د جرمني په بن ښار کې د افغانستان جنرال کونسل له خپلې دندې استعفا وکړه

د افغانستان لپاره د چین ځانګړي استازي د بېجینګ له بین المللي خبرو اترو مرکز سره په مرکه کې وویل چې هېواد یې په تېرو دریو کلونو کې له افغانستان سره ۴۷۰ میلیونه یوان چې څه باندې ۶۴ میلیونه ډالره کېږي، مرسته کړې ده.

که څه هم چین د طالبانو حکومت په رسمیت نه پېژني، خو په کابل کې یې سفیر ټاکلی او لومړنی هېواد دی چې د طالبانو سفیر یې په بیجینګ کې منلی دی.

له افغانستان نه د امریکايي ځواکونو له وتلو او واک ته د طالبانو له راتګ وروسته چین هم هڅه کړې چې د افغانستان په اقتصادي پروژو او د کانونو، تیلو او ګازو په قراردادونو کې دخیل شي.

له افغانستان سره چې دمګړۍ د طالبانو په واک کې دی، د چین او امریکا د مرستو اندازه له کابل سره د دواړو هېوادونو د چلند ښودنه کوي.

په تېرو دریو کلونو کې د طالبانو تر واک لاندې افغانستان سره د امریکا مرستې د چین په پرتله ۴۷ چنده زیاتې دي.

متحده ایالات طالبان په رسمیت نه پیژني، خو له افغانستان څخه یې له وتلو وروسته کابل ته د مرستو لیږلو ته دوام ورکړی دی.

د سیګار د راپور له مخې، چې په اکتوبر میاشت کې خپور شو، متحده ایالاتو په تیرو دریو کلونو کې له افغانستان او افغان کډوالو سره په ټولیزه توګه ۲۱.۶ میلیارده ډالره مرسته کړې ده.

د سیګار په وینا، له دې پیسو څخه ۳.۳۳ میلیارده ډالر د بشري او پراختیايي مرستو تر نامه لاندې افغانستان ته استول شوې دي.

د طالبانو تر واک لاندې افغانستان سره د امریکا مرستې تل له نیوکو سره مخ دي.

د طالبانو ځینې منتقدان او د امریکا ځانګړی مفتش وايي، چې ښيي افغانستان ته لېږل شویو پیسو ته طالبانو لاسرسی درلود او ګټه یې ترې پورته کړه ده، خو ملګري ملتونه چې د مرستو همغږي کوي، ادعا کوي چې دا پیسې طالبانو ته نه ځي.

د افغانستان بانک چې طالبان یې اداره کوي، تر تېر کال غويي میاشتې پورې په اونۍ کې دوه ځلې کابل ته د ۴۰ میلیونو ډالرو کڅوړو راتلل اعلانول.

طالبانو وروسته د مرستو د رسیدو خبر خپرول بند کړل، خو په په همدغه ترڅ کې سرچینو افغانستان انټرنشنل ته وویل چې کابل ته د ۴۰ میلیونو ډالرو کڅوړې لا هم روانې دي.

د پاکستان جماعت اسلامي ګوند مشر حافظ نعیم الرحمان د دوشنبې په ورځ په اسلام اباد کې په بلوچستان او خيبر پښتونخوا کې د ناامنیو زیاتېدو اړوند په يوه کنفرانس کې پر حکومت غږ وکړ، چې د امنيتي بحران د اواري لپاره له ښکيلو خواوو سره خبرې اترې پيل کړي.

نوموړي ټينګار کړی، چې پاکستان حکومت دې په بيړنۍ توګه پر خپله امنيتي پاليسۍ بیا کتنه وکړي.

هغه وویل: «د هر انسان ژند ارزښتناک دی، حکومت باید پر خپلې تګلارې له سره کتنه وکړي.»

د جماعت اسلامي ګوند مشر په افغانستان کې له واکمنو طالبانو وغوښتل، چې مسوولانه عمل وکړي او اسلام اباد ډاډمن کړي، چې د افغانستان خاوره د پاکستان په ګډون د نورو هېوادونو په ضد نه کارول کيږي.

نوموړي په دې اړه له پاکستان نه هم غوښتي چې له افغانستان سره د دوه اړخیزو اندېښنو د اواري لپاره په خبرو کې برخه واخلي.

د پاکستان د یو شمېر سياسیونو ترڅنګ د پاکستان بېلابيلو چارواکو په وار وار پر افغان طالبانو نيوکه کړې، چې د پاکستان په ناامنیو کې لاس لري او یو شمېر ترهګرې ډلې د افغانستان په خاوره کې فعالیت کوي.

خو طالبانو د پاکستاني چارواکو دغه څرګندونې رد کړې او په خپلو څرګندونو کې يې ډاډ ښودلی، چې د افغانستان له خاورې به چا ته زيان ونه رسيږي.

د ملګرو ملتونو د وګړو وجهي صندوق د دوشنبې په ورځ «د لړم ۲۸مه» په خواله رسنۍ اېکس په یوه یادښت کې اعلان وکړ، چې د ژمي په موسم کې روغتیايي خدمتونو ته د ښځو د لاسرسي اړوند ننګونو سره د مقابلې لپاره یې په ټول افغانستان کې په اتو سیمه ییزو ګودامونو کې طبي وسایل زېرمه کړي دي.

د دغه سازمان په وینا، روغتیایی خدمتونو ته د ښځو او میندو لاسرسی، په بیړنیو حالاتو کې د ماشوم د زیږون او د لومړنیو خدمتونو لپاره د ماهرو کارکوونکو د شتون په ګډون، کمښت راغلی چې د مړینې او نورو ناروغیو د زیاتیدو لامل کیږی.

دغه سازمان لیکلي: "موږ له خپلو شریکانو سره د افغانستان په لرې پرتو سیمو کې ښځو او نجونو ته روغتیایي خدمتونه وړاندې کوو."

دغه سازمان په یوه بل یادښت کې لیکلي چې د روان کال له جنوري څخه تر اکتوبر میاشتې پورې دوه اعشاریه څلور میلیونه افغانانو ته چې ۸۰ سلنه یې ښځې او نجونې وې، د ژوند ژغورنې خدمتونه وړاندې شوي دي.

د دغه سازمان د معلوماتو له مخې، دغه مرستې د استرالیا هېواد په مالي مرسته د افغانستان له خلکو سره شوې دي.

تر دې مخکې د ملګرو ملتونو اړوند دغه سازمان په افغانستان کې له درې اعشاریه پنځه میلیونو میندو او امیندواره ښځو سره د حیاتي مرستو د برابرولو اعلان کړی و او ټینګار یې کړی و چې امیندواره او تازه میندې شوې ښځې د اوسني بحران له امله له زیاتو خطرونو او زیانونو سره مخ دي.

په کابل کې یوې سرچینې افغانستان انټرنشنل ته وویل چې د ټي ټي پي اسانچارو په کابل، کندز، پکتیکا، غزني او خوست ولایتونو کې د سپکو وسلو پټ دوکانونه پرانېستي او د کورنیو چارو او دفاع وزارتونو اړوند وسلو پېر او پلور پکې کیږي.

سرچینه وایي، " دغه وسلې د کابل په بوش بازار، شکردره، چې پخوا هلته حافظ ګل بهادر اوسېده، د خوست په اهنګرانو مارکېټ، کندز ښار او غزني کې په پټه خرڅیږي".

په دې وسلو کې ایم ۱۶، ایم ۴، کلاشنیکوف، د جي اېن جي مرمۍ، چې په ګرنېټ کوپونو کې کاریږي او ګرنېټ کوپ لرونکي اېم فور پلورل کیږي. د سرچینې په وینا، یو ګرنېټ کوپ لرونکی اېم ۴ په درې سوه زره افغانیو پلورل کیږي.

د لړم میاشتې پر پنځمه د طالبانو مشر مولوي هبت الله اخونزاده د یوه فرمان په صادرولو سره له وسله تونونو د وسلو بې اجازې اېستل بند کړل.

په دغه اته ماده ییز فرمان کې د طالبانو مشر له دفاع او کورنیو چارو وزارتونو او استخباراتو لوی ریاست نه د وسلو، پوځي تجهیزاتو او نورو مهماتو د وېش واک اخستی.

د سرچینې په باور، ددغه فرمان ورکولو یو هدف د افغانستان د پخوانیو امنیتي ځواکونو د وسلو د خرڅلاو او قاچاق مخنیوی دی، چې د پاکستان په ګډون ګڼو هېوادونو ترې اندېښنې ښودلې دي.

طالبانو د وسلو د خرڅلاو او قاچاق په تور خپل یو شمېر قوماندانان هم نیولي دي.

په شمالي وزیرستان کې د ۲۰۱۴ کال له پوځي عملیاتو وروسته د قبایلي سیمو د وسلو ډېری سوداګر د افغانستان سرحدي سیمو ته راغلل او د جمهوري نظام له سقوط وروسته یې وکړای شول چې په خوست او ور څېرمه ولایتونو کې په کمه بیه ګرانې او پرمختللې وسلې وپیري.

سرچینه وایي، چې "دغو وسله پلورونکو ته القاعدې خپل مخکیني پورونه بېرته ور کړل او دوی وکړای شول چې په دې پیسو د سقوط په ورځو کې کافي اندازه وسلې وپېري".

سرچینه وایي، "ټي ټي پي د وسلو له ازاد بازار نه په دې وروستیو کې نوي سنایپر ترلاسه کړي چې په څلور کیلومټره کې هدف په نښه کوي او د امریکایي دهشکې مرمۍ خوري".

د سرچینې په باور، "ټي ټي پي د ژمي له را رسېدو وړاندې په ازاد بازار کې په زیاته کچه سپکې او درندې وسلې پېرلې او باجوړ، شمالي او جنوبي وزیرستان ته یې د خپلو پسرلنیو عملیاتو لپاره لېږدولې دي".

پاکستاني چارواکو په دې وروستیو کې د طالبانو پر حکومت نیوکې کړې چې د اسلام اباد مخالفو جنګیالیو ته یې د نویو وسلو د ترلاسه کولو زمینه برابره کړې، خو طالبانو دا ډول رپوټونه رد کړي دي.

د ایران د اعتماد ورځپاڼې د رپوټ له مخې، دا درې تنه پاکستانیان «اګاهۍ ادارې» ته د یوه افغان له شکایت وروسته نیول شوي دي.

یاد افغان شکایت کړی چې « په کار پسې ګرځېدم چې درې کسانو راته وویل چې د باغ ساتنې لپاره یې ګوماري، خو هغوی زه بندي کړم، چې ښايي لس نور کسان هم هلته وو».نوموړي زیاته کړې چې « له نورو یرغمل شویو کسانو سره مې خبرې وکړې، له یوې تر دریو اونیو بندیان وو».

یاد افغان ویلي چې د پیسو له ترلاسه کولو وروسته دوی زندانیان نه خوشي کول.

دغو پاکستانیانو په خپل اعتراف کې ویلي چې افغانانو څه وخت مخکې دوی یرغمل کړي وو او ددوی له کورنیو یې بونګې غوښتې.