سرچینې: د پاړه چنار او پېښور تر منځ لویه لاره د ۲۳ ورځو په تېرېدو هم تړلې پاتې ده

د لاهور ښار د هوا پېژندنې ادارې د دغه ښار په بیلابیلو سیمو کې د هوا د ککړتيا کيفيت په ډي اېچ اې کې ۱۹۱۷، ګلبرګ کې ۱۵۱۵، مرات علي روډ کې ۱۲۶۴ او عسکري ۱۰ سیمه کې ۱۲۵۷ درجې ثبت کړی دی.

لاهور کې د هوا ککړتیا له امله تعليمي ادارو په يوه اونۍ کې درې رخصتۍ ټاکلې چې زده‌کوونکي د ککړې هوا له منفي اغېزو وژغوري.

د لاهور د هوا پېژندنې ادارې له مخې، په راتلونکو ورځو کې د باران امکان نه شته، چې له امله یې اټکل کیږي چې د هوا دغه ککړتیا څو برابره زیاته شي.

د دې تر څنګ په ملتان او پيښور کې هم هوا تر ډیره بریده ککړه شوې چې له امله یې ښاريانو ته د ساه لنډۍ او د سترګو د خارښت ناروغۍ ډیرې شوې دي.

روغتیايي کارپوهانود دغو ښارونو اوسیدونکو ته لارښوونه کړې چې ماسک وکاروي او له کورونو دې نه وځي.

د شنبې په ورځ د یونېسف له لوري په یوه خپره شوې خبرپاڼه کې ویل شوي، چې یوازې په تېرو ۴۸ ساعتونو کې د غزې په شمالي برخه جبالیه کې ۵۰ ماشومان هغه مهال ووژل شول، چې اسراییل د استوګنې پر دوو هغو ودانیو بمبار وکړ، چې سلګونو کسانو د جګړې له وېرې په کې پناه اخیستې وه.

د ملګرو ملتونو د ماشومانو د ملاتړ ادارې (یونېسف) اجراییه مشرې کاټرین رسل وايي، دا د غزې په شمال کې یوه خونړۍ اونۍ وه.

نوموړې په خپلې اېکس پاڼې لیکلي، چې د بشري کارکوونکو په ګډون په ملکي وګړو او په غزه کې پر ملکي ځایونو بریدونه باید ودرول شي.

یونېسف وايي،‌ ملکي وګړي او ملکي جوړښتونه، د استوګنې ودانیو په ګډون، او همدارنګه د بشرپاله کارکوونکو او د هغوی وسایل باید تل د نړۍوال بشردوستانه قانون سره سم خوندي شي.

د دغې ادارې له لوري په خپره شوې خبرپاڼه کې ویل شوي، چې د بې ځایه کېدو یا اېستلو امر د جګړې هیڅ اړخ ته اجازه نه ورکوي، چې په سیمه کې ټول وګړي یا وسایل د نظامي هدفونو په توګه وګڼي او باید د نظامي او ملکي هدفونو تر منځ توپیر وشي.

یونېسف وايي: «خو بیا هم دا اصول په پرله پسې ډول تر پښو لاندې کیږي، چې په لسګونو زره ماشومان په کې وژل شوي، ټپیان شوي او د ژوندي پاتې کیدو لپاره له اړینو خدمتونو بې برخې شوي.»

یونیسف د جګړې په دواړو غاړو هم غږ کوي چې د نړۍوالو قوانینو د درناوي د تضمین لپاره خپل اغېز وکاروي، او د ماشومانو ساتنې ته لومړیتوب ورکړي.

د پوليسو په خبره دغه د سورلۍ ګاډی له چغرزي څخه سواړي ته روان و چې په لاره کې له سړک بېواکه شوی او ژورې کندې ته لويدلی.

پولیسو د ځينو ټپيانو روغتيايي حالت د اندېښنې وړ بللى دى.

ویل کیږي د دغې پېښې مړي او ټپیان د ځايي خلکو په مرسته له کندې را ایستل شوي دي.

په دې توګه د ۲۰۲۳ کال د اکتوبر په اومه د روانې جګړې له پیل راهیسې د حزب الله د وژل شویو غړو شمېر شاوخوا درې زرو ته لوړ شوی دی.

په دغو وژل شویو کې د لبنان د حزب الله ډلې لس مهم مشران هم وژل شوي چې د دغو مشرانو وژل کېدل حزب الله ته لوی ګوزار بلل شوی.

د حزب الله په وژل شویو مشرانو کې د دغې ډلې تر نورو مهم مشر حسن نصرالله هم شامل و چې د دغې ډلې مشري یې په غاړه لرله.

سانچیز په یوې ټلویزیونې بیانیه کې وویل، چې سیمې ته یې ۵۰۰۰ زره نور سرتېري هم لیږلي تر څو د لټون په عملیاتو کې مرسته وکړي. تر دې وړاندې سانچیز ۲۵۰۰ سرتېري سیمې ته لیږلي وو.

سانچیز وویل: «دا د سولې په وخت کې د اسپانیې د وسله والو ځواکونو له خوا ترټولو لوی عملیات دي. حکومت به د اړتیا په صورت کې ټولې اړینې سرچینې وکاروي.»

د هسپانیا حکومت له دغه مرګوني سیلاب وروسته په دغه هېواد کې درې ورځنی ماتم هم اعلان کړی و.

تر دې مخکې رویترز لیکلي و، د سېلابونو خبرداریو ته د ځايي حکومت سُست غبرګون او دغه کړکېچ ته د چمتووالي پر نشتوالي سختې نيوکې شوي او اعتراضونه تر دې کچې رسېدلي چې ټولنيزو ډلو او اتحاديو د والنسیا د ځايي حکومت د مشر کارلوس مازون د استعفا غوښتنه کړې ده.

دا پیښه د هسپانیا په معاصر تاریخ کې د سیلابونو له امله رامینځته شوې ترټولو لوی طبیعي ناورین په توګه ثبت شوې.