د بخښنې نړیوال سازمان: پاکستان کې په ۱ میاشت کې دوه تنه مقدساتو ته د سپکاوي په تور وژل شوي

نوي ډیلي د جمعې په ورځ ویلي، چې د هند د بهرنیو چارو وزیر به پاکستان ته سفر وکړي.

دا له ۹ کلونو وروسته پاکستان ته د هند د بهرنیو چارو د وزیر لومړی سفر دی.

وروستی ځل د هند د بهرنیو چارو وزیرې سوشما سواراج په ۲۰۱۵ کال کې د اسیا زړه هیوادونو په غونډه کې د ګډون له پاره پاکستان ته سفر کړی و.

ښاغلي جی شنکر په یوه غونډه کې وویل: «دا سفر په څو اړخیزه غونډه کې د ګډون لپاره دی. زه هلته د پاکستان او هند پر اړیکو د بحث لپاره نه ځم.»

هغه زیاته کړه، چې پاکستان ته ځکه ځي، چې هند د شانګهای د همکارۍ سازمان «ښه غړی» دی.

جی شنکر په پاکستان کې د هغه شتون ته د رسنیو په ځواب کې وویل:«ځکه چې زه یو شریف او بانزاکته سړی یم، زما چلند به مناسب وي.»

ټاکل شوې د شانګهای د همکارۍ سازمان غونډه د اکتوبر په ۱۵مه او ۱۶مه په اسلام اباد کې جوړه شي.

په دې غونډه کې به د روسیې، قرغزستان او تاجکستان مشران ګډون وکړي.

د هند او پاکستان تر منځ اړیکي په ۱۹۴۷ کال کې له بریتانیا څخه د خپلواکۍ له اخیستو وروسته بېرته عادي حالت ته نه دي راغلي.

د هند او پاکستان تر منځ اړیکې تل د ترینګلتیا سره مخ دي او د دغو دواړو هیوادونو حکومتونه تل د کشمیر د حاکمیت پر سر اختلاف لري او په شخړو کې ښکیل شوي دي.

د پاکستان پوځ وايي، په بریدونو کې د جنګیالیو د یوه مهم قوماندان په ګډون، چې د خیبر پښتونخوا ایالت په سوات کې یې د ډپلوماټانو پر کاروان په وروستي بريد کې لاس درلود،اته تنه وسله وال جنګيالي هم وژل شوي.

یوې سرچینې افغانستان انټرنېشنال ته وویل، چې دغه برید وړمه شپه د حافظ ګل بهادر د ډلې جنګیالیو کړی او له لایزري ټوپکو یې پکې ګټه اخستې ده.

سرچینې په برید کې د سرحدي ملیشو د ګڼو نورو سرتېرو او جنګیاليو د ټپي کېدو پخلی هم کړی.

خبرپاڼه وايي، په دې جګړه کې د فیصل اباد اوسېدونکی ۴۳ کلن محمد علي شوکت له خپلو پنځو سرتېرو سره وژل شوی.

په يوه بله خبرپاڼه کې د پوځ رسنیزې څانګې په ډاګه کړې، چې امنيتي ځواکونو د سوات په چهارباغ سيمه کې د عملياتو پر مهال د توندلارو د يوه مشر عطاء الله مهران په ګډون دوه توندلاري وژلي او يو بل يې ټپي کړى.

د خبرپاڼې پربنسټ، مهران په سیمه کې په ګڼو بریدونو کې لاس درلود او د سپتمبر پر ۲۲ مه په سوات کې د بهرنیو ډپلوماټانو له یوه کاروان سره مل د پولیسو پر موټرو برید هم نوموړي کړی و.

د پاکستان پولیسو دا هم ویلي، چې د مرکزي کورمې ولسوالۍ په باراني سیند سیمه کې په یوه جلا برید کې اووه پاکستاني سرتیري وژل شوي او دوه نور ټپیان شوي.

نوموړي ویلي، چې په ټول اسلام اباد کې یې لټون پیل کړی او هڅه کوي، چې حالت سم کړي.

محسن نقوي رسنیو ته ویلي، چې له تېرو دوو ورځو راهیسې د اسلام اباد خلک له ستونزو سره مخ دي.

نوموړي په اسلام اباد کې د روان وضیعت په اړه له خلکو بښنه غوښتې او ژمنه یې وکړه، چې ډیر ژر به د اسلام اباد حالت عادي شي.

نن درېیمه ورځ ده چې اسلام اباد ته غځېدلې لویې لارې او د ښار دننه ټولې لارې په کانټینرونو تړل شوې دي او ټلیفوني شبکې بندې دي چې خلک د اړیکو نیولو او انټرنیټ له ستونزو سره مخ دي.

100%

ښاغلي نقوي له رسنیو سره په خبرو کې ویلي، چې د تحریک انصاف ګوند د لاریون کوونکو له لوري د اسلام اباد او پنجاب ۱۰۶ پولیس ټپیان شوي او د یوه پولیس روغتیايي حالت د اندېښنې وړ دی.

نوموړی وايي: «زموږ د تګلارې له مخې، باید هیچاته ځاني زیان ونه رسیږي، خو لاریون کوونکي هڅه کوي چې ځاني زیان واوړي.»

محسن نقوي ویلي، چې د لاریون کوونکو هدف دا دی، چې ډي څلورلارې ته ځان ورسوي او تر ۱۷مې نیټې هلته پرلت ووهي.

نوموړی زیاتوي چې لاریون کوونکي غواړي چې په اسلام اباد کې ترسره کیدونکې د شانګاهای د همکاریو سازمان را روانې غونډې ته خنډونه جوړ کړي.

هغه وايي: «هر هغه څوک چې په دغه لاریون کې لاس لري، ان د خیبرپښتونخوا د سر وزیر په ګډون به له ټولو سره قانوني چلند وشي.»

نوموړي ویلي، چې د هغو ټولو کسانو پر ضد به قضیې ثبت کړي، چې پر پولیسو یې ډزې کړې دي.

د پاکستان د کورنیو چارو وزیر ویلي، چې دغه لاریون د خیبرپښتونخوا د سر وزیر علي امین ګنډاپور په مشرۍ اداره کیږي.

نوموړی زیاتوي چې د خیبرپښتونخوا ۱۱ پولیس چې ملکي جامې یې پر تن وې هم په لاریون کې نیول شوي دي.

بل خوا د تحریک انصاف ګوند غړي اسد قیصر ویلي، چې د خیبرپښتونخوا سر وزیر علي امین ګنډاپور د اسلام اباد پولیسو له لوري نیول شوی دی.

خو یاد خبر تر اوسه پورې د پاکستان د کورنیو چارو وزارت نه دی تایید کړی.

د افغانستان لپاره د پاکستان حکومت مخکني ځانګړي استازي اصف دوراني تېره شپه د (تلې ۱۴مه) په خپله ایکس پاڼه لیکلي چې د طالبانو حکومت دې په افغانستان کې د هغو «ترهګرو» ډلو پر ضد ګامونه پورته کړي چې هلته یې پناه اخیستې.

هغه په خپل یادښت کې د افغانستان لپاره د مسکو فارمټ غونډې ګډه خبرپاڼه ستایلې او ویلي یې دي، چې په افغانستان کې مېشتې «ترهګرې» ډلې او بېلتون غوښتونکي د سیمې لپاره جدي ګواښ دی.

نوموړي پر طالبانو غږ کړی چې د دغې ګډې خبرپاڼې ټکي دې جدي په پام کې ونیسي او په افغانستان کې دې د هغو «ترهګرو» ډلو پر ضد ګامونه پورته کړي چې هلته یې پناه اخیستې او پر فعالیت بوخت دي.

طالبانو لا د اصف دوراني خبرو ته غبرګون نه دی ښودلی.

د مسکو په غونډه کې د ګډون کوونکو هېوادونو استازو تېره ورځ ناوخته د یوې ګډې خبرباڼې په خپرولو سره په افغانستان کې د «ترهګرو او بېلتون غوښتونکو» ډلو پر شتون اندېښنه څرګنده کړه.

دوی له طالبانو هم وغوښتل چې د خلکو، په ځانګړې توګه د ښځو او توکمونو حقونو ته درناوی وکړي او یو ټولګډونه او معتدل نظام رامنځته کړي.

د دغې خبرباڼې له مخې چې یوه کاپي یې افغانستان انټرنشنل ته هم رسیدلې، د ګډون کوونکو هېوادونو استازو په افغانستان کې د ترهګرۍ سره تړلي امنیتي وضعیت په اړه د ژورې اندېښنې په څرګندولو سره یادونه وکړه چې «په افغانستان کې مېشتې ترهګرې او بېلتونپالې ډلې، د نړۍ او سیمې امنیت ته جدي ګواښ دی.»

په خبرپاڼه کې راغلي، چې ګډونوالو په دوه اړخیزه او څو اړخیزه کچه د ترهګرۍ پر وړاندې د مبارزې پر پیاوړتیا ټینګار وکړ او له ترهګرۍ سره د مبارزې او له منځه وړلو په برخه کې یې له طالبانو خپل ملاتړ څرګند کړ.

د پېښور امنیتي ادارې له تېرو څو ورځو راهیسې په خیبر کې د دغې کېدونکي جرګې پر جوړونکو بریدونه کوي، اوښلن ګاز پرې شیندي او د دوی خیمو ته اور ورته کوي.

ټي ټي پي ویلي، چې د هر هغه کس، ډلې او غورځنګ ملاتړ کوي، چې د مظلومانو د حقونو په اړه غږ پورته کوي او عملي ګامونه اخلي.

پاکستاني طالبانو د شنبې په ورځ د (تلې ۱۴مه) د یوې خبرپاڼې په خپرولو سره د پښتون ژغورنې غورځنګ له لوري د اکټوبر په ۱۱مه په خیبر کې د پښتنو له ترسره کېدونکي لویې قامي جرګې څخه خپل ملاتړ اعلان کړی.

د ټي‌ټي‌پي له لوري په خپره شوې خبرپاڼه کې لیکل شوي، چې پاکستاني طالبان له «هر هغه کس، ډلې او غورځنګ» ملاتړ کوي، چې د مظلومو کسانو د حقونو لپاره غږ پورته کوي او په دې برخه کې عملي ګامونه اخلي.

تحریک طالبان پاکستان لیکلي، چې د پاکستان د ظالم ریاست له لوري د پښتونو پر حقونو او طبیعي زیرمو چور او تالان روان دی.

پاکستاني طالبان وايي،‌ چې پر پښتنو د پاکستان د حکومت له لوري، ظلم، د کسانو نادرکه کولو، بمباریو او د پښتنو به سیمو کې پر طبیعي زیرمو ناجایزه ولکې له امله د پښتون ژغورنې غورځنګ لویه قامي جرګه جوړوي، خو د پاکستان له لوري د پښتنو د حق غوښتنې دغه کلتوري جرګه او غږ پورته کول نا قانونه بلل کیږي او د جرګې پر تنظیمونکو او پښتونو باندې بریدونه کیږي.

پاکستاني طالبانو د پښتنو د لويي قامي جرګې په ملاتړ ویلي: «د پاکستان واکمنو ته وایو، چې دومره ظلم وکړئ، چې بیا یې د زغملو توان ولرئ، ځکه چې د ظلم دا دوران به مو ژر ختم شي»

دا په داسې حال کې ده، چې د پاکستان حکومت د اکټوبر په ۱۱مه د ترسره کېدونکې جرګې د مخنیوي لپاره پوره هڅې کوي او په تېرو څو ورځو کې یې د یادې جرګې لسګونه تنظیمونکي او د پښتون ژغورنې غورځنګ غړي نیولي او په خیبر کې د جرګې خیمې ویجاړې کړې دي.