په شمال ختیځ کې د ایران د ځمکنیو ځواکونو قوماندان سیروس امان اللهي ویلي، چې له افغانستان سره د پولو د تړلو پلان به درې کاله دوام وکړي. ښاغلي امان اللهي وویل، چې دې پروژې په بېلابېلو برخو کې ښه پرمختګ کړی او د پروسې د چټکتیا لپاره یې لازمې سرچینې برابرې کړي دي.
ایراني رسنیو په شمال ختیځ کې د ایران د ځمکنیو ځواکونو د سیمه ییزې اډې د قوماندان په حواله خبر ورکړی، چې د دغې سرحدي پروژې اوږدوالی به ۳۰۰کیلومتره وي او د تطبیق چارې به یې د ایران د څلورو انجنیري ډلو او د ځمکنیو ځواکونو له خوا ترسره شي.
د ایران او افغانستان تر منځ د پولې د بندولو په عملیاتو کې تر څلورو مترو پورې جیګ دیوالونه غځول شوي او د دې ترڅنګ د مصنوعي هوښ ټکنالوژي هم په کې کارول کیږي.
د پولو د بندولو په پلان کې به د خبردارۍ رادارونو نصبول او د ډرون کارول هم شامل وي.
د روان کال د تلې میاشتې په پیل کې ایراني چارواکي د افغانستان سره پر پولو د دیوال جوړولو په بهیر کې د پرمختګ خبر ورکړ او اعلان یې وکړ چې تر اوسه لس کیلومتره دیوال غځول شوی دی.
د ایران د شمال ختیځو پولو د تړلو لړۍ د ۱۴۰۳کال د ثور په میاشت کې پیل شوه او ایران د دې پلان د عملي کولو لپاره درې میلیارده یورو ځانګړې کړې دي.
ایراني چارواکو ویلي دي، چې دغه اقدام د کډوالو د ناقانونه رالتو د مخنیوي، د ترهګرو او د نشه یي توکو د قاچا وړونکو د مخنیوی لپاره ترسره کیږی .
د دغو کارمندانو په وینا، قاري یوسف احمدي ویلي، چې ملي ټلویزیون به شریعت غږ راډیو ته بدلیږي.
د طالبانو تر واک لاندې د افغانستان ملي ټلوېزیون ځینو کارکوونکو نن یکشنبه «د تلې ۲۸مه» افغانستان انټرنشنل ته وویل، چې تېره دونشبه د ملي ټلوېزیون په انګړ کې د ملي ټلویزیون د رییس په مشری د مدیرانو رهبرۍ جلسه ترسره شوه.
د ملي ټلوېزیون د کارکوونکو د وینا له مخې، په دې جلسه کې د افغانستان د ملي ټلوېزیون لپاره د طالبانو رییس قاري یوسف احمدي ویلي، چې له کندهار څخه د ملاهبت الله له خوا فشارونه زیات دي، چې په افغانستان کې تصویري رسنۍ وتړل شي، چې په کابل کې به یې پیل د ملي ټلوېزیون څخه وي.
قاري یوسف احمدي په دې جلسه کې ویلي، چې د ملي ټلویزیون د بندېدو سره به دغه ټلوېزیون په شریعت غږ راډيو بدل شي.
په کندهار کې باخبره سرچینو افغانستان انټرنشنل ته وویل، چې ملا هبت الله د ملي ټلوېزیون د بندېدو په اړه ددې ډلې اطلاعاتو او فرهنګ وزیر خیر الله خیرخواه ته سپارښتنې کړي دي چې په تدریجي ډول دې په افغانستان کې تصویري رسنۍ په ځانګړي ډول د ملي ټلوېزیون انځوریزې خپرونې بندې شي او یوازې په غږیز بڼه دې فعالیت کوي.
د طالبانو تر واک لاندې د ملي ټلوېزیون کارکوونکو د طالبانو د مشر ددې پرېکړو د عملي کېدو په اړه اندېښمند دي چې د ټلوېزیون د بندېدو سره به ډیری کسان خپلې دندې له لاسه ورکړي.
د موندنو پر بنسټ طالبانو تر اوسه د کندهار د ملي ټلوېزیون خپرونې شریعت غږ راډیو ته اړولي دی.
ځینو طالب سرچینو افغانستان انټرنشنل ته وویل، چې ملاهبت الله د هغو طالب چارواکي څخه ناراضه دی چې په ټلوېزیونونو کې راڅرګندیږي او انځوریزې ویناوې یې خپریږي.
ډیری رسنیز بنسټونه په دې باور دي، چې د طالبانو له خوا په رسنیو کې د ساکښو پر انځورونو بندیز په دې معنا دی چې دغه ډله غواړي په افغانستان کې ټولې انځوریزې رسنۍ وتړي.
طالبانو د لومړی دورې په پرتله په دې روانه دوهم ځلي واکمنۍ کې په تدریجي ډول او د ورځو په تېردو سره د بندیزونو لړۍ پراخه کړې ده.
تروسه پورې ددې راپور په اړه طالبانو په رسمي ټول څه نه ډي ویلي.