د افغانستان اسلامي جمعیت ګوند په انقره کې د ترکیې د هوايي چلند او فضايي صنعت په مرکزي دفتر برید چې په پایله کې یې یو شمېر ترکان ووژل شول او یو شمېر نور ټپیان شول، غندلی دی.
د ترکیې د کورنیو چارو وزیر علي یرلي کایاپه انقره کې د ترکیې د هوايي چلند او فضايي صنعت په مرکزي دفتر برید ترهګریز وباله او له برید څو ساعته وروسته یې اعلان وکړ، چې په دغه ترهګریز برید کې د وژل شویو کسانو شمېر ۵ او د ټپیانو شمېر بیا له ۲۲ تنو څخه لوړ شوی دی.
د افغانستان د اسلامي جمعیت ګوند د چهارشنبې په ورځ پر اېکس پاڼې ترهګري یوه بدمرغه پدیده بللې او لیکلي یې دي: «ترهګري يوه بدمرغه پديده ده او د انساني، دیني ارزښتونو او تمدن پر خلاف ده، چې د سالمو ټولنو د ويجاړولو لپاره له هېڅ راز هلو ځلو څخه ډډه نه کوي. دا ناوړه پدیده په چټکۍ سره د نړۍ بېلابېلو ټولنو ته لېږدول کېدای شي او د انسانانو ټولییز امنیت ګواښي.»
دغه ګوند زیاته کړې: «د ترهګرۍ د ودې د مخنیوي یوازینۍ لار د دې پر وړاندې د ګډ تفاهم او ګډه سیمه ییزه او نړۍواله تګلاره ده.»
اسلامي جمعيت ګوند د دغه بريد د «شهيدانو» روح ته د دعا په ترڅ کې د ټپيانو له کورنيو او د ترکيې له دولت او خلکو سره خپله خواخوږي څرګنده کړې ده.
د طالبانو امربالمعروف دستور ورکړی، چې د یاد پوهنتون استادان، محصلین او نور کارکوونکي اجازه نه لري، چې خپله ږیره لنډه کړي.
د امربالمعروف د امریت په رسمي لیک زیاته شوې، چې استادان باید د طالبانو مذهبي امرونه په پام کې ونیسي او له محصلینو هم وغواړي، چې له دې دستور څخه پیروي وکړي.
امربالمعروف په دې لیک کې خبرداری ورکړی، چې د بدخشان پوهنتون ټول استادان، کارکوونکي او محصلین باید د جماعت لمانځه ته هم حاضر شي او د هغو کسانو نومونه به چې جماعت ته نه راځي، د دې ولایت د دعوت او ارشاد کمېټې ته ولېږل شي.
دا په داسې حال کې ده، چې طالبانو د ټولو ولایتونو په دولتي ادارو کې د دعوت او ارشاد په نوم امریت جوړ کړی دی او دغه اداره د وزارتونو په تشکیلاتو کې زیاته شوې ده.
ویل کېږي چې د وزارتونو په کچه د امر بالمعروف ریاستونه او د ولایتونو په کچه یې امریتونه د طالبانو تر ټولو باصلاحیته برخې دي.
د یادولو ده، چې طالبانو په دولتي ادارو کې د دې برخې د زیاتولو موخه د امر بالمعروف د قانون او «اسلامي شریعت» پلي کول بللي دي.
که څه هم طالبانو په تېرو درېیو کلونو کې د افغانستان په خلکو په ځانګړې توګه پر مېرمنو پراخ محدودیتونه وضع کړي دي، خو په دې وروستیو کې د یادې ډلې سخت دریځۍ تر بل هر وخته زیاتې شوې دي.
