د افغانستان لپاره د ملګرو ملتونو ځانګړي راپور ورکوونکي ریچارډ بېنېټ په کاناډا کې له جلا وطنه افغان خبريالانو سره په افغانستان کې د خبریالانو او رسنیو د وضعیت په اړه خبرې کړې دي.
د افغانستان د بیان ازادۍ کور وایي، چې په دغه ناسته کې د افغانستان لپاره د کاناډا د ځانګړي استازي په ګډون تر ۴۰ ډېرو خبریالانو او د رسنیو مسوولینو په کې ګډون کړی و.دغه سازمان په اېکس پاڼه خبر ورکړی، چې په دغې لیدنه کې افغان خبريالانو د طالبانو تر واک لاندې افغانستان کې د خبریالانو او رسنیو پر وړاندې، بندیزونه، ننګونې او اندېښنې شریکې کړې.په دغې ناسته کې جلاوطنه افغان خبریالانو د طالبانو تر کنټرول لاندې افغانستان کې د بیان ازادۍ وضعیت خورا «اندېښمنوونکی» بللی دی.په دغې لیدنه کې د ښاغلي بېنېټ د فعالیتونو د ستاینې لپاره د افغانستان د بیان ازادۍ کور لهخوا نوموړي ته ستاینلیک هم ورکړل شو.د افغانستان لپاره د ملګرو ملتونو ځانګړي راپور ورکوونکي ریچارډ بېنېټ په دغې ناسته کې پر هغو اقداماتو ټینګار کړی، چې په افغانستان کې د بشري حقونو د خوندیتوب لامل ګرځي.ښاغلي بېنېټ ویلي:« موږ غواړو پر هغو چارو تم شو، چې د افغانستان د خلکو له بشري حقونو ملاتړ کوي په تېره بیا د ښځو او نجونو پر بشري حقونو باید کار وکړو، چې له ټولنې څنډې ته شوې دي.»هغه وایي، د بشري حقونو مسله یوه لوېدیځواله تپل شوې پدیده نه؛ بلکې یو نړۍوال ارزښت دی او ټول باید د دغو حقونو رعایتولو ته ژمن پاتې شي.
د طالبانو امربالمعروف دستور ورکړی، چې د یاد پوهنتون استادان، محصلین او نور کارکوونکي اجازه نه لري، چې خپله ږیره لنډه کړي.
د امربالمعروف د امریت په رسمي لیک زیاته شوې، چې استادان باید د طالبانو مذهبي امرونه په پام کې ونیسي او له محصلینو هم وغواړي، چې له دې دستور څخه پیروي وکړي.
امربالمعروف په دې لیک کې خبرداری ورکړی، چې د بدخشان پوهنتون ټول استادان، کارکوونکي او محصلین باید د جماعت لمانځه ته هم حاضر شي او د هغو کسانو نومونه به چې جماعت ته نه راځي، د دې ولایت د دعوت او ارشاد کمېټې ته ولېږل شي.
دا په داسې حال کې ده، چې طالبانو د ټولو ولایتونو په دولتي ادارو کې د دعوت او ارشاد په نوم امریت جوړ کړی دی او دغه اداره د وزارتونو په تشکیلاتو کې زیاته شوې ده.
ویل کېږي چې د وزارتونو په کچه د امر بالمعروف ریاستونه او د ولایتونو په کچه یې امریتونه د طالبانو تر ټولو باصلاحیته برخې دي.
د یادولو ده، چې طالبانو په دولتي ادارو کې د دې برخې د زیاتولو موخه د امر بالمعروف د قانون او «اسلامي شریعت» پلي کول بللي دي.
که څه هم طالبانو په تېرو درېیو کلونو کې د افغانستان په خلکو په ځانګړې توګه پر مېرمنو پراخ محدودیتونه وضع کړي دي، خو په دې وروستیو کې د یادې ډلې سخت دریځۍ تر بل هر وخته زیاتې شوې دي.