د طالبانو استخباراتو اړوند رسنۍ: داعش د پاکستان په غوښتنه منظور پښتین او ماهرنګ بلوڅ وژني

بابو رام پنټ پر غورځنګ د پاکستان بنديزونه د سوله ييز لاريونوالو په نښه کولو لپاره د ترهګرۍ ضد قوانينو کارول د غونډو پر ازادۍ او پر انساني حقونو تیری بللی دی.

د دې سازمان د سويلي اسيا لپاره د سيمه ييزې ادارې مرستيال بابو رام پنټ ويلي پاکستان د لږکیو توکمونو د سوله ییزو هڅو په مقابل کې ترهګرۍ د قانون په پلي کولو او غيري قانوني کاروني سره په جبري ډول هڅه کوي، چې د رسنیو له لارې بندیزونه زيات کړي او د دا ډول وروسته پاته سيمو د حرکتونو او لاريونونو مخه ونيسي.

نوموړی پښتون ژغورنې غورځنګ د بشري حقونو په پام کې نيولو سره يو سوله ييز غورځنګ بولي او زياتوي، چې له ډېرې مودې راهیسې دا غورځنګیان د پاکستاني چارواکو له خوا ځورول کيږي.

بابو رام پنټ د پاکستان له حکومت غوښتنه وکړه، چې پر سوله ييزو لاريونو، غونډو او حرکتونو بنديزونو ته د پای ټکی کيږدي.

د پاکستان د کورنیو چارو وزارت په داسې وخت کې پر دغه غورځنګ بندیز لګولی، چې ټاکل شوې د اکتوبر پر ۱۱مه په خیبر ولسوالۍ کې د پښتون قامي جرګې کوربه توب وکړي.

د دې جرګې ویاند افغانستان انټرنېشنال ته وویل چې په جرګه کې ېې د ګډون لپاره شاوخوا دېرش زره کسانو ته یې بلنلیکونه استولي دي.

څو ورځي وړاندي د بښنې نړیوال سازمان په اسلام اباد او راولپنډۍ کې د مخابراتي شبکو پر فعالیت بندیز او د تحریک انصاف ډلې د مظاهرو د مخنیوي لپاره د سړکونو بندول هم غندلي وه.

دغه سازمان پر اېکس پاڼه ليکلي وه:« په اسلام اباد او راولپنډۍ کې د مخابراتي شبکو او انټرنېټ بندول د بیان ازادۍ، معلوماتو ته د لاسرسي حق او د خلکو حقونه تر پښو لاندې کوي.»

په خوست او پکتیکا کې د ځڼغوزیو او چارمغزو سوداګرو افغانستان انټرنشنل ته وویل، د طالبانو حکومت په ۲۰۲۴ کال کې له دوی نه یوازې مالیه اخستې، خو عشر ور څخه د پاکستان د طالبانو تحریک او حافظ ګل بهادر اړوند ډلو ټول کړی دی.

د خوست د ځڼغوزیو مارکېټ کې یوه سوداګر افغانستان انټرنېشنل ته وویل، چې «سږ کال په خوست، پکتیا او پکتیکا کې د طالبانو حکومت د ځڼغوزیو پر حاصلاتو یوازې مالیه واخیسته ، خو خلکو ته یې وویل چې عشر په خپله خوښه چاته ور کړي».

د نوموړي په باور، داسې ښکاري چې حکومت عشر نورو جنګیالیو ډلو ته وربښلی، ځکه پر هغوی په عامو ځایونو کې د چندې ټولولو بندیز دی.

هغه افغانستان انټرنېشنل ته وویل، چې د ځڼغوزیو د عشر ډېره برخه د مداخېلو طالبانو ټوله کړې، چې د حافظ ګل بهادر ډله پورې تړلي دي.

د پکتیکا په ارګون کې چې د ځڼغوزیو ستر مارکېټ ګڼل کیږي، یو تن له نوم ښودنې پرته افغانستان انټرنېشنل ته وویل، چې « د تحریک غړي له محلي ملا امانو سره د دوی کورونو ته ورځي او له قبیلو نه د ځڼغوزیو او چارمغزو د ځنګلونو د حاصلاتو عشر غواړي».

د سرچینې په وینا، سږ کال د عشر ډېره برخه د ځدراڼ قبیلې اړوند ولسوالیو کې ټوله شوې ده.

دغه عشر د ټي ټي پي او حافظ ګل بهادر دواړو ډلو ته د جنس او نغدو پیسو په ډول ور کړل شوی دی.

هغه زیاتوي: « د پکتیکا د خروټیو په سیموخلکو خپل حاصلات په ونو کې خرڅ کړي وو، نو د عشر پرځای یې جنګیالیو ته نغدې پیسې ور کړې».

هغه وايي، پر ډیورنډ کرښه پراته ډېر خلک د پاکستان مخالف دي او له همدې امله یو شمېر خلک په خپله رضا دې ډلو ته عشر ور کوي.

100%

تېرکال په سپټمبر کې د خوست د ځڼغوزیو سوداګرو د طالبانو له حکومت نه وغوښتل، چې پر چهارمغزو او ځڼغوزیو دې یا ټکس واخلي او یا مالیه، ځکه بیه یې لوېدلې او جلغوزي د بندو لارو او د سړو خونو د نشتوالي له امله له خوسا کېدو سره مخ دي.

سږ کال د خوست او پکتیکا ولایتونو په مارکېټونو کې یو کیلو ګرام ښه ځڼغوزي په ۱۷۰۰ او ۱۷۲۷ افغانیو پلورل کیږي.

د سوداګرو په وینا، د پکتیا، خوست او پکتیکا ولایتونو د ځڼغوزیو حاصلات هرکال ۳۵ زره ټنو ته رسیږي خو سږ کال د بارانونو له امله حاصلات ډېر شوي دي.

دغه ځڼغوزي ډېری د پکتیکا په ارګون ولسوالۍ او د خوست دوه سړکه او د خوست مرکز اداري کمپلکس مخې ته سره راغونډیږي.

د پکتیا او پکتیکا د کرنې، اوبولګولو او مالدارۍ ریاستونو د شمېرو له مخې، په دغو دوو ولایتونو کې هر کال د ځڼغوزیو له درکه ۱۰۰ میلیونه افغانۍ عواید ترلاسه کیږي، چې یوه برخه یې کروندګرو او سوداګرو ته بېرته بښل کیږي.

ايکسپريس ټريبون په زندانونو کې له هغو افغانانو سره مرکې کړې، چې د دوی په وينا په دې وروستيو کې یې د عمران خان په مشرۍ د تحریک انصاف ګوند لاريون کې ګډون کړی او د تاوتريخوالي پرمهال نیول شوي دي.

د خیال ګل په نوم يوه زنداني ويلي، د پاکستان تحریک انصاف په لاريون او تاوتريخوالي کې د ګدون لپاره ۲ زره کالدارې ورکولې.

هغه ویلي: «د پاکستان تحریک انصاف مشران وتښتېدل او موږ پوليسو ونيولو.»

په دې تور نورو نیول شویو زندانیانو ويلي، چې لا یې هم په لاريون کې د ګډون پېسې نه دي تر لاسه کړې او په خپلو کړونو پښېمان دي.

زندانیانو له نورو افغانانو غوښتي: «مونږ په خپلو افغان وروڼو غږ کوو، چې په هیڅ ډول تاوتریخوالی کې برخه وا نه خلي.»

تر اوسه د پاکستان تحریک انصاف ګوند د دغو ادعاو په اړه څه نه دي ويلي.

د پاکستان ایکسپرېس تريبون په خپل دې خبر کې لیکلي، چې پاکستاني چارواکو په ګډوډۍ او تاوتریخوالي کې د ښکيلو کسانو په وړاندي د سخت قانوني چلند خبره کړې ده.

د پاکستان د کورنیو چارو وزیر محسن نقوي د شنبې په ورځ ويلي وه، چې اسلام اباد ته نژدې په یو لاریون کې، د زنداني پخواني لومړي وزیر عمران خان له پلویانو سره په نښتو کې تر ۸۰ زیات پولیس ټپیان شوي.

د اکټوبر په څلورمه د اسلام اباد په ډي چوک کې د تحریک انصاف ګوند د احتجاج په لړ کې د عمران خان په ضد پنځه نورې مقدمې درج کړل شوې او د اسلام اباد په بېلابېلو تاڼو کې د ډي چوک احتجاج اړوند د سلګونو کسانو پر ضد قضیې ثبت شوې دي.

د ډېریو دغو کسانو د هویت په اړه لا هم څه نه دي ویل شوي.
تر احتجاج وړاندې هم د پاکستان حکومت د اسلام اباد ګڼې لارې او سړکونه د کانټینرونو په اېښودلو سره تړلي وې.

القاعده

د څېړنو پر اساس د اسامه بن لادن په مشرۍ د القاعدې شبکه لومړی جهادي ډله وه، چې په ۱۹۹۵ کال کې یې د طالبانو د لومړۍ واکمنۍ پرمهال د دې ډلې له بنسټګر ملا محمد عمر سره بعیت اعلان کړ.

د پلټنو له مخې، القاعدې خپل بیعت څو ځله تازه کړی دی.

په دویم ځل د ډاکتر ایمن الظواهري په مشرۍ دې شبکې له ملا اختر محمد منصور سره او د هغه له وژل کېدو وروسته د طالبانو له اوسني مشر ملا هبت الله اخوندزاده سره هم بعیت اعلان کړی و.

خو د طالبانو څو باخبره سرچینو افغانستان انټرنشنل ته وویل، چې په کابل کې د ډاکتر ایمن الظواهري له وژل کېدو وروسته د دې شبکې اوسني مشر سیف العدل هم له ملا هبت الله اخوندزاده سره یوځل بیا بیعت تازه کړی دی.

په افریقا او یمن کې له القاعدې سره تړلو وسله والو ډلو هم له ملا هبت الله سره بیعتونه کړي دي، چې په دې ډله کې په سومالیه کې الشباب، نایجریا کې بوکو حرام، د افریقا شمال لویدېځ کې اسلامي مغرب، جماعت ناصر الاسلام والمسلمین او په لیبیا کې انصار الشعریه هغه جهادي تنظیمونه دي، چې د القاعدې چتر لاندې فعالیت کوي خو ځینو یې جدا - جدا د افغان طالبانو له مشر ملاهبت الله سره بعیت اعلان کړی دی.

پاکستاني وسله والې جهادي ډلې

د پاکستان وسله والو جهادي ډلو کې تحریک طالبان پاکستان یوازینۍ او لومړنۍ ډله ده، چې د بیت الله مسید په مشرۍ یې د بنسټ اېښودو له ورځې د افغان طالبانو له مشر سره بعیت کړی و.

خو وروسته دا بیعتونه تازه شوي او په وروستي ځل د تحریک طالبان پاکستان اوسني مشر مفتي نور ولي مسید په افغانستان کې د طالبانو له بیا واکمنېدو سره خپل بعیت له ملاهبت الله سره تازه کړ.

هغه د ۲۰۲۱ کال اګست پر۱۹مه په یوه ویډیويي پیغام کې طالبانو ته د بري مبارکی ورکړه او یو ځل بیا یې خپل بعیت د طالبانو له مشر ملاهبت الله سره تازه کړ.

د څېړنو له مخې، په پاکستان کې یوازې ټي ټي پي نه ده، چې له ملا هبت الله سره یې بیعت اعلان کړی. په دغه هېواد کې د پاکستان جیش محمد، حرکت المجاهدین، لشکر طیبه ډلو هم له ملاهبت الله سره خپل بیعت اعلان کړی و.

د تازه معلوماتو له مخې، په دې وروستیو میاشتو کې ځینې پاکستانۍوسله والې جهادي ډلې جیش محمد او لشکر طیبه، چې د پاکستان له استخباراتو سره نږدې اړیکې لري، له داعش خراسان ډلې سره یوځای شوې او له ملاهبت الله سره یې خپل بیعت پای ته رسولی.

د مرکزي اسیا هېوادونو وسله والې ډلې

د طالبانو د لومړۍ واکمنۍ د لومړۍ دورې پر مهال د مرکزي اسیا او چین اویغور وسله والو حضور درلود او هغه وخت کې ازبکستان اسلامي غورځنګ او د شرقي ترکستان غورځنګ هغه جهادي ډلې وې، چې د طالبانو له مشر سره یې بیعت کړی و؛ خو دا بیعت بیا په ۲۰۱۴ کال کې له منځه لاړ.

په ۲۰۱۴ کال کې په شمالي وزیرستان کې د پاکستان پوځ د ضرب عضب عملیاتو له پیل سره د شرقي ترکستان غورځنګ تر چتر لاندې ایغور جنګیالي او ازبکستان اسلامي غورځنګ د افغانستان زابل ولایت ته کډه شول.

د طالبانو او د چینایانو تر منځ د نږدې اړیکو پر اساس، د ملا منصور په مشرۍ طالبانو د پیراغا په قومانده سره قطعه زابل ته د عملیاتو لپاره واستوله او د ایغوریانو جلا شوي جنګیالي یې د هغوی له مېرمنو او بچیانو سره ووژل.

له دې پېښې وروسته شرقي ترکستان غورځنګ له طالبانو فاصله اخیستې او پر طالبانو هغه پخوانی اعتبار نه کوي.

د طاهر یولداش په مشري ازبکستان اسلامي غورځنګ د طالبانو د بنسټګر ملا عمر سره بیعت کړی و؛ خو هغه بیعت هغه وخت ختم شو، چې په ۲۰۱۴ کې د زابل په عملیاتو کې دوی هم په نښه شول او له هغه وروسته یې له طالبانو فاصله اخیستې او اوس مهال کوم بیعت نه لري.

د منځني اسیا هېوادونو جهادي ډلو یو شمېر وسله وال چې اوس زیاتره له داعش خراسان ډلې سره یوځای شوي، د طالبانو پرضد فعالیتونو ته یې مخه کړې ده.

د ملا برادر دفتر په یوه اعلامیه کې وايي، نوموړي د کابل سروبي کې له نغلو بند سره نږدې د ۲۲.۷۵ میګاواټه لمري برېښنا پروژې د عملي چارو پرانیسته کې نن دا خبره وکړه.

افغانستان د اقلیمي بدلون له امله د نړۍ تر ټولو اووم زیانمنوونکی هېواد دی، خو د اقلیم ککړتیا کې یې ونډه ۰.۰۸ سلنه ده.

ملا برادر په خپلو خبرو کې پر نړیوالو هم غږ وکړ چې د اقلیمي بدلون مبارزې برخه کې له افغانستان سره مرسته وکړي.

افغانستان دا مهال د خپلې اړتیا وړ برېښنا له ګاونډیو هېوادونو واردوي چې له امله یې هر کال په لسګونه میلیونه ډالر نورو هېوادونو ته ور کوي.

د ملا برادر په خبره: «د برېښنا د تولید دا ډول پروژې په تدريجي توگه پر وارداتي برېښنا زموږ اتکا کمولی او په کور دننه له موجودو سرچینو خپله اړتیا پوره کولی شي.»

ملا برادر وايي، د لمري برېښنا تولید سره به په هېواد کې د پانگونې مقدار، توليدي ظرفيت او د استخدام کچه لوړه کړي او همدا راز به له هېواد د اسعارو د وتلو مخه ونيسي.

طالبان وايي په سروبي کې دا د ۲۲.۷۵میګاواټه لمري برېښنا د تولید پر پروژه د ۷۷ترکي او زولرستان داخلي شرکت له لوري شاوخوا ۱۸میلیون ډالره پانګونه کېږي.

د دوی په خبره، د دې پروژې چارې به د یو کال په جریان کې بشپړې او تر یوې اندازې به د کابل ښاریانو او د ځینې فابریکو برېښنايي اړتیا پوره کړي.