افغانستان سبا د بنګله دېش پر وړاندې لوبه لري

د افغانستان کرېکټ بورډ په خپله اېکس پاڼه لیکلي، چې د بنګله‌دېش د کرېکټ ملي لوبډله تېره شپه متحده عربي اماراتو ته ورسېده.

افغان کرېکټ بورډ وايي، د بنګله‌دېش ملي لوبډله به په دغه سفر کې د افغان ملي لوبدلې په وړاندې درې نړۍوالې یو ورځنۍ لوبې ترسره کړي.

کرېکت بورډ لیکلي، د دغې لوبلړۍ لومړۍ لوبه به د روانۍ میاشتې د نومبر په شپږمه نېټه په شارجه کرېکټ لوبغالي کې ترسره شي او وروستۍ لوبه به یې بیا د همدې میاشتې په ۱۱مه نېټه ترسره شي.

افغان کرېکټ بورډ د یادې لوبلړۍ لپاره د حشمت الله شهیدي په لوبدلمشرۍ د کرېکټ لوبډله د اکټوبر میاشتې په ۲۵مه نېټه متحده عربي اماراتو ته لیږلې ده.

کرېکټ بورډ پر ټولنیزو رسنیو د خپلو رسمي ادرسونو له لارې د افغان لوبغاړو د تمرین کولو انځورونه او ویډیوګانې هم خپرې کړې دي چې د یادې لوبلړۍ لپاره په چمتوالي بوخت دي.

د افغانستان کرېکټ بورډ د غوراوي کمېټې د چهار شنبې په ورځ د دې لوبډلې د نوملړ د اعلان پر مهال ویلي، چې ۱۵ لوبغاړي په عمومي ليست او ۳ په احتیاطي لوبغاړو کې دي.

بورډ زياتوي، چې په دې نوملړ کې «محبوب تسکین لوبډلمشر او ویکټ ساتونکی، عزیرخان، فیصل خان، برکت، عزت بارکزی، عزیز میاخېل، حمزه علي خېل (ویکټ ساتونکی)، نظیف امیري، عبدالعزیز، نصرت الله نورستانی، خاطر ستانکزی، فهیم ښېوه وال، حفیظ ځدراڼ، الله محمد عضنفر او نصیر معروف خېل» شامل دي.

روح الله عرب، وحيد ځدراڼ او سلمان خان احتیاطي لوبغاړي غوره شوي دي.

د افغانستان کرېکټ بورډ ويلي، چې لوبغاړي یې پرله پسې تمرين او د هغو ښو لوبو ته په کتو غوره کړي دي

د افغانستان، پاکستان او متحده عربي اماراتو درې اړخيزه لوبلړۍ د نومبر په ۱۳ مه پيليږي، چې تر ۲۶ مې به دوام وکړي.

د لوبو د مهالوېش له مخي د لوبلړۍ لومړۍ سيالې به د نومبر په ۱۳ مه د پاکستان او متحده عربي اماراتو ترمنځ وشي او افغانستان به د همدې میاشتې په ۱۵مه په دويمه سيالۍ کې د پاکستان په وړاندې ولوبيږي.

تر دې سياليو وروسته به د افغان ۱۹ کلنو کم عمره لوبډله په اسيا جام سياليو کې برخه واخلي.

د کرېکټ ۱۹ کلنو کم عمره اسیا جام د نومبر په ۲۹ مه پليږي او د ډسمبر تر ۸ مې نېټې به دوام کوي.

افغانستان کرېکټ بورډ غوراوي کمټې هيله ښودلې، چې لوبډله به يې په سياليو کې ښه لوبيږي.

د افغانستان کرېکټ بورډ په اېکس پاڼه په کابل هوایي ډګر کې د افغان ابدالیانو د هرکلي انځورونه خپاره کړي دي.
په دغو انځورونو کې لیدل کېږي، چې د افغانستان د کرېکټ بورډ مشر میروېس اشرف هم د دغې لوبډلې د هرکلي لپاره د کابل نړۍوال هوایي ډګر ته ورغلی دی.
دا لومړی ځل دی، چې افغانستان د ځوانانو اسیا جام سیالیو کې د اتلولۍ جام کور ته راوړي.
افغانستان د دغو سیالیو په پایلوبه کې وتوانېده، چې د سریلانکا الف لوبډلې ته په ۷ وېکټو ماتې ورکړي او د دغو لوبو اتلولي خپله کړي.

افغانستان په لومړي ځل دا جام ګټلی دی، تمه دا وه چې د لوبغاړو راتګ او هېواد ته د دغه جام راوړل باید په شانداره توګه نمانځل شوي وو؛ خو له خپرو شویو انځورونو داسې برېښي، چې هوايي ډګر ته د کرېکټ مینه‌والو ته د لوبغاړو د هرکلي اجازه نه ده ورکړل شوې.

له بل پلوه په نورو هېوادونو کې د یوې سیالۍ د جام ګټل په شاندارو جشنونو نمانځل کېږي؛ خو واک ته د طالبانو له رسېدو وروسته د تېر پرتله په افغانستان کې د دغه ډول لوړو بریاوو نمانځنه هم محدوده شوې ده.

د افغانستان او بنګله دېش ۱۷ کلنو فوټبال لوبډلو ترمنځ د نن ورځي د سيالۍ په پيل کې لومړۍ ګولوهنه بنګله دېش تر سره کړه، خو په ۲۹ مه دقیقه کې افغان لوبغاړي یاسر صافي لوبه مساوي کړه، چې وروسته بنګله دېش دویم ګول هم تر سره کړ او د لوبې لومړۍ نيمايي دوه د یو پر وړاندې د بنګله دېش په ګټه پای ته ورسېده.

د لوبې په دويمه نیمايي کې میلاد نوري په ۶۴ مه دقيقه کې لوبه مساوي کړه او ارش احمدي په ۷۰ یمه دقیقه کې د ګټې ګول تر سره کړ او په همدې سره يې بنګله دېش مات کړ.

د افغانستان د فوټبال ۱۷ کلنو ملي لوبډلې په دې څلورو سياليو کې ۲۳ ګولونه تر سره کړي او درې ګولونه یې خوړلي.

افغانستان په خپل ګروپ کې د ټولو سياليو په ګټلو د سرګروپ په توګه د ۱۷ کلنو اسیا جام سیاليو ته لاړ.

د ۱۷ کلنو اسیا جام د ۲۰۲۵ کال د اپريل مياشت کې د سعودي عربستان په کوربه توب تر سره کيږي.

د طالبانو تر واک لاندې فوټبال فدراسيون مسوولانو، د افغانستان پخواني ولسمشر حامد کرزي، يو شمېر سياستوالو او ګڼو افغانانو د فوټبال ۱۷ کلنو اسیا جام ته د افغان لوبډلې پر تګ خوښي ښودلې او د لوبغاړو ترڅنګ يې ټولو مينه والو ته مبارکۍ ورکړې دي.

د افغانستان کرېکټ الف لوبډله نن یکشنبه د (لړم شپږمه) د سریلانکا په وړاندې د ځوانانو اسیا جام کرېکټ سیالیو په پایلوبه کې لوبیږي.

دغه ستره پایلوبه په سیمه ییز وخت مازدیګر پنځه نیمې بجې په عمان کې ترسره کیږي.

په دغه جام کې د افغان ابدالیانو لوبډلې سفر خورا بریالی و.

افغانستان په ګروپي لوبو کې بنګه دیش ته د څلورو ویکېټو، سریلانکا ته په ۱۱ منډو ماتې ورکړه، خو له هانکانګ الف لوبډلې څخه یې د پنځو ویکېټو په توپير ماتې ومنله.

افغان لوبغاړو په ځانګړي توګه توپ وهونکو په دغو سیالیو کې غوره پاڼۍ نندارې ته وړاندې کړه.

د افغان ابدالیانو پیلیز توپ وهونکی صدیق الله اتل د ۳۱۳ منډو په جوړولو سره د دغه سیالیو مخکښ منډه جوړونکی دی.

نوموړي په درېیو لوبو کې د غوره لوبغاړي جایزه هم ګټلې ده.

په دغو سیالیو کې د صدیق الله اتل او الله محمد غضنفر د ښه ځلېدو سره د افغانستان کرېکټ بورډ یاد دوه لوبغاړي له بنګله دیش سره د یو ورځنیو سیالیو په نوملړ کې هم شامل کړي دي.