اسراییل د دفاع وزیر یوف ګالانت خپلو سرتیرو ته وویل: "د نصرالله له منځه وړل یو مهم ګام دی، خو وروستی نه دی. د اسراییل په شمالي سیمو کورونو ته د خلکو د بیرته ستنېدو د یقیني کولو لپاره به موږ خپل ټول توان په کار واچوو."
په دغه انځوریز راپور کې په توپان ځپلو سیمې کې پراخ ویجاړی لیدل کیږي.
په سویلي کارولینا، فلوریډا، جورجیا، شمالي کارولینا او ویرجینیا کې د دولتي او سیمه ییزو چارواکو په وینا؛ توپان لږ تر لږه ۶۰ کسان مړه کړي دي. چارواکي ویره لري چې په یو شمیر ایالتونو کې به لا نور جسدونه وموندل شي.
د توپان له امله اوښتی زیان اټکل کیږي، چې له ۱۵ میلیارده ډالرو څخه تر ۱۰۰ میلیارده ډالرو پورې وي. د اوښتو زیانونو د ارزونې چارې روانې دي او ډیر ژر به کره شمیرې معلومې شي.
د فدرالي اضطراري وضعیت د مدیریت ادارې مشر ډین کریسویل د یکشنبې په ورځ وویل، چې د اوبو شبکو، مخابراتو شبکو او مهم ترانسپورتي لارو ته د پام وړ زیان اوښتی دی.
ښاغلي کریسویل وویل، چې د متحده ایالاتو حکومت د ناورین سره د مقابلې لپاره کافي سرچینې لري؛ خو د ویجاړیو بیارغونه به ستونزمنه وي.
هغه وویل، د څښلو اوبه اغیزمنو سیمو ته لیږل شوي او د اردو د انجینرانو قول اردو به د یکشنبې په ورځ د اوبو سیسټمونو ته د زیانونو ارزونه پیل کړي ترڅو اغیزمنو سیمو ته د څښلو اوبو په بیرته راستنیدو کې مرسته وکړي.
کریسویل وویل: "د اغیزمنو سیمو بیارغونه پیچلې کیدی شي. د دغو پنځو ایالتونه بیارغونه به اسانه نه وي."
د متحده ایالاتو د انرژۍ وزارت یو چارواکي وویل، چې د یکشنبې په ورځ شاوخوا ۲.۷ میلیون پیرودونکي له بریښنا څخه بې برخې پاتې شوي.
د فلوریډا والي وايي، چې په دغه ایالت کې ټول ۱۱ کسان مړه شوي او دا چې د توپان د ویجاړي کچه د نورو کلونو په پرتله پراخه ده.
د ځایی رسنیو په وینا؛ د مکسیکو یو تر ټولو ډېر ځپل شوی او بې وزله ایالت ګیریرو کې ۱۸ کسان مړه شوي، چې ډېری یې د خټو د ښوېیدو له امله په ویجاړو شویو کورونو کې بند پاتي شوي وو. ځایی رسنیو په اوکساکا کې د درېیو مړینو راپور ورکړی دی.
د ګیریرو ایالت والي ایولین سالګاډو ویلي، چې د کښتۍ، جیټسکي او هلیکوپټرو په واسطه د ژغورنې عملیات روان دي او اوسېدونکي له اغېزمنو سیمو راوباسي.
سالګاډو وویل، چې هوایي ډګر چارې بېرته پیل شوې دي.
د جان د توپان له امله د سیمې خلکو ته په میلیاردونو ډالرو زیانونه اوښتي دي.
