د نابینایانو نړیوال جام لپاره ۱۶ کسیزه افغان لوبډله اعلان شوه

د افغانستان او متحده عربي اماراتو کرکټ لوبډلو ترمنځ د دوشنبې ورځې د لوبې پچه افغان لوبډلې وګټله او لومړۍ يې د توپوهنې پرېکړه وکړه.

د افغان ۱۹ کلنو کم عمره کرکټ لوبډلې په ۵۰ اورونو کې د خپلو پنځو لوبغاړو په سوځېدو سيالي لوبډلې ته ۳۶۰ منډې هدف وټاکه.

د افغان لوبډلې په توپوهنه کې محبوب تسکين ۱۴۱ ناسوځيدلې منډې وکړې او فیصل، چې د پاکستان په وړاندې يې هم سل منډې جوړې کړې وې په دې لوبه کې يې هم په ۱۰۴ توپونو ۱۵۶ منډې تر لاسه کړې.

د متحده عربي اماراتو د ۱۹ کلنو کم عمره کرکټ لوبډلې په ۴۵،۴ اور کې د خپلو ټولو لوبغاړو په سوځېدو ۱۹۰ منډې جوړې کړې او دغه لوبه یې د ۱۶۹ منډو په توپير وبايلله.

د متحده عربي امارتو په لوبډلې کې ایتن ډي سوزا ۵۵ او اریان سکسینا ۴۰ تر نوور لوبغاړو ډېري منډې وکړې.

د افغان لوبډلې په توپ اچونه کې نصرت نورستاني، خاطر ستانکزي او نظيف الله اميري دوه – دوه لوبغاړي وسوځول.

افغان لوبډلې د یو ورځنیو لوبو د درې اړخیزې لوبلړۍ په لومړۍ سيالۍ کې پاکستان ته د ۱۰۰ منډو په توپير ماته ورکړې وه.

د همدې سياليو د مهالوېش له مخې به افغانستان خپله درېيمه لوبه راتلونکې چارشنبه د پاکستان لوبډلې سره تر سره کړي.

د متحده عربي اماراتو په کوربه توب د یو ورځنیو لوبو د درې اړخیزې لوبلړۍ په دوام نن افغان لوبډله د متحده عربي اماراتو په وړاندې لوبیږي.

د لوبې پچه د افغانستان د ۱۹ کلنو کرېکټ ملي لوبډلې وګټله او د سیالې لوبډلې په وړاندې یې د توپ وهنې پرېکړه وکړه.

د عربي اماراتو د لوبډلې په وړاندې د افغان لوبډلې په ۱۱ کسیز نوملړ کې د محبوب تسکین په لوبډلمشرۍ، عزیر خان، برکت الله ابراهمیزی، فیصل خان، حمزه علیخل، عزت خان بارکزی، نظیف الله امیري، نصرت نورستاني، نصیر خان، خاطر ستانګزی او حفیظ الله اخیستل شوي دي.

د یو ورځینو لوبو لوبلړۍ، د افغانستان، پاکستان او متحده عربي اماراتو د ۱۹ کلنو ملي لوبډلو ترمنځ په اماراتو کې ترسره کیږي.

په دغې لوبلړۍ کې افغانستان خپله لومړۍ لوبه کې درې ورځې وړاندې د پاکستان لوبډلې ته د ۱۰۰ منډو په توپیر ماتې ورکړې ده.

د یو ورځنیو سیالیو دغه درې اړخیزه لوبلړۍ د متحده عربي اماراتو په کوربه توب د نومبر په ۱۳مه نېټه پیل شوي او پایلوبه به یې د نومبر میاشتې په ۲۶مه نېټه ترسره شي.

د متحده عربي اماراتو په کوربه توب د افغانستان، پاکستان او متحده عربي امارتو د ۱۹ کلنو ملي لوبډلو تر منځ درې اړخیزه لوبلړۍ د نومبر په ۱۳مه نېټه پیل شوې ده.

تردې مهاله د دغې لوبلړۍ دوه لوبې ترسره شوې او د درېیمې لوبې په موخه سبا د افغانستان د ۱۹ کلنو ملي لوبډله د متحده عربي اماراتو په وړاندې د لوبې ډګر ته ښکته کیږي.

د دغې لړۍ لومړۍ لوبه د متحده عربي اماراتو او پاکستان د لوبډلو ترمنځ د نومبر په ۱۳مه نېته پیل شوه، چې پاکستان د اماراتو لوبډلې ته د لسو وېکټو په توپير ماتې ورکړه.

د یادې لوبلړۍ دویمه لوبه د افغانستان او پاکستان د ۱۹ کلنو ملي لوبډلو ترمنځ ترسره شوه او افغان لوبډلې له پاکستانیانو څخه د ۱۰۰ منډو په توپیر لوبه وګټله.

د متحده عربي اماراتو په کوربه توب د یو ورځنیو لوبو د دغې درې اړخیزې لوبلړۍ پایلوبه به د نومبر میاشتې په ۲۶مه نېټه ترسره شي.

د اسټراليا او پاکستان کرېکټ لوبډلو ترمنځ د شل اوره لوبلړۍ د دويمې سيالۍ پچه د اسټراليا لوبډلې وګټله او لومړی يې د توپوهنې پرېکړه وکړه.

اسټراليا د خپلو ۹ لوبغاړو په سوځېدو پاکستان ته ۱۴۸ منډې هدف وټاکه.

استراليايي لوبغاړي متيوشورټ تر نورو لوبغاړو ډېري په ۱۷ توپونو ۳۲ منډې وکړې.

پاکستاني تېز توپ اچوونکي حارث روف ۴ او عباس افريدي ۳ لوبغاړي وسوځول.

د لوبې په دويمه برخه کې پاکستان لوبډلې په ۱۹.۴ اور کې د خپلو ټولو لوبغاړو په سوځېدو ۱۳۴ منډې جوړې کړې او د ۱۳ منډو په توپير يې ماتې وخوړه.

دغه لوبې د اسټراليا په کوربتوب په سيډنې لوبغالي کې تر سره کیږي.

تر دې شل اوره لوبو وړاندې تېره اونۍ پاکستان له اسټراليا یو ورځنۍ لوبلړۍ دوه پر يو ګټلې وه.

د افغانستان، پاکستان او متحده عربي اماراتو ترمنځ دا لوبې په اماراتو کې روانې دي.

د دې لړۍ په لومړۍ لوبه کې نن د پاکستان لوبډلې پچه وګټله، خو افغان لوبډلې ته یې د توپ وهلو بلنه ور کړه.

افغان لوبډلې د ټولو اورونو لوبولو او د اتو لوبغاړو په زیان سره ۳۰۶ منډې جوړې کړې.

د افغان لوبډلې په ګټه فیصل خان د غوره توپوهنې پر مټ ۱۲۳، محبوب خان ۵۴، برکت الله ۳۶ او نظیف الله ۳۱چټکې منډې جوړې کړې.

د پاکستان له ۱۹ کلونو کم عمره لوبډلې د ټولو لوبغاړو سوځېدو سره تر ۴۷ اور ۲۰۶ منډې جوړې کړې او د سلو منډو په توپیر یې لوبه وبایلله.

دا درې اړخیزه لوبلړۍ به د روانې نومبر میاشتې تر ۲۶ روانه وي.

افغان لوبډله د نومبر پر ۱۸، ۲۰، ۲۲ او ۲۴ له دواړو هېوادونو سره نورې سیالۍ لري.

د افغان ۱۹ کلنو کم عمره لوبډله تر دې سیالیو وروسته نړیوال جام کې لوبېږي چې د نومبر پر ۲۹ پیلېږي او د ډیسمبر تر ۸ به روان وي.