پاکستان غواړي له ټرمپ سره له وخت مخکې اړیکه ونیسي
پاکستان هوډ کړی چې د امریکا د نوي ولسمشر ډونالډ ټرمپ د لوړې له مراسمو وړاندې، له هغه سره د ټیلیفوني خبرو زمینه برابره شي.
پاکستان هوډ کړی چې د امریکا د نوي ولسمشر ډونالډ ټرمپ د لوړې له مراسمو وړاندې، له هغه سره د ټیلیفوني خبرو زمینه برابره شي.
ایکسپرېس ټربیون ورځپاڼې د د دغه هېواد د رسمي سرچینو له قوله ویلي، چې لومړی وزیر شهباز شریف غواړي له ډونالډ ټرمپ سره وغږیږي او د مبارکۍ ترڅنګ له نوموړي سره د اړیکویو مستقیم چینل پرانیزي.
سرچینه وايي، په دې موخه به په واشنګټن کې د پاکستان سفارت ډېر زر د ټرمپ د واک لېږدډلې سره وغږیږي او د امریکا له ولسمشر سره به د شهباز شریف د ټیلیفوني اړیکې غوښتنه ترې وکړي.
ټرمپ د هند او سعودي عربستان په ګډون د نړۍ له ګڼو مشرانو سره ټیلیفوني خبرې اترې کړې دي.
د ۲۰۲۰ کال په ټاکنو کې له بري وروسته ولسمشر جوبایډن د پاکستان له لومړي وزیر سره کله هم خبرې ونه کړې.خو له دې وړاندې په ۲۰۱۶ کال کې ټرمپ د پاکستان د هغه وخت له لومړي وزیر نواز شریف سره خبرې کړې وې.
ټرمپ په ترهګرۍ ضد جګړه کې د پاکستان له رول نه خوښ نه دی.
