د ځوانانو د اسیا جام له اتلولۍ وروسته د افغان ابدالیانو لوبډله کابل ته ستنه شوه
د ۲۰۲۴ کال د ځوانانو د اسیا جام سیالیو د اتلولۍ له ګټلو وروسته افغان لوبډله د دغو سیالیو له اتلولۍ کپ سره یو ځای کابل ته ستنه شوه.
د ۲۰۲۴ کال د ځوانانو د اسیا جام سیالیو د اتلولۍ له ګټلو وروسته افغان لوبډله د دغو سیالیو له اتلولۍ کپ سره یو ځای کابل ته ستنه شوه.
د افغانستان کرېکټ بورډ په اېکس پاڼه په کابل هوایي ډګر کې د افغان ابدالیانو د هرکلي انځورونه خپاره کړي دي.
په دغو انځورونو کې لیدل کېږي، چې د افغانستان د کرېکټ بورډ مشر میروېس اشرف هم د دغې لوبډلې د هرکلي لپاره د کابل نړۍوال هوایي ډګر ته ورغلی دی.
دا لومړی ځل دی، چې افغانستان د ځوانانو اسیا جام سیالیو کې د اتلولۍ جام کور ته راوړي.
افغانستان د دغو سیالیو په پایلوبه کې وتوانېده، چې د سریلانکا الف لوبډلې ته په ۷ وېکټو ماتې ورکړي او د دغو لوبو اتلولي خپله کړي.
افغانستان په لومړي ځل دا جام ګټلی دی، تمه دا وه چې د لوبغاړو راتګ او هېواد ته د دغه جام راوړل باید په شانداره توګه نمانځل شوي وو؛ خو له خپرو شویو انځورونو داسې برېښي، چې هوايي ډګر ته د کرېکټ مینهوالو ته د لوبغاړو د هرکلي اجازه نه ده ورکړل شوې.
له بل پلوه په نورو هېوادونو کې د یوې سیالۍ د جام ګټل په شاندارو جشنونو نمانځل کېږي؛ خو واک ته د طالبانو له رسېدو وروسته د تېر پرتله په افغانستان کې د دغه ډول لوړو بریاوو نمانځنه هم محدوده شوې ده.
