د جیو نیوز په وینا، د پي ټي ای د بنسټ اېښودونکي عمران خان مېرمن بشرا بي بي ادعا کړې، چې کله عمران خان لوڅې پښې مدينې ته ولاړ او بېرته راستون شو، جنرال باجوا ته ویل شوي و، چې مونږ شریعت ختمولو باندې کار کوو او تاسې داسې یو سړی واک ته راولی.
د پاکستاني رسنۍ جیو نیوز د راپور له مخې، د عمران خان مېرمنې بشرا بي بي د پنجشنبې په ورځ په یوې ویډیو کې اعا کړي، چې کله عمران خان لوڅې پښې مدینې ته لاړ او بیرته راغی د پاکستان د پوځ پخواني مشر قمر جاوید باجوا ته زنګونه راتلل چې تاسو څوک راوستی او دا چې داسې خلک زموږ نه دي پکار.
بشرا بي بي په وایي: «باجوا ته وویل شول، چې موږ په هېواد کې د شریعت ختمولو باندې لګیا یو او تا داسې یو سړی راوستی، ورته وویل شول چې زموږ داسې خلک نه دي پکار. له هماغه وخته زموږ پر وړاندې بې ځایه تورونه پیل شول، زما پر وړاندې د پي ټي ای د بنسټ اېښودونکي پر وړاندې او هغه ته یې د یهودانو جاسوسو ویل شروع کړل.»
د عمران خان مېرمنې د نومبر ۲۴مې نېټې لاریون په اړه وویل، چې د عمران خان پیغام دا دی چې ټول باید په دغې نېټې په لاریون کې برخه واخلي، د لاریون نېټه په هېڅ صورت نه بدلیږي. تر هغې چې عمران خان د نېټې د بدلیدو اعلان نه وي کړی.
اغلي بشرا زیاته کړه، چې لاریون به د قانون په رڼا کې ترسره کیږي او قانون د سوله ییز لاریون خلاف نه دی.
د پاکستان تحریک انصاف ګوند مشر او د دغه هیواد پخواني لومړي وزیر عمران خان ویلي، چې له دغه لاریون یې موخه د پاکستان د اساسي قانون د ۲۶ مې مادې په ځای پاتې کېدل، ډیموکراسي او قانون بیرته ژوندي کول، واک بیرته خلکو ته سپارل او ټول بیګناه سیاسي بندیان له زندانونو خلاصول دي.
هغه له خپلو پلویانو غوښتي چې تر هغې یې چې دا غوښتنې نه وي منل شوې، لاریونونه دې روان وساتي او بیرته دې کورونو ته نه ستنیږي.
په اسلام اباد کې د نومبر په ۲۴مه د پي ټي ای د لاریون د مخنیوي لپاره ۱۰ زره او ۷۰۰ پنجابي پولیس چمتو دي. د پنجاب پولیسو پرېکړه کړې، چې د نظم ګډوډونکو سره به سخت چلند وکړي.
