ډان ورځپاڼه: تیرا کې طالبان د نشه يي توکو حاصلاتو کې خپله ونډه غواړي

نوموړي په خیبر کې د پښتنو قامي جرګې په تنظیم کوونکو برید وغنده او پر خپلو پلویانو یې غږ وکړ چې د جرګې ځای ته ځانونه ورسوي.
منظور پشتین وايي، پولیسو پر هغې خیمې برید کړی، چې د وژل شویو، لادرکه شویو او ځپل شویو پښتنو کورنۍ او د ورته پېښو شاهدان ورته راتلل.
پشتین ژمنه وکړه چې دغه برید او د خیمې سوځول دی له خپلې ارادې نه شي اړولای.
هغه پولیس په پیغوروزمه ژبه مخاطب کړل چې د پښتنو د وینې تویولو پرځای ښه داده چې مزدوري وکړي او ریړۍ وچلوي.
په ورته وخت کې د پي ټي ایم غړي وايي، په خیبر ولسوالۍ کې د قامي جرګې پر تنظیموونکو برید د پاکستان د کورنیو چارو وزارت په لارښوونه شوی.
د پاکستان د کورنیو چارو وزارت د اکتوبر پر لومړۍ نېټه په یوه مکتوب کې، چې د پي ټي ایم غړو خپور کړی، د خیبر پښتونخوا حکومت ته سپارښتنه کړې، چې د پي ټي ایم د فعالیتونو پر وړاندې زر او پرېکنده ګام واخلي.

په دغه مکتوب کې پي ټي ایم د حکومت او حکومتي بنسټونو پر وړاندې د کرکې او قومي احساساتو په راپارولو تورن شوی.
په مکتوب کې لیکل شوي، چې د پښتون ژغورنې غورځنګ له قومي او قبیلوي احساساتو ګټه پورته کوي او بېلابېلې رسنۍ او تبلیغاتي توکي کاروي.
مکتوب دا ډل فعالیتونه د عامه امن او حکومتولۍ د اصولو کمزوري کول ګڼلي او د خیبر پښتونخوا حکومت ته پکې سپارښتنه شوې چې یاد غورځنګ ژور و څاري او ددغسې چلند د ډېریدو مخه ونیسي.

د پښتون ژغورنې غورځنګ د پاکستان پر پوځ او امنیتي ادارو نیوکې کوي، چې د ترهګرۍ ضد جګړې په نامه د پښتنو په سیمه کې نیابتي جګړې پرمخ وړي.

د پاکستان کرېکټ بورډ د چهارشنبې په ورځ په يوې اعلامیه کې ویلي، چې د بین سټوکس په لوبډلمشرۍ انګلينډ لوبډله به تر دوه ورځني استراحت وروسته د سياليو لپاره تياری ونيسي.

بورډ ویلي، چې د پاکستان او انګلستان تر منځ به لومړۍ او دويمه ټیسټ لوبه په ملتان کرېکټ لوبغالي کې د روانې میاشتې په اوومه نېټه پیل او تر ۱۹ مې نېټې به دوام وکړي.

د پاکستان کرېکټ بورډ د معلوماتو له مخې؛ د کرېکټ درېیمه ټېسټ سيالۍ به د اکټوبر مياشتي له ۲۴ څخه تر ۲۸ نېټې د راولپڼډۍ په کرېکټ لوبغالي کې تر سره شي.

پاکستان کرېکټ لوبډله لا له وړاندې دغو سياليو ته په تیاريو او تمريناتو بوخته ده.

پولیسو دغه نشه يي توکي د نوي ډیلي په سویلي مهرولي سیمه کې پر یوه استوګنځي د برید پرمهال ضبط کړي او په دې تور یې څلور تنه نیولي دي.

دغو کسانو غوښتل چې دغه نشه يي توکي په نوي ډیلي او د پلازمینې شاوخوا کې وپلوري.
دغه نشه يي توکي داسې مهال ضبط کیږي، چې هندي پولیسو دوه ورځې وړاندې د نوي ډیلي په تېلک نګر سیمه کې د عبدالوارث هاشمي او عبدالنایب په نومونو دوه تنه نور افغانان هم په ورته تور نیولي دي.

له دغو کسانو نه ۴۰۰ کیلوګرامه هیرویین او ۱۶۰ ګرامه کوکایین نیول شوي.
د وارث او نایب په اړه ویل کیږي، چې له ۲۰۲۰ کال راهیسې په هند کې د پناه غوښتونکو په توګه ژوند کوي؛ خو کورنۍ یې په افغانستان کې اوسیږي.

پولیس وايي، نوموړو د نوي ډیلي او پلازمینې په شاوخوا کې د نشه يي توکو غوټې لېږدولې او د هرې غوټې په بدل کې یې سل ډالر ترلاسه کول.
د چهارشنبې ورځې د څلورو نیول شویو کسانو د هویت په تړاو پولیسو تر اوسه څه نه دي ویلي.

دا لومړی ځل نه دی، چې په هند کې د نشه یي توکو د قاچاق او پلور تور پر افغانانو پورې کیږي، بلکې د روان کال په مارچ میاشت کې هندي پولیسو خبر ورکړی و، چې په ګوا کې یې څلور افغانان د هېروینو د پلور په تور نیولي او دوی په یوې نړۍوالې شبکې پورې اړوند دي.

د پښتون ژغورنې غورځنګ په پاکستان کې د میشتو پښتنو پر ستونزو د بحث لپاره د اکتوبر پر ۱۱مه د پښتنو قومي جرګه یا عدالت په نامه جرګه رابللې

دغه غورځنګ د پښتنو بېلابېلو سیاسي، ټولنیزو او ولسي مشرانو ته دې جرګه کې د ګډون بلنه ور کړې ده.

د پښتون ژغورنې غورځنګ وايي، تېره شپه هم پولیسو ددې جرګې د تنظیموونکو د راټولېدو پر ځای برید کړی و او یو شمېر وسایل، خیمې او نور توکي یې له منځه وړي او ځینې یې له ځانونو سره وړي دي.

له دې پېښې نږدې ۱۲ ساعته وروسته بیا د جرګې پر ځای برید شوی دی.
د دغه غورځنګ غړو پر ټولنیزو شبکو ویډیوګانې خپرې کړې، چې د جرګې په سیمه کې د ډزو غږونه پکې اورېدل کیږي.
منظور پشتین د خیبر پښتونخوا د پولیسو ددغه ګام تر شا څارګرې ادارې په لاس لرنه تورنوي او وايي، دا لومړی ځل دی، چې د پښتنو پر جرګې برید کیږي.

د عالمزېب مسید نیول

په ورته وخت کې د پي ټي اېم غړي وایي، چې پاکستاني پولیسو په دیره اسماعیل خان کې د دغه غورځنګ جګپوړی غړی عالمزیب مسید نیولی.

عالمزېب مسید د ورکو خلکو او د پاکستان په زندانونو کې د پښتنو زندانیانو په اړه د څیړنې او پلټنې ډلې غړی ګڼل کیږي.

هغه په دې وروستیو کې په قبایلي سیمو، په ځانګړې توګه وزیرستان کې د ترهګرۍ خلاف د قبیلو د را پورته کېدو کمپاین پیل کړی و

جيونيوز هم د چهار شنبې په ورځ په ورته يوه خبره کې ويلي، چې پاکستاني ځواکونو په هرنايي کې دغه عمليات د دقیقو او پټو معلوماتو پر بنسټ کړي.

د دوی د معلوماتو له مخې، په وژل شويو بلوڅ بیلتونپالو کې «شفو سمالاني، چې مستعار نوم یې تادين، سرمدخان مشهور په دستين، محمد ګل مري مشهور په وحيد بلوڅ، غلام قادر مري مشهور په انجير بلوڅ، عبيد بلوڅ مهشور په فدا او تاج محمد مشهور په بابل» شامل دي.

جيونيوز د پاکستان د کورنيو چارو وزير محسن نقوي له قوله لکی، چې عمليات یې بريالي و او د خپلو ځواکونو ستاينه یې کړې.

نقوي ويلي: «امنیتي ځواکونو په خپل وخت اقدام کولو سره ترهګر ختم کړل (موږ) د امنیتي ځواکونو زړورتیا ته سلام کوو.»
بلوچستان د اوږدې مودې راهیسې د بلوڅ بيلتونپالو او پاکستاني ځواکونو ترمنځ د ناامنۍ او جګړو شاهد وي.

بلوڅ بيلتونپال د خپلواکۍ غوښتنه کوي او د پاکستان حکومت يې پر وړاندي وسلواله مبارزه کوي.