ټروډو سپینې ماڼۍ ته د ټرمپ د ستنېدا په اړه د شته ننګونو د ارزولو لپاره یوه کمېټه جوړوي
د کاناډا لومړي وزیر جسټن تروډو د پنجشنبې په ورځ ویلي، د داسې یوې کمېټې په جوړولو لګیا دی چې سپینې ماڼۍ ته د ټرمپ د ستنېدا په اړه راټوکېدلې اندېښنې وارزوي.
د کاناډا لومړي وزیر جسټن تروډو د پنجشنبې په ورځ ویلي، د داسې یوې کمېټې په جوړولو لګیا دی چې سپینې ماڼۍ ته د ټرمپ د ستنېدا په اړه راټوکېدلې اندېښنې وارزوي.
ښاغلي ټروډو ویلي، چې په دغې کمېټه کې به د کاناډا د مالیې وزیر او د نورو وزارتونو غړي رغنده ونډه ولري.
د کاناډا د لومړي وزیر له دفتره د پنجشنبې په ورځ په خپره شوې خبرپاڼه کې راغلي، چې د لومړي وزیر لومړی مرستیال او د مالیې وزیر کریستیا فریلنډ به د دغې کمېټې مشري کوي.
د کاناډا د کابینې یو شمېر نور غړي لکه د بهرنیو چارو، صنعت او عامه امنیت د چارو وزیران به هم د دغې څانګړې کمېټې غړیتوب ولري.
په خبرپاڼه کې ویل شوي:« دغه کمېټه به د ټرمپ د دویم ځل ولسمشرۍ پر مهال د کاناډا او امریکا تر منځ پر مهمو مسلو بحث او کتنه کوي.»
د ځینو راپورونو له مخې، د کاناډا ۷۵ سانه صادرات امریکا ته کېږي او د اقتصادي او سوداګریز پلوه کاناډا له امریکا سره نه شلېدونکي اړیکي لري.
دونالډ ټرمپ د خپلې ولسمشرۍ په لومړۍ دوره کې د شمالي امریکا د ازادې سوداګرۍ یا نفتا د تړون پر سر بیا له سره خبرې پیل کړې وې.
اوس هم داسې راپورونه شته، چې هغه به د اتوماتو کاناډایي موټرو پر سر ۲۵ سلنه مالیه وضعه کړي؛ هغه څه چې د کاناډا لپاره «جدي ګواښ» بلل کېږي.
د دغه لاریون ګډونوال چې شمېر یې زرګونه خلکو ته رسېږي وایي، چې دوی په خپله سیمه کې سوله او سوکالي غواړي او له حکومته یې غوښتنه دا ده چې د دوی لپاره ټولې تړل شوې لارې خلاصې کړي.
دغه لاریون له هغه وروسته پیل شو، چې کورمې ولسوالۍ ته د نا امنیو او قومي شخړو له امله ټولې ورغلې لارې وتړل شوې او په سیمه کې د خوراکي توکو او دارو درملو له امله خلک له ستونزو او کړاوونو سره مخامخ شول.
دغو لاریون والو تېره شپه د سمیر په سیمه کې بېدیا تېره کړې او پرېکړه یې کړې تر هغو به خپلو کورونو ته نه ستنېږي، چې د دوی په سیمو کې سوله او امن نه وي ټینګ شوی او تړل شوې لارې یې نه وي خلاصې شوې.
دغه لاریون کوونکي وایي، چې دوی د هیڅ یوې قبیلې او قوم پر ضد نه دي راپورته شوي؛ بلکې دوی وایي چې د حکومت پر ضد یې لاریون کړی چې ولې یې په تېره یوه میاشت کې د دوی په سیمه کې امنیت خوندي نه کړ او تړل شوې لارې یې خلاصې نه کړې.
مظاهره کوونکو ګوت څنډنه وکړه، تر هغې به یې دغه مظاهره دوام کوي چې تړل شوې لارې خلاصې نه شي او د نا مسووله خلکو نه وسلې نه وي ټولې شوې.
له تېرې یوې میاشتې راهیسې د کورمې او پېښور تر منځ لاره بنده شوې او په بازارونو کې د خوراکي توکو او دارو درملو په بیو کې د زیاتوالي تر څنګ د دغو توکو نشتوالي هم خلک له لالهاندیو سره مخامخ کړي دي.
په پاړه چنار کې د روغتونونو سرچینې وایي، چې د درملو او اکسیجن د کمي له امله د ۱۲ ماشومانو په ګډون تر اوسه له ۲۰ زیات ناروغان مړه شوي او د لارو د بندېدو له امله بېړني ناروغان تر پېښور او اسلام اباده نه شي رسېدای.
دغه لانجه هغه مهال راوټوکېده، چې د اکټوبر په ۱۲مه نېټه یو شمېر وسلهوالو د مقبل قوم د مساپرو پر موټر برید وکړ او لږ تر لږه د ښځو او ماشومانو په ګډون ۱۶ کسان په دغه برید کې وژل شوي وو.
په سیمه کې د پولیسو مشر جاویدالله محسود وایي، چې دوی سیمې ته نوي ځواکونه هم وربللي او ډاډ ورکوي چې تړل شوې لارې به بېرته خلاصې کړي؛ خو ولسي خلک وایي چې حکومت د امن په ټینګښت کې پاتې راغلی او تر هغې چې له خلکو سپکې او درنې وسلې نه وي ټولې شوي، ګومان نه کوي چې دغه وړۍ دې شړۍ شي.
