د افغانستان له ۱۹ کلنو کم عمره لوبډلې پاکستان ته د ۱۰۰ منډو په توپیر ماته ور کړه
د افغانستان له ۱۹ کلنو کم عمره ملي لوبډلې په درې اړخیزه لوبلړۍ کې د پاکستان لوبډلې ته نن د سلو منډو په لوی توپیر ماته ور کړه.
د افغانستان له ۱۹ کلنو کم عمره ملي لوبډلې په درې اړخیزه لوبلړۍ کې د پاکستان لوبډلې ته نن د سلو منډو په لوی توپیر ماته ور کړه.
د افغانستان، پاکستان او متحده عربي اماراتو ترمنځ دا لوبې په اماراتو کې روانې دي.
د دې لړۍ په لومړۍ لوبه کې نن د پاکستان لوبډلې پچه وګټله، خو افغان لوبډلې ته یې د توپ وهلو بلنه ور کړه.
افغان لوبډلې د ټولو اورونو لوبولو او د اتو لوبغاړو په زیان سره ۳۰۶ منډې جوړې کړې.
د افغان لوبډلې په ګټه فیصل خان د غوره توپوهنې پر مټ ۱۲۳، محبوب خان ۵۴، برکت الله ۳۶ او نظیف الله ۳۱چټکې منډې جوړې کړې.
د پاکستان له ۱۹ کلونو کم عمره لوبډلې د ټولو لوبغاړو سوځېدو سره تر ۴۷ اور ۲۰۶ منډې جوړې کړې او د سلو منډو په توپیر یې لوبه وبایلله.
دا درې اړخیزه لوبلړۍ به د روانې نومبر میاشتې تر ۲۶ روانه وي.
افغان لوبډله د نومبر پر ۱۸، ۲۰، ۲۲ او ۲۴ له دواړو هېوادونو سره نورې سیالۍ لري.
د افغان ۱۹ کلنو کم عمره لوبډله تر دې سیالیو وروسته نړیوال جام کې لوبېږي چې د نومبر پر ۲۹ پیلېږي او د ډیسمبر تر ۸ به روان وي.
