نتنیاهو: تر هغې چې ټول یرغمل شوي کسان نه وي خوشې شوي، جګړه به روانه وي
د اسراییل لومړي وزیر بنیامین نتنیاهو د یوې ویډیو په خپرولو سره ویلي، چې د ټولو یرغمل شویو کسانو تر خوشې کېدو به دغې جګړې ته دوام ورکړي.
د اسراییل لومړي وزیر بنیامین نتنیاهو د یوې ویډیو په خپرولو سره ویلي، چې د ټولو یرغمل شویو کسانو تر خوشې کېدو به دغې جګړې ته دوام ورکړي.
نوموړي دغه څرګندونې د یحی سنوار تر وژنې وروسته کړې دي.
د اسراییل د لومړي وزیر د دفتر لهخوا په خپره شوې خبرپاڼه کې نتنیاهو ویلي، چې یحیی سنوار د پنجشنبې په ورځ په رفح کې د اسراییل د زړورو سرتېرو لهخوا ووژل شو.
سنوار په ایران کې د اسماعیل هنیه تر وژنې وروسته د حماس د نوي مشر په توګه ټاکل شوی و.
له بل پلوه اسراییل یحیی سنوار د اکټوبر د اوومې د برید پلانوونکی هم بولي.
له بل پلوه د امریکا ولسمشر وایي، اوس د دې وخت رارسېدلی چې په غزه کې روانه جګړه ودرول شي، یرغمل شوي کسان خوشې شي او اوربند ټینګ شي.
ورته مهال د فرانسې ولسمشر هم د سنوار وژنه د یرغملو د خلاصون لپاره یو ښه فرصت ګڼلی دی.
هغه دارنګه د اوسني وضعیت پړه پر ایران او حزب الله واچوله.
