پاکستاني رسنۍ: شمالي وزیرستان کې درې حکومتي کارکونکي وسله والو برمته کړي دي

د سعودي عربستان د کورنیو چارو وزارت د یکشنبې پر ورځ (د لړم۶ مه) اعلان وکړ، چې د تیرې یوې اوونۍ کمپاین په ترڅ کې ۲۰ زره او ۸۹۶ سرغړونې ثبت شوې چې له دېډلې ۱۱ زره ۹۳۰ یې د استوګنې، پنځه زره او ۶۴۹ یې د سرحدي امنیت او درې زره او ۳۱۷ نورې یې د کار د قوانینو اړوند سرغړونې دي.

چارواکي وايي، د دغه کمپاین په ترڅ کې یې ۱۳سوه او ۷۴ کسان نیولي چې په ناقانونه توګه یې د دغه هېواد خاورې ته د ننوتو پلان درلود. د چارواکو په وینا په دغو کسانو کې ۴۳ سلنه یې د یمن او ۵۵ سلنه یې ایتوپیایان دي.

د سعودي عربستان د کورنیو چارو وزارت هم اعلان کړی، چې ۱۰۷ تنه په داسې حال کې نیول شوي، چې غوښتل یې له اجازې پرته له هېواده ووځي.

دغه وزارت ویلي چې ۲۴ سعودیان هم کډوالو ته د غیر قانوني استوګنې برابرولو او کارموندنې په تور نیول شوي.

وزارت خبرداری ورکړی، چې له غیرقانوني داخلېدو سره مرسته کول او له مجرمانو او "غیرقانوني کډوالو" سره همکاري جرم دی او مجرم کسان تر ۱۵ کلونو پورې بند او تر یو ملیون ریال پورې جریمې سره مخکیدای شي.

د سعودي عربستان له ګاونډیو هېوادونو ډېر کډوال له ویزې پرته دغه هېواد ته د کار موندلو په موخه ننوځي.

د سعودي عربستان د کورنیو چارو وزارت وخت په وخت د دې غیر قانوني کډوالو د پیژندلو او شړلو لپاره د څارنې ډلې مکلفوي.

د راپورونو له مخې، په خیبر پښتونخوا ایالت کې د پولیو ضد واکسین پنځه ورځني کمپاین لپاره چمتوالی بشپړ شوی او ټاکل شوې چې سبا د دوشنبې په ورځ د (لړم اومه) نېټه پیل شي.

د پولیو ضد واکسین په دوه پړاونو کې پیلیږي، په لومړي پړاوړ کې به په بنو، شمالي او جنوبي وزیرستان، مردان او کوهاټ په ګډون په ۳۳ ولسوالیو کې ترسره شي.

د راپورونو له مخې د پولیسو ضد واکسین په دغې دوره کمپاین کې به له پنځو کلونو کم عمره ۷،۲ میلیونه ماشومانو ته د پولیو ضد واکسین څاڅکو ترڅنګ د بدن د مقاومت د لوړوالي په موخه د ویټامین اې اضافي خواړه هم ورکړل شي.

په خیبر پښتونخوا ایالت کې د پولیو ضد واکسین کمپاین لپاره له څلویښت زره څخه ډیر د واکسین ورکولو ډلې جوړې شوې او د یادو کسانو د امنیت ساتلو لپاره له اته زره څخه ډیر سیمه ییز مسولان او ۵۰ زره امنیتي ساتوونکي ځانکړي شوي دي.

په روان کال کې تر اوسه پورې په پاکستان کې ۴۰ د پولیو مثبتې پېښې ثبت شوي دي.

له دې جملي څخه ۲۰ په بلوچستان ایالت، ۱۲ په سند ایالت، شپږ په خیبر پښتونخوا ایالت او یوه یوه په پنجاب او اسلام اباد کې ثبت شوې دي.

د افغانستان په چارو کې د امریکا مخکني استازي زلمي خلیلزاد نن یکشنبه د (لړم شپږمه) په خپله ایکس پاڼه لیکلي چې د پاکستان حکومت باید د پاکستان تحریک انصاف ګوند مخکنی مشر عمران خان له زندانه خوشې کړي.

هغه وايي، په دې خوښ دی چې د پاکستان اوسني حکومت د عمران خان مېرمن بشرا بي بي او د هغه خور له بنده ازادې کړې دي.

د عمران خان په مشرۍ تحریک انصاف ګوند د تېرې جمعې په ورځ ویلي و، چې د ښاغلي خان مېرمن بشرا بي بي له نهه میاشتې زندان وروسته خوشې او خپل کور ته ستنه شوه.

بشرا بي بي د توشه خانې دوه کېس له امله په ایډیاله زندان کې بندي وه.

بشرا بي بي تر خوشي کېدو وروسته لاهور ته تللې ده. او د عمران خان پر پلویانو یې غږ کړی چې لارو کوڅو ته راووځي او د خان د خوشې کېدو لپاره غږ پورته کړي.

د پاکستان تحریک انصاف ګوند مخکنی مشر او د پاکستان پخوانی لومړی وزیر عمران خان لا هم په ایډیاله زندان کې بندي دی.

دا ځانمرګی برید نن غرمه د شنبې په ورځ د لړم۵مه شمالي وزیرستان په میرانشاه کې د پاکستاني پوځیانو او پولیسو په یوه کډه امنیتي پوسته شوی دی.

د ځايي سرچینې وايي چې په دې پېښه کې ۴ پاکستاني پوځیان او ۴ پولیس وژل شوي دي.

افغانستان انټرنشنل د ځانمرګي برید وروسته ترسره شوې ویډیو ترلاسه کړې ده، په دې ویډیو کې د پاکستاني ځواکونو پوسته وېجاړه لیدل کیږي او شاوخوا نظامي موټر هم لیدل کیږی چې په دې پېښه کې تخریب شوي دي.

تروسه پورې د مرګ ژوبلې په اړه پاکستاني نظامیان او طالبانو په رسمي ډول د پيښې په اړه جزیات نه دي خپاړه کړي.

د ټي ټي پي ته نژدې سرچینې وايي چې په نننۍ موټر بم برید کې له لسو زیات پاکستاني امنیتي ځواکونه وژل شوي او تر شلو زیات نور ټپیان دي.

د سیمې اوسېدونکي وايی چې د موټر بم وروسته سیمه د پاکستاني ځواکونو لخوا کلابند شوې ده او میرانشاه ته غځېدلي سرکونه یې د ولسونو پر مخ تړلي دي.

په دې وروستیو کې د پاکستاني طالبانو له لخوا په ځانکړي ډول ټي ټي پي بریدونه زیات شوي دي، چې دواړه لوري یو بل ته د زیاتې مرګ ژوبلې د اړولو ادعاوې کوي.

د کرېکټ نړيوالې شورا د معلوماتو له مخي، چې پاکستان کرېکټ لوبډلې د ټېسټ سياليو په ورستۍ لوبه کې انګلينډ ته د ۹ ويکټو په توپير ماتې ورکړه او لوبلړۍ يې ۲ پر ۱ وګټل.

په دې سياليو کې انګلينډ ۲۷۶ او ۱۱۲ منډې جوړې کړې او پاکستان کرېکټ لوبډلې يې بیا په وړاندي ۳۴۴ او ۳۷ منډې جوړې کړې.

پاکستانی لوبغاړی سعود شکيل د لوبې او ساجد خان بیا د لوبلړۍ غوره لوبغاړي وټاکل شول.

وړاندي تر دې د پاکستان کرېکټ بورډ ويلي، چې د انګلينډ سره د ټېسټ لوبلړۍ لپاره یې لوبډله سخت تمرينات کړي او لوبلړۍ ته تیاره ده.

بورډ په خپل کور کې له اوږده ځنډ وروسته انګلينډ ته ماتې ورکول د بیا برياوو پيل بللی دی.

پاکستان په تېر کې په خپل کور کې له بېلابيلو لوبډلو څخه ماتې خوړلې وې.

څه موده وړاندي بنګلدېش په اول ځل له پاکستانه د ټېسټ لوبو لړۍ وګټل.