امریکا: د سوریې په دوو سیمو کې د ایران د حکومت پر اړوندو ۹ هدفونو بریدونه شوي
د امریکا مرکزي قوماندانۍ، سینټکام، په یوې خبرپاڼه کې ویلي، چې د سوریې په دوو سیمو کې یې د ایران د حکومت پورې تړلو ۹ هدفونو باندې بریدونه کړي دي.
د امریکا مرکزي قوماندانۍ، سینټکام، په یوې خبرپاڼه کې ویلي، چې د سوریې په دوو سیمو کې یې د ایران د حکومت پورې تړلو ۹ هدفونو باندې بریدونه کړي دي.
دسینټکام په وینا، دا بریدونه به د ایران له حکومت سره د تړلو ډلو وړتیا کمه کړي. دغه ډلې، په سیمه کې د داعش ضد عملیاتو لپاره د میشتو امریکايي او ایتلافي ځواکونو پر وړاندې بریدونه ترسره کړي.
د امریکا د مرکزي قوماندانۍ مشر مایکل ایریک کوریلا وویل: "زموږ پیغام روښانه دی. په سیمه کې د امریکايي ځواکونو او ایتلافي ملګرو پر ضد بریدونه به ونه زغمل شي. موږ به هر هغه اقدام ته دوام ورکړو چې د خپلو ځواکونو او زموږ د ایتلافي همکارانو د امنیت لپاره اړین وي، او موږ به بې پروا بریدونو ته ځواب ووایو."
