د افغانستان د فوټبال له ۱۷ کلنو کم عمره لوبډله نن د فلیپین په وړاندې لوبیږي

افغان ابدالیانو لوبډلې د ځوانانو اسیا جام په سیالیو کې خپله لومړۍ لوبه د سریلانکا له الف لوبډلې څخه د ۱۱ منډو په توپیر وګټله.

د افغانستان الف کرېکټ لوبډله نن یکشنبه د (تلې ۲۹مه) خپله دویمه لوبه د مازدیګر شپږ بجې د بنګله دېش الف لوبډلې په وړاندې ترسره کوي.

په دغو سیالیو کې د اتو هېوادونو الف لوبډلې په دوو ګروپونو کې د ځوانانو اسیا جام ګټولو په موخه یو د بل په وړاندې لوبیږي.

د اتو واړو هېوادونو الف لوبډلو په خپلو ګروپونو کې یوه یوه لوبه ترسره کړې ده.

افغانستان، بنګله دېش، متحده عربي امارات او د هندوستان الف لوبډلو خپلې لومړۍ لوبې ګټلې دي.

خو کوربه عمان، پاکستان، سریلانکا، او هانککانګ لوبډلو بیا خپلې لومړۍ لوبې سیالو لوبډلو ته بایللې دي.

د کرېکټ نړيوالې شورا د تقسيم اوقات له مخي، سبا یکشنبه به په متحده عربي اماراتو کې د نيوزيلنډ ښځينه کرېکټ لوبډله د سویلي افريقا سره د پايلوبې لپاره میدان ته کښته کيږي او د جام د ګټلو هڅې به کوي.

نيوزيلنډ ښځينه کرېکټ لوبډلې نن شنبه په نيمه پايلوبه کې د ۸ منډو په توپير ويسټ انډيز ښځينه کرېکټ لوبډلې ته ماتې ورکړه او پايلوبې ته يې لاره پيدا کړه.

د نيوزيلنډ او سويلي افريقا کرېکټ لوبډلو ترمنځ پايلوبه به سبا د افغانستان پر وخت د ماښام ۶ نيمي بجې پيل شي.

د ښځينه لوبډلو تر منځ د شل اوره جام تېرې سیالۍ د ۲۰۲۳ کال په فبرورۍ میاشت کې شوې وې او هغه مهال ېې کوربتوب سویلي افریقا کړی و.

تېر کال د دغه نړيوال جام د ګټلو وياړ د اسټراليا ښځينه کرېکټ لوبډلې درلود.

له دې وړاندې قنبري د ۱۴۰۳ کال د چنګاښ په نهمه خپل پولنډي سیال ته ماتې ورکړه او د اتلولۍ له کمربند یې دفاع وکړه.

قنبري په سویډن کې د «ال سټارز فایټ نایټ» د ۶۵ کیلو ګرامه وزن په ۸م پړاو کې سیالي کوي.

نوموړی دا ځل له ګواتيمالا څخه د ۳۶ کلن تجريبه لرونکي لوبغاړي سره د سيالۍ ډګر ته کښته کيږي.

ايريک روانو د ازادو رزمي لوبو ۲۱ مسلکي ريکارډونه لري، چې ۱۶ سيالۍ يې ګټلي او په پنځو کې ماتې خوړلې.

له بلې خوا سخي قنبري په ازادو سیالیو کې یوازې شپږ ریکارډونه لري، چې پنځه سيالۍ يې ګټلې او په يوې کې يې ماتې خوړلې.

100%

د افغان ابداليانو او عمان الف کرېکټ لوبډلو ترمنځ د درې اړخيزه لوبلړۍ د درېيمې سيالۍ پچه عمان لوبډلې وګټل او لومړۍ يې د توپ اچونې او ډګر ساتنې پرېکړه وکړه.

افغان ابدالیانو لوبډلې په شل اورو کې د خپلو درې لوبغاړو په سوځېدو عمان لوبډلې ته ۲۱۲ منډې هدف وټاکه.

د افغان الف کرېکټ لوبډلې په توپوهنه کې لوبډلمشر دروېش رسولي د ۵ څلوريزو او ۹ شپږو په مټ په ۵۷ توپونو ۱۰۹ او کريم جنت بیا په ۲۹ توپونو ۶۰ مندې جوړې کړې.

عمان الف کرېکټ لوبډلې په شل اورو کې د خپلو ۷ لوبغاړو په سوځېدو ۱۶۷ منډې جوړې کړې او د ۴۴ منډو په توپير يې ماتې وخوړه.

د افغان لوبډلې په توپ اچونه کې کريم جنت او فريدون دوه دوه، بلال سمېع او قيس احمد یو یو لوبغاړي وسوځول.

افغان ابداليانو کرېکټ لوبډلې تېره ورځ په دويمه سيالۍ کې هنکانګ ته د ۷ ويکټو په توپير ماتې ورکړې وه.

افغان کرېکټ لوبډله به سبا د هنکانګ سره د درې اړخيزه لوبلړۍ پايلوبه تر سره کړي.

د افغانستان، عمان او هنکانګ الف کریکټ لوبډلو ترمنځ دغه درې اړخيزه لوبلړۍ د عمان په کوربتوب پیل شوې وه.

د افغان ابداليانو او هنکانګ کريکټ لوبډلې ترمنځ د سيالۍ پچه افغان لوبډلې وګټله او لومړي يې د توپ اچونې او ډګر ساتنې پرېکړه وکړه.

هانکانګ کرېکټ لوبډلې په شل اوره کې د خپلو ۹ لوبغاړو په سوځېدو افغان لوبډلې ته ۱۱۲ منډې هدف وټاکه.

د افغان لوبغاړي په توپ اچونه کې کريم جنت ۳ او فريدون داودزي ۲ او نورو یو یو لوبغاړي وسوځول.

افغان الف کرېکټ لوبډلې په ۱۳.۵ ام اور کې د خپلو ۳ لوبغاړو په سوځېدو دغه هدف پوره کړ.

د افغان ابداليانو الف لوبډلې په توپوهنه کې کريم جنت ۴۷ ناسوځيدلي او اکبري ۳۷ منډې جوړي کړې.

کريم جنت د لوبې غوره لوبغاړي ونومول شو.

د افغانستان، عمان او هنکانګ الف کریکټ لوبډلو ترمنځ دغه درې اړخيزه لوبلړۍ د عمان په کوربتوب پیل شوي.

په لومړۍ سيالۍ کې لومړۍ لوبه د هنکانګ کرېکټ الف لوبډلې د دوو ویکېټو په توپير له عمان الف لوبډلې څخه وګټله.