ایران له ملګرو ملتونو غوښتي چې افغانانو ته د پناه ورکولو لپاره دې ورته زیاته بودېجه ورکړي

د دغو کارمندانو په وینا، قاري یوسف احمدي ویلي، چې ملي ټلویزیون به شریعت غږ راډیو ته بدلیږي.

د طالبانو تر واک لاندې د افغانستان ملي ټلوېزیون ځینو کارکوونکو نن یکشنبه «د تلې ۲۸مه» افغانستان انټرنشنل ته وویل، چې تېره دونشبه د ملي ټلوېزیون په انګړ کې د ملي ټلویزیون د رییس په مشری د مدیرانو رهبرۍ جلسه ترسره شوه.

د ملي ټلوېزیون د کارکوونکو د وینا له مخې، په دې جلسه کې د افغانستان د ملي ټلوېزیون لپاره د طالبانو رییس قاري یوسف احمدي ویلي، چې له کندهار څخه د ملاهبت الله له خوا فشارونه زیات دي، چې په افغانستان کې تصویري رسنۍ وتړل شي، چې په کابل کې به یې پیل د ملي ټلوېزیون څخه وي.

قاري یوسف احمدي په دې جلسه کې ویلي، چې د ملي ټلویزیون د بندېدو سره به دغه ټلوېزیون په شریعت غږ راډيو بدل شي.

په کندهار کې باخبره سرچینو افغانستان انټرنشنل ته وویل، چې ملا هبت الله د ملي ټلوېزیون د بندېدو په اړه ددې ډلې اطلاعاتو او فرهنګ وزیر خیر الله خیرخواه ته سپارښتنې کړي دي چې په تدریجي ډول دې په افغانستان کې تصویري رسنۍ په ځانګړي ډول د ملي ټلوېزیون انځوریزې خپرونې بندې شي او یوازې په غږیز بڼه دې فعالیت کوي.

د طالبانو تر واک لاندې د ملي ټلوېزیون کارکوونکو د طالبانو د مشر ددې پرېکړو د عملي کېدو په اړه اندېښمند دي چې د ټلوېزیون د بندېدو سره به ډیری کسان خپلې دندې له لاسه ورکړي.

100%

د موندنو پر بنسټ طالبانو تر اوسه د کندهار د ملي ټلوېزیون خپرونې شریعت غږ راډیو ته اړولي دی.

ځینو طالب سرچینو افغانستان انټرنشنل ته وویل، چې ملاهبت الله د هغو طالب چارواکي څخه ناراضه دی چې په ټلوېزیونونو کې راڅرګندیږي او انځوریزې ویناوې یې خپریږي.

ډیری رسنیز بنسټونه په دې باور دي، چې د طالبانو له خوا په رسنیو کې د ساکښو پر انځورونو بندیز په دې معنا دی چې دغه ډله غواړي په افغانستان کې ټولې انځوریزې رسنۍ وتړي.

طالبانو د لومړی دورې په پرتله په دې روانه دوهم ځلي واکمنۍ کې په تدریجي ډول او د ورځو په تېردو سره د بندیزونو لړۍ پراخه کړې ده.

تروسه پورې ددې راپور په اړه طالبانو په رسمي ټول څه نه ډي ویلي.

هغه ټینګار وکړ، چې د دې قانون له توشيح وروسته له جواز پرته د صراف په توګه کار کول «جرم» ګڼل کېږي او مخنیوی به یې وکړي.

تر اوسه د طالبانو تر واک لاندې د افغانستان بانک د دغه قانون بشپړه نسخه نه ده خپره کړې.

د طالبانو تر کنټرول لاندې باختر خبري اژانس د جمعې په ورځ (د تلې ۲۸ مه) خبر ورکړ، چې د افغانستان مرکزي بانک وايي، چې نوي قانون صرافانو ته د جواز ترلاسه کول اسانه کړي دي.

خو باختر اژانس دا نه دي ويلي، چې دغه اسانتياوي څه دي.

د طالبانو د پیسو په اړه له سیاستونو څخه د صرافانو درې کلن ناراضيتوب

په تېرو درېیو کلونو کې د طالبانو او صرافیو تر منځ اړیکي د صرافانو له ګڼو شکایتونو او د طالبانو له خوا د نویو فرمانونو له صادرېدو سره مخ شوي دي.

د طالبانو له خوا د نویو مقرراتو صادرول د پرله پسې لاریونونو او د صرافانو د نیولو لامل شوي دي.

صرافان شکایت کوي، چې طالبانو د صرافۍ جواز د ترلاسه کولو لپاره درانه لګښتونه ټاکلي او دوی یې نشي پوره کولای.

د صرافان په خبره، طالبانو د جواز اخیستو لپاره له پنځو تر شپږ میلیونه افغانۍ او د تضمین لپاره درې میلیونه افغانۍ لګښت ټاکلی دی.

د دوی په خبره صرافان مجبور دي، چې د جواز ترلاسه کولو لپاره طالبانو ته ۹ میلیونه افغانۍ ورکړي.

په تېرو درېيو کلونو کې طالبانو په وار وار په هرات، کندهار، کابل او يو شمېر نورو ولايتونو کې صرافۍ د جوازونو د نشتوالي له امله تړلي دي.

د جوازونو درانه لګښت او د پیسو په تبادله باندې د دوامداره محدودیتونو لګول په ټول افغانستان کې د صرافانو له پراخ غبرګون سره مخ شوي دي.

دوی څو ځلې اعتراضونه کړي او د دغو ستونزو د هواري غوښتنه یې کړې ده.

دوه اونۍ مخکې وسلوالو د دوکۍ په یوه کان کې د ۷ افغانانو په ګډون ۲۱ کسان ووژل.

پاکستاني رسنیو نن د دغه هېواد کارګرانو ټولنې له قوله ويلي، چې تر هغې پېښې وروسته د ناامنۍ له کبله تر ۴۰ زره ډېر کارګر خپلو سيمو ته تللي دي.

د دې رسنیو د رپوټ له مخې، د کارګرو په تلو سره له دوکۍ نورو سيمو ته د سکرو انتقال بند شوی دی.

د کارګرانو ټولنې ويلي، د دوکۍ د ډبرو سکرو په ۱۲ سوه کانونو کې د نورو سيمو شاوخوا ۵۰ زره کارګران په کار بوخت دي .

د دوی د معلوماتو له مخي، له دې سیمې هره ورځ ۱۵۰ لارۍ سند، پنجاب او نورو ښارونو ته سکاره لېږدوي.

د کارګرانو ټولنه زياتوي، چې د ډبرو سکرو د صادراتو بندېدو سره په هېواد کې صنعتي توليدات هم اغېزمن شوي دي.

د ټولنې مسولينو رسنیو ته ويلي، چې د بلوچستان حکومت د دوکۍ په بريد کې د وژل شوي هر کارګر کورنۍ ته د ۱۵ لکه کالدارو د ورکړې اعلان کړی.

په بلوچستان کې د سکرو غني کانونه شته، چې دا مهال په ۲ زره شپږ سوه کانونو کې ۸۰ زره کسان کار کوي.

تېره اونۍ د پاکستان په بلوچستان ایالت کې کان کېندونکو د ۲۱ کان کېندونکو د وژنې په غبرګون کاربندیز هم وکړ.

په بلوچستان ایالت کې د ډبرو سکرو کان کېدونکو ویلي، تر هغو به خپل کاربندیز ته دوام ورکوي، چې د کان کېندونکو قاتلان نه وي نیول شوي.
همدارنګه ادغو معترضانو ويلي و، تر هغو به خپلو کارونو ته ونه ګرځي چې د دوی لپاره امنیتي تدابیر نه وي نیول شوي.

د شېخ زاید پوهنتون اداره کې سرچینو نن « د تلې ۲۸مه » افغانستان انټرنشنل ته وویل، نن ندا محمد ندیم د دغه پوهنتون د تدریسي خونو د ترمیم پرانیسته او له محصلانو سره لویه غونډه درلوده.

سرچینو وویل، ندا محمد ندیم خوست ته د سفر پرمهال د پوهنتون مسوولینو ته ویلي و، چې په غونډه کې د وینا او یا هم د پرانیستنې انځورونه یې خبریالان خپاره نه کړي.

ځايي سرچینې زیاتوي د خوست شیخ زاید پوهنتون ادارې ځايي خبریالانو ته د بلنې پرمهال ویلي و، چې د ساکښ انځور او ویډیو اخیستل بند دي، یوازې د ریکارډر په واسطه د ندا محمد ندیم وینا ثبتولی شئ.

د خوست ځینو خبریالانو چې نن یې په شیخ زاید پوهنتون کې د طالبانو د لوړو زدکړو وزیر ندا محمد ندیم په غونډه کډون کړی و، افغانستان انټرنشنل ته وویل، په غونډه کې یې یوازې د غږ ثبتولو اجازه درلوده.

د خوست یو ځايي خبریال له نوم ښودلو پرته وايي:« دا لومړی ځل دی چې مونږ د انځور او یا هم د ویډیو اخیستو اجازه نه درلوده او یوازې د غونډې غږونه مو ثبت کړي دي.»

افغانستان انټرنشنل د خوست شیخ زاید پوهنتون اېکس پاڼه هم وڅارله.

دغه پوهنتون له څو میاشتو راهیسې د پوهنتون اړوند راپورونو کې د ساکښو انځورونه نه خپروي او یوازې بې سا شیانو انځورونه خپاره کړي دي.

100%

د خوست په شېخ زاید پوهنتون کې د نننۍ غونډې تنظیموونکو سرچینو وویل د کورنیو چارو وزارت لومړی مرستیال محمد نبي عمري، چې سراج الدین حقاني ته نژدې کس دی، په دې غونډه کې کډون درلود، خو له وینا یې یې ډډه وکړه.

سرچینې زیاتوي محمد نبي عمري دا کار د ویډیو او انځور د نه اخیستو د بندیز په غبرګون کې کړی دی.

له دې وړاندې د طالبانو د امر بالمعروف او نهی عن المنکر وزارت ویلي و، چې د نوي قانون له مخې په ټولو رسنیو کې د ساکښو موجوداتو د تصویرونو پر خپرولو بندیز لګوي.

د یاد وزارت چارواکي وايي، دغه قانون به په تدریجي ډول په ټول هېواد کې پلی شي.

د طالبانو د امر بالمعروف او نهی عن المنکر وزارت ویاند سیف الاسلام خیبر د فرانسې خبري اژانس ته ویلي: «دا قانون په ټول افغانستان کې په تدریج سره پلی کیږي»

د امر بالمعروف نوي قانون د رسنیو لپاره ګڼ شرطونه اېښي، چې د ښځینه غږ، د ساکښو د تصویرونواو له اسلامي لارښوونو سره په ټکر کې خپرونو نه خپراوی پکې شامل دي.

د روغتیا نړیوال سازمان دا شمېرې د سپټمبر له اولې تر ۲۹ ثبت کړې دي، چې پکې تر اګسټ د ککړتیا اندازه ۱۵ سلنه کمه، خو د مړینې کچه ۸۹ پورته شوې ده.

تاس خبري اژانس د دې ادارې د مالوماتو له مخې لیکي، چې تر افغانستان وروسته سوډان د کولارا برخه کې د څه باندې ۱۵ زره او پاکستان پنځه نیم زره پېښو لرلو سره دویم او دریم ځای لري.

نایجریا او یمن هم د درې نیم زره او دوه نیم زره پېښو لرلو سره څلورم او پنځ درجه دي.

روغتیا نړیوال سازمان وايي، د روان کال له جنورۍ د سپټمبر تر ۲۹ له دې ادارې سره د کولارا ۲۹ میلیونه، څلور لکه او ۳۹ زره پېښې او له دې ناروغۍ د درې زره ۴۳۲ کسانو مړینه ثبت شوې ده.

کولارا د ککړو اوبو او خوړو له امله پیدا کېږي.

په افغانستان کې چې ډېری خلک پاکو اوبو ته لاسرسی نه لري تر ډېره د دې ناروغۍ اصلي لامل دی.