د طالبانو د کډوالو او بېرته راستنېدونکو چارو وزارت وايي، د ترکیې هېواد له لوري هغه ۳۲۵ تنه افغان کډوال راستانه کړل شوي، چې ځینو یې په یاد هېواد کې د اوسېدو قانوني اسناد لرل او یو شمېر نورو یې دغه اسناد نه لرل.
د طالبانو د کډوالو او راستنېدونکو چارو وزارت د یکشنبې په ورځ په خپله اېکس پاڼه لیکلي، چې په تېرو دوو ورځو کې ترکیې ۳۲۵ تنه هغه افغان کډوال بېرته افغانستان ته ستانه کړي دي.
دغه وزارت وايي، د ترکیې هېواد له لوري ستانه کړل شویو افغانان کې یو شمېر هغو یې په یاد هېواد کې د اوسېدو قانوني اسناد هم لرل.
د کډوالو وزارت وايي د یاد وزارت د مسلکي مرستیال عبدالرحمان راشد له قوله لیکلي، چې د افغان کډوالو د ستونزو د حل په موخه به له ترکیې هېواد سره خبرې وکړي.
ښاغلي راشد له ترکیې هېواد څخه د تازه راستنو شویو کډوالو څخه غوښتي چې په خپل هېواد کې پاتې شي.
د طالبانو د کډوالو او بېرته راستنېدونکو چارو وزارت د تلې په ۲۲مه په یوه راپور کې ویلي و، چې په تېرو شپږو میاشتو کې له ترکیې څخه ۱۰ زره افغانان راستانه کړل شوي.
دغه افغانان په داسې حال کې له ترکیې څخه افغانستان ته ستانه کړل شوي، چې نږدې هره ورځ ایران او پاکستان هم سلګونه افغانې کډوالې کورنۍ بېرته افغانستان ته ستنوي.
د افغانستان د المپیک، بدنې روزني او روزش عمومي کمېټې د شنبې په ورځ په يوه خبر کې ويلي، چې دغه سيالۍ یوه اونۍ وړاندې په تاشکند کې پيل شوي وې، چې د ۱۳ هېوادونو لوبغاړو په بېلابيلو لوبو کې برخه اخیستې.
افغان المپيک ويلي، چې په دې سيالیو کې پنځو افغان لوبغاړو سره ۴ افغان هیت برخه اخيستې او دغه مډالونه یې ګټلي دي.
په دې سياليو کې د شمالي کوريا لوبغاړو د قهرمانۍ لومړۍ او د روسيې لوبغاړو دویم مقام تر لاسه کړ.
