په بیروت کې د اسراییل بریدونه؛ په سویلي لبنان کې له خلکو غوښتي چې خپلې سیمې پرېږدي

د افغانستان لپاره د متحده ایالاتو د سیاست مسووله وايي، چې په دې ناسته کې د مرستو د څارنې میکانیزمونه ارزول شوي او د مرستو په برابرولو کې د روڼتیا پر اړتیا ټینګار شوی.

د ناستې برخه والو د طالبانو د امر بالمعروف او نهی عن المنکر ادارې د نوي قانون پر بنسټ د لګول شویو بندیزونو له امله د پېښو ننګونو په اړه خبرې کړې دي.

دغه قانون په بېلابېلو برخو کې، په ځانګړې توګه د ښځو په تړاو سخت بندیزونه وضع کړي دي.

ددې قانون له مخې ښځې نه شي کولای چې له شرعي محرم پرته له کوره ووځي او غږ یې په عمومي ځایونو کې عورت ګڼل شوی.

د ملګرو ملتونو د رپوټ له مخې، افغانستان له یوه ستر انساني ناورین سره مخ دی او لږ ترلږه ۲۳ میلیونه وګړي دمګړۍ بشري مرستو ته اړ دي.

د افغانستان لپاره د امریکا د سیاست نوې مسوولې او مخکینۍ شارژدافیرې، چې د مرستندویانو د همغږي په ناسته کې یې ګډون کړی، خبریالانو ته وویل، چې واشنګټن د افغانستان د جمهوري نظام له سقوط وروسته له افغانستان سره دوه عشاریه درې میلیارده ډالره بشري مرستې کړې دي.

ډکر دغه راز وویل، چې ډېر زر به ملګري ملتونه د «دوحه۳» د نشه يي توکو او اقتصاد کاري ډلو د کار پایلې وڅیړي او د دوحې بله ستره ناسته به هم ترسره شي.

په داسې حال کې چې نړیوال مرستندویان د مرستو پر همغږۍ او د څرنګتیا پر بدلون خبرې کوي، یو شمېر هېوادونه اندېښنه ښيي، چې شونې ده طالبان له بشري مرستو ناوړه ګټه واخلي.

د دغه کار لامل، پر اسراییل د ایران له برید وروسته د اسراییل له خوا د ایران احتمالي په نښه کېدل بلل شوي دي.

په تېر کال کې په منځني ختیځ کې ناکرارۍ د هوایي چلند لپاره خنډونه رامنځته کړي او هوایي شرکتونه یې په پرلپسې توګه د پرواز د مسیرونو بدلولو ته او د هوایي حریم خوندیتوب بیا ارزونې ته اړ کړي دي.

د “فلایت رادار ۲۴” ویاند ایان پیتچینیک وویل: "ډېری هوایي شرکتونو له ایران څخه الوتنې بېرته پیل کړې او د شمالي مسیر څخه د اذربایجان، ترکمنستان، افغانستان، پاکستان او هند له لارې اسیا ته الوتنې کوي او سویلي مسیر څخه بیا د مصر او سعودي عربستان له لارې الوتنې کوي."

ځینو هوايي شرکتونو ویلي، چې د ایران له خوا پر اسراییل د سې شنبې ورځې د بالستیک توغنديو له برید وروسته یې په منځني ختیځ کې خپل پروازونه بېرته پیل کړي.

پیتچینیک وویل، چې د منځني ختیځ د ځینو برخو د هوايي حریم د استفاده مخنیوی پر اسراییل د ایران له برید سره مستقیم تړاو لری.

د چهارشنبې په ورځ ناوخته، د جرمني لوفتانزا هوايي شرکت وویل، چې د عراقي کردستان اربیل ته په الوتنو کې به په محدود ډول د عراق هوایي حریم کاروي.

دغه شرکت زیاته کړه، چې تل ابیب، بیروت او تهران ته الوتنې به د اوس لپاره وځنډول شي.

ډېکر د افغانستان د همغږۍ ډلې د دوه کلنې ناستې په تړاو چې نړۍوال مرستندویان، یوناما، نړۍوال بانک او د افغانستان استازي او نړۍوال کارپوهانو پکې ګډون کړی، وویل: « دغه ډله نړۍوال ستر مرستندویان د ملګرو ملتونو له مهممو ادارو لکه یوناما او نړۍوال بانک سره یوځای کوي.».

ډېکر وايي، دغه ناسته د څارونکو میکانیزمونو پر ښه والي او روڼتیا ډېرولو متمرکزه ده، چې څنګه بشري مرستې په پراختیايي هغو بدلې شي.

د دې په باور، دوی غواړي داسې شرایط رامنځته شي، چې په نړۍوالو مرستو د اتکاء پر ځای افغانان پخپله خپل ژوند پرمخ بوځي.

ډېکر وویل، چې د ټام وېسټ په تګ سره به د افغانستان په تړاو د امریکا په سیاست کې بدلون رانه شي.

ټام وېسټ له درې کلن ماموریت وروسته له خپلې دندې لرې شو او د متحده ایالاتو د بهرنیو چارو وزرت د بندیزونو برخه کې به خپله نوې دنده پیلوي.

مېرمن ډېکر د افغانستان انټرنشنال د دې پوښتنې په ځواب کې چې د دې لومړیتوبونه به څه وي، وویل: « د افغانستان راتلونکې باید پخپله د افغانانو په لاس او د یوه بهیر له لارې رامنځته شي».

هغې زیاته کړه: « دا زما ستر مسوولیت دی، چې د بیان له حق نه بې برخې افغانانو غږ واوسم».

ډېکر وویل، چې متحده ایالات به د طالبانو له ادارې سره عملي او اصولي تعامل ته ادامه ور کړي.

ډېکر خبریالانو ته په خبرو کې وویل، چې د مالي مرستندویانو او ذینفع اړخونو ترمنځ نړیواله همکاري او همغږي ټاکونکې ده.

د افغانستان لپاره د امریکا د ماموریت نوې شارژدافیره وايي، قزاقستان، ازبکستان، لندن او بروکسل ته یې د سپټمبر میاشتې په سفرونو کې درک کړې، چې د سیمې هېوادونه او سازمانونه له افغانانو سره همکارۍ ته لېواله دي.

د پاکستان ډان ورځپاڼه وايي، د تیرا په یو شمېر سیمو کې د لشکر اسلام او تحریک طالبان پاکستان اړوند جنګیالو،چې د حکومت له خوا پرې بندیزونه لګول شوي، فعالیتونهبېرته محسوسیږي.

ډان د سیمه ییزو سرچینو له خولې وايي، تیراه د چرسو او کوکنارو د کر لپاره وړ ځمکې لري او ډېر کروندګرد ژوند چلونې لپاره پر دې دوو عایداتي سرچینو متکي دي.

د سرچینې په باور، د لشکر اسلام او تحریک طالبان پاکستان غړي د خپلو «تشو خزانو»د ډکولو لپاره د چرسو او کوکنارو په حاصلاتو کې ونډه غواړي.

دغه جنګيالي د تیرا په ځنګلي سیمو بتي، پیر مېله او تختکی کې فعال دي.

ورځپاڼې ته عیني شاهدانو ویلي، چې تېر ته په کتو جنګیالي په حاصلاتو کې د خپلې ونډې له ترلاسه کولو وروسته بېرته ستنیږي.

په ورته وخت کې د تیرا د قومي مشرانو یوه ۳۲کسیزه کمېټهجوړه شوې چې له حکومت سره په ګډه په سیمه کې د مرستې انډولیز وېش، سوله او امنیت ډاډمن کړي.

پولیسو دغه نشه يي توکي د نوي ډیلي په سویلي مهرولي سیمه کې پر یوه استوګنځي د برید پرمهال ضبط کړي او په دې تور یې څلور تنه نیولي دي.

دغو کسانو غوښتل چې دغه نشه يي توکي په نوي ډیلي او د پلازمینې شاوخوا کې وپلوري.
دغه نشه يي توکي داسې مهال ضبط کیږي، چې هندي پولیسو دوه ورځې وړاندې د نوي ډیلي په تېلک نګر سیمه کې د عبدالوارث هاشمي او عبدالنایب په نومونو دوه تنه نور افغانان هم په ورته تور نیولي دي.

له دغو کسانو نه ۴۰۰ کیلوګرامه هیرویین او ۱۶۰ ګرامه کوکایین نیول شوي.
د وارث او نایب په اړه ویل کیږي، چې له ۲۰۲۰ کال راهیسې په هند کې د پناه غوښتونکو په توګه ژوند کوي؛ خو کورنۍ یې په افغانستان کې اوسیږي.

پولیس وايي، نوموړو د نوي ډیلي او پلازمینې په شاوخوا کې د نشه يي توکو غوټې لېږدولې او د هرې غوټې په بدل کې یې سل ډالر ترلاسه کول.
د چهارشنبې ورځې د څلورو نیول شویو کسانو د هویت په تړاو پولیسو تر اوسه څه نه دي ویلي.

دا لومړی ځل نه دی، چې په هند کې د نشه یي توکو د قاچاق او پلور تور پر افغانانو پورې کیږي، بلکې د روان کال په مارچ میاشت کې هندي پولیسو خبر ورکړی و، چې په ګوا کې یې څلور افغانان د هېروینو د پلور په تور نیولي او دوی په یوې نړۍوالې شبکې پورې اړوند دي.