د افغانستان کرېکټ بورډ وايي، د دغه هېواد د نابینایانو ملي لوبډلې په پاکستان کې نړیوال جام ته د لا ښه چمتووالي لپاره د ننګرهار په نجیب الله ترکي کرېکټ لوبغالي کې خپلمنځي درې شل اوه سیالۍ وکړې.
د دې ادارې د اعلامیې له مخې، په دې تمریناتي کمپ او سیالیو کې د لوبغاړو پر توپوهنه، توپ اچونه، ډګر ساتنه او د لوبو د قوانینو او اصولو اړوند تخنیکي برخو کار وشو.
دا افغان لوبډله د راتلونکې جمعې په ورځ، پښتونخوا ته ځي او هلته هم د ځایي نابینایانو لوبډلې سره دوه تمریناتي شل اورهلوبې کوي.
د افغانستان دا لوبډلهبه په نړیوال جام کې د ګډون لپاره د پاکستان لاهور او ملتان ته سفر وکړي.
د ۷ هېوادونو د لوبډلو په ګډون دا ۲۰ اورهجام د نومبر له ۲۳مې د ډسمبر تر ۳مې دوام کوي.
