د افغانستان ۱۹ کلنو کرېکټ ملي لوبډله سبا د متحده عربي اماراتو د لوبډلې په وړاندې لوبه کوي
په روانه لوبلړۍ کې د افغانستان د ۱۹ کلنو کرېکټ ملي لوبډلې دوه ورځې وړاندې د پاکستان لوبډلې ته د ۱۰۰ منډو په توپير ماتې ورکړې وه.
په روانه لوبلړۍ کې د افغانستان د ۱۹ کلنو کرېکټ ملي لوبډلې دوه ورځې وړاندې د پاکستان لوبډلې ته د ۱۰۰ منډو په توپير ماتې ورکړې وه.
د متحده عربي اماراتو په کوربه توب د افغانستان، پاکستان او متحده عربي امارتو د ۱۹ کلنو ملي لوبډلو تر منځ درې اړخیزه لوبلړۍ د نومبر په ۱۳مه نېټه پیل شوې ده.
تردې مهاله د دغې لوبلړۍ دوه لوبې ترسره شوې او د درېیمې لوبې په موخه سبا د افغانستان د ۱۹ کلنو ملي لوبډله د متحده عربي اماراتو په وړاندې د لوبې ډګر ته ښکته کیږي.
د دغې لړۍ لومړۍ لوبه د متحده عربي اماراتو او پاکستان د لوبډلو ترمنځ د نومبر په ۱۳مه نېته پیل شوه، چې پاکستان د اماراتو لوبډلې ته د لسو وېکټو په توپير ماتې ورکړه.
د یادې لوبلړۍ دویمه لوبه د افغانستان او پاکستان د ۱۹ کلنو ملي لوبډلو ترمنځ ترسره شوه او افغان لوبډلې له پاکستانیانو څخه د ۱۰۰ منډو په توپیر لوبه وګټله.
د متحده عربي اماراتو په کوربه توب د یو ورځنیو لوبو د دغې درې اړخیزې لوبلړۍ پایلوبه به د نومبر میاشتې په ۲۶مه نېټه ترسره شي.
