د تحریک طالبان پاکستان ډلې ټيټيپي ادعا کړې، چې د تېرې سپټمبر میاشتې په ترڅ کې یې د پاکستان پر امنیتي ځواکونو د ۲۶۲ بریدونو له امله ۱۳۷ کسان وژلي او ۱۸۹ تنه نور یې ټپیان کړي دي.
په هغې خبرپاڼه کې چې دغې ډلې رسنیو ته استولې او یوه کاپي یې افغانستان انټرنشنل پښتو ته هم رسېدلې ویل شوي، چې دغه بریدونه د خیبر پښتونخوا، بلوچستان او سویلي پنجاب په صوبو کې ترسره شوي دي.په خبرپاڼه کې دغه بریدونه لایزري، د خرپ او ترپ، کمیونه (څو)، لاسي بمونه، یرغلیز، ځوابي، هدفي او د توغندویزو بریدونو په بڼو یاد شوي دي.د خبرپاڼې له مخې، د دغو بریدونو ډېری یې د خیبر پښتونخوا او بلوچستان په صوبو کې شوي؛ خو د پنجاب په میانوالې او لاهور کې یوازې د دوو بریدونو ادعا شوې ده.خبرپاڼې دا رنګه کاږلي، چې د دغو بریدونو له امله یې د پوځ، پولیسو، استخباراتو، اېف سي او امنیتي کمپنیو ادارې اغېزمنې کړې دي.د خبرپاڼې په وروستۍ برخه کې د پوځ او پولیسو د کشفي کمرو، پوځي وسایطو، ډرون کمرو، پوځي ودانیو او نورو پوځي مهماتو د ویجاړېدو خبره هم شوې او دا هم ویل شوي، چې زیاته اندازه وسلې او مهمات هم د دغې ډلې د وسلهوالو لاس ته ورغلي دي.که څه هم چې تر اوسه د پاکستان پوځ او نورو امنیتي ادارو د دغو ادعاو په اړه څه نه دي ویلي، خو په تېره میاشت کې دغو ادارو د ټيټيپي لهخوا د تر سره شویو بریدونو او د امنیتي ځواکونو د غبرګون په اړه وخت ناوخت خبرپاڼې هم خپرې کړې دي.پاکستاني چارواکو تل ویلي، چې د ټيټيپي ډلې وسلهوال په افغانستان کې پټنځایونه لري او له هماغه ځایه په پاکستان کې بریدونه پلانوي؛ خو طالبانو تل دغه ادعاوې ردې کړې دي.
په زرګونو بې ځایه شوي فلسطینیان د سې شنبې په ورځ د غزې د سویلي ښار خان یونس په کنډوالو کې خپلو کورونو ته وروسته له هغه راستانه شول چې اسراییلي ځواکونو هلته د یوې اونۍ اوږد یرغل پای ته ورساوه، چې د دوی په وینا هدف یې د اسلامي وسله والې ډلې حماس د بیا تنظیمیدو مخنیوی و.
فلسطینیان د غزې په سویل کې د خان یونس په سیمه کې د اسراییل ځواکونو له وتلو وروسته خپلو کورونو ته د بیرته راستنیدو په حال کې دي.
د غزې په سویل کې د خان یونس په سیمه کې یو فلسطینی پلار خپل ماشوم له ځانه سره وړي. فلسطینیان د خان یونس ختیځ سیمو ته وروسته له هغه د راستنېدو په حال کې دي چې اسراییلي ځواکونو دغه سیمه پریښې ده.
تیر کال د اکټوبر پر اومه پر اسراییل د حماس له برید وروسته، اسراییلي ځواکونو پر غزې پراخ هوايي او ځمکني بریدونه پیل کړل، چې په پایله کې یې تر ۴۱ زرو ډیر کسان وژل شوي او شاوخوا دوه میلیونه کسان بې ځایه شوي دي.
پر اسراییل د حماس برید کې ۱۲۰۰ کسان وژل شوي وو.
