ځايي سرچینې: په شمالي وزیرستان کې په موټر بم برید کې ۸ تنه پاکستاني نظامیان ووژل شول

د کرېکټ نړيوالې شورا د معلوماتو له مخي، چې پاکستان کرېکټ لوبډلې د ټېسټ سياليو په ورستۍ لوبه کې انګلينډ ته د ۹ ويکټو په توپير ماتې ورکړه او لوبلړۍ يې ۲ پر ۱ وګټل.

په دې سياليو کې انګلينډ ۲۷۶ او ۱۱۲ منډې جوړې کړې او پاکستان کرېکټ لوبډلې يې بیا په وړاندي ۳۴۴ او ۳۷ منډې جوړې کړې.

پاکستانی لوبغاړی سعود شکيل د لوبې او ساجد خان بیا د لوبلړۍ غوره لوبغاړي وټاکل شول.

وړاندي تر دې د پاکستان کرېکټ بورډ ويلي، چې د انګلينډ سره د ټېسټ لوبلړۍ لپاره یې لوبډله سخت تمرينات کړي او لوبلړۍ ته تیاره ده.

بورډ په خپل کور کې له اوږده ځنډ وروسته انګلينډ ته ماتې ورکول د بیا برياوو پيل بللی دی.

پاکستان په تېر کې په خپل کور کې له بېلابيلو لوبډلو څخه ماتې خوړلې وې.

څه موده وړاندي بنګلدېش په اول ځل له پاکستانه د ټېسټ لوبو لړۍ وګټل.

خو اسراییل بېګنی برید پر خپله خاوره د ایران وروستي توغندي برید ته په ځواب کې بولي او وايي له ځان د دفاع حق لري.

د اسراییل پوځ بېګا ناوخته وویل، چې د ایران پوځي تاسیسات یې په نښه کړي دي.

د ایران فارس خبري اژانس چې له سپاه پاسداران سره تړاو لري، راپور ورکړی چې د اسراییل د برید هدف د تهران په لویدیځ او جنوب لویدیځ کې څو پوځي اډې وې.

د ایران پوځ وايي، په دغه برید کې محدود زیان اوښتی او دوه سرتېري یې وژل شوي دی.

د دغه هېواد بهرنیو چارو وزارت په خپله اعلامیه کې دا برید د هېوادونو د ملي حاکمیت او ځمکنۍ بشپړتیا پرضد د زور کارولو د مخنیوي له اصل سره په ټکر کې بولي او غندي یې.

د ایران چارواکي وايي، د خپل امنیت د مهمو ګټو د دفاع لپاره به د خپل ملت ټولې مادي او معنوي وړتیاووې وکاروي.

په اعلامیه کې د هغو هېوادونو مننه هم شوې چې پر ایران یې د اسراییل پرونی برید غندلی دی او همدارنګه له نړیوالې ټولنې غوښتل شوي چې په سیمه کې د اسراییل د یرغلګرۍ مخه ونیسي.

دا په ایران کې د حماس د سیاسي دفتر د مشر اسماعیل هنیه تر وژل کېدو وروسته دویم توغندیز برید دی چې اسراییل یې د ایران د ورته بریدونو په ځواب کې کوي.

په دا مهال د اکسيوس خبريال باراک رويد د يوه اسرایيلي چارواکي په حواله ليکلي دي: "د اسرایيل امنيتي کابينې د جمعې په ماښام د يوه ټلويزيوني کنفرانس له لارې پر ايران د بريد پلان تصويب کړ."

د غزې د روغتیا وزارت وویل، چې په سویلي ښار خان یونس کې پر کورونو بمبارۍ لږترلږه ۳۸ کسان وژلي، چې ډېری یې ښځې او ماشومان دي.

اسراییلي پوځ ویلي، د دوی ځواکونو د غزې په سویل کې په هوايي او ځمکنیو بریدونو کې یو شمېر فلسطیني اورپکي وژلي او پوځي بنسټونه یې ویجاړ کړي دي.

ناصر روغتون کې ډاکټران وایي، چې درې ماشومان یې په کفن کې پوښلي دي،‌ چې په یو اسراییلي برید کې وژل شوي وو.

روغتیایي چارواکي وایي، چې اسراییلي ځواکونو د غزې په شمال جبالیا ښار شاو خوا سیمه د یوې اونۍ راهیسې د خپلو برید موخه ګرځولې او هلته یې په کمال عدوان روغتون برید کړی.

د روغتون د نرسنګ برخې مشر، عید صباح، رویټرز ته په یو غږیز پیغام کې وویل، چې اسراییلي ځواکونو د روغتون پر ټپیانو او ماشومانو ډزې کړي.

هغه وویل؛ کله چې پوځ شاتګ وکړ، د نړۍوال روغتیا سازمان یوه ډله د امبولانس سره راغله او ځینې ناروغان یې واېستل. د روغتیا نړۍوال سازمان تایید کړه، چې دوی د غزې ښار الشفا روغتون ته ۴۹ ناروغان لیږدولي دي.

د هند له پولې سره نږدې د پاکستان دغه شرقي ښار پرلپسې د نړۍ تر ټولو ککړو ښارونو کې پاتې کېږي.

د روغتیا نړیوال سازمان دا اونۍ د لاهور هوا د صحت لپاره له خوندي کچې شل ځلې ډېره ککړه بللې ده.

په ګاډو او کمپنیو کې د کم کیفیته سونتوکو د کارېدو له امله په دغه ۱۴ میلیوني ښار کې د ژمي په موسم کې هوا ډېره چټله وي.

د لاهور په لمنو کې د کرنګرو له خوا د فصل د پاتې شونو سوځول هم د دې ښار د هوا ککړتیا بل لوی لامل دی.

دې ورځو کې د لاهور ښار د هوا د ککړتیا ډېرېدو سره د دغه ښار د چاپېریال خودندیتوب ادارې وویل، چې له ښوونځي بهر لوبې به له راتلونکې دوشنبې بندې وي.

د پنجاب د پوهنې ادارې ویاند فرانس خبري اژانس ته ویلي، چې دا بندیز به د جنورۍ تر پای ته رسېدو روان وي.

د سهار له مخې د ښوونځي وخت هم کمېږي او په دې ډول ډېره لړه کې ښوونځي ته د ماشومانو د تګ مخه نیول کېږي.

د پاکستان لاهور ښار کې تېر کال هم هوا ډېره ککړه وه، چې له امله یې یو ځل چارواکو پر دغه ښار مصنوعي باران وکړ.

د روغتیا نړیوال سازمان په خبره، ککړه هوا د مغزي سکتې، زړه او سږو د ناروغیو په ګډون د مختلفو ناروغیو لامل کېږي.

د ملګرو ملتونو ماشوم ملاتړې اداره یا یونیسېف وايي، سوېلي اسیا کې له شپږ سوو مېلیونو ډېر ماشومان د لوړې کچې ککړې هوا سره مخ دي.

امریکا وړمه ورځ وویل، داسې شواهد یې موندلي چې ښيي اوکراین ته د ممکنه لېږد لپاره شمالي کوریا خپل درې زره سرتېري روسیې ته استولي دي.

لوېدیځ دغه ګام د اوکراین د جګړې په زیاتولو کې یو مهم ټکی بولي.

د اوکراین پوځي استخباراتي اداره هم وايي، روسیه کې د شمالي کوریا روزل شوې لومړنۍ پوځي ډله کروسک ته لېږل شوې ده.

کروسک له اوکراین سره د روسیې سرحدي سیمه ده او په تېر اګسټ کې د کیف پوځیانو ونیوله.

دغو پرمختیاوو ته په ځواب کې د روسیې ولسمشر د دغه هېواد دولتي تلوېزون ته نن وویل: «موږ چه چې د څه په هکله فیصله کول غواړوو نو کوو به یې... خو دا زموږ خپلواکه پرېکړه ده چې پلې کوو یې که نه، ورته اړتیا لرو که نه.»

د ولادیمیر پوتین په خبره، غرب بیا بیا دا وايي چې دا د اوکراین خوښه ده چې له ناټو سره یا له ناټو پرته خپل امنیت خوندي کړي.

ښاغلي پوتین زیاته کړه، «څومره ژر چې دوی له روسیې سره په اړیکو کې پر دې بې ګټې چلن پوه شي، نو تر نورو به د دوی په ګټه ډېر وي.»

ولادیمیر پوتین که څه هم روسیې ته د شمالي کوریا د پوځ استولو په تړاو د امریکا ادعا رد نه کړه، خو لوېدیځ یې د اوکراین د جګړې په سختولو تورن کړ او ویې ویل، دا په مسکو پورې تړلې چې له پیونګ یانګ سره څنګه خپلې دفاعي مادې پلې کوي.

شمالي کوریا ته په تېر جون کې د ولادیمیر پوتین په سفر کې نوموړي او کیم جونګ اون د ستراتیژیکې همکارۍ ټولیز تړون وکړ.

د دې تړون په څلورمه ماده کې راغلي، که د دې تړون په یو لوري د یو یا څو هېوادونو له لوري وسلوال برید کېږي د تړون بل لوری له خپلو ټولو امکاناتو سره سملاسي پوځي او نورې مرستې ورته برابروي.