د ځوانانو اسیا جام سیالۍ؛ افغان ابدالیان لوبډله د بنګله دېش الف لوبډلې په وړاندې سیالي کوي
د افغانستان کرېکټ بورډ وايي، افغان ابدالیان لوبډله نن یکشنبه د ځوانانو اسیا جام سیالیو په لړ کې د بنګله دېش الف لوبډلې په وړاندې د سیالۍ ډګر ته ښکته کیږي.
د افغانستان کرېکټ بورډ وايي، افغان ابدالیان لوبډله نن یکشنبه د ځوانانو اسیا جام سیالیو په لړ کې د بنګله دېش الف لوبډلې په وړاندې د سیالۍ ډګر ته ښکته کیږي.
افغان ابدالیانو لوبډلې د ځوانانو اسیا جام په سیالیو کې خپله لومړۍ لوبه د سریلانکا له الف لوبډلې څخه د ۱۱ منډو په توپیر وګټله.
د افغانستان الف کرېکټ لوبډله نن یکشنبه د (تلې ۲۹مه) خپله دویمه لوبه د مازدیګر شپږ بجې د بنګله دېش الف لوبډلې په وړاندې ترسره کوي.
په دغو سیالیو کې د اتو هېوادونو الف لوبډلې په دوو ګروپونو کې د ځوانانو اسیا جام ګټولو په موخه یو د بل په وړاندې لوبیږي.
د اتو واړو هېوادونو الف لوبډلو په خپلو ګروپونو کې یوه یوه لوبه ترسره کړې ده.
افغانستان، بنګله دېش، متحده عربي امارات او د هندوستان الف لوبډلو خپلې لومړۍ لوبې ګټلې دي.
خو کوربه عمان، پاکستان، سریلانکا، او هانککانګ لوبډلو بیا خپلې لومړۍ لوبې سیالو لوبډلو ته بایللې دي.
