د پاکستان پوځ د افغانستان پر پوله د یو وسله وال د وژل کیدو خبر ورکړی
د پاکستان پوځ وايي، چې امنیتي ځواکونو په سویلي وزیرستان کې له هغو وسله والو سره نښته کړې چې غوښتل یې د افغانستان له پولې دغې هېواد ته ننوځي.
د پاکستان پوځ وايي، چې امنیتي ځواکونو په سویلي وزیرستان کې له هغو وسله والو سره نښته کړې چې غوښتل یې د افغانستان له پولې دغې هېواد ته ننوځي.
په دې جګړه کې يو وسله وال وژل شوى او درې نور ټپيان شوي دي. پاکستان له طالبانو غوښتي چې وسله والو ته اجازه ورنه کړي چې د افغانستان خاوره د دغه هېواد پر ضد وکاروي.
د دغه هېواد د پوځ مطبوعاتي څانګې وویل، چې په تېرو دوو ورځو کې په خيبر پښتونخوا کې له امنيتي ځواکونو سره په دوو جلا نښتو کې درې وسله وال وژل شوي دي.
پاکستان تل له افغان طالبانو غوښتي، چې د افغانستان د پولو امنیت تامین کړي او ترهګرو ډلو ته اجازه ورنه کړي چې د دغه هېواد خاوره د پاکستان پر ضد وکاروي.
تېره ورځ د پاکستان د بهرنیو چارو وزارت ویاندې هم ویلي و، چې ترهګرو ډلو په افغانستان کې پناه اخیستې او له هغه ځایه پر پاکستان بریدونه کوي.
د پښتونخوا په کورمه ولسوالۍ کې ځايي سرچینو نن شنبې «د لیندۍ ۳مه» افغانستان انټرنشنل ته وویل چې په دغه برید کې د حکومتی جرکې د غړو چورلکې ته کوم زیان نه دی اوښتی او بېرته له کورمې پيښور ته رسېدلې ده.
د پښتونخوا ایالتي حکومت د دې برید په اړه تر دې دمه کوم غبرګون نه دی ښودلی او نه یې هم په کورمه کې د روانو جنجالونو په اړه کومه اعلامیه خپره کړې ده.
په دې جرګه کې د پاکستان د پارلمان پخوانی غړی ساحد حسین توری د ښتونخوا چیف سکیرټري ندیم اسلم، د پولیسو مشر اختر محمد ګنډاپور، ایالتي وزیران محمد علي سیف او افتاب عالم اپریدی شامل وو.
دغه جرګه غواړي روانه جګړه پای ته ورسوي او دواړو طرفه خبرې پیل کړي.
ځايي سرچینو وویل چې دغه جرګې غړو د اهل تشیع او سني ځايي قومي مشرانو سره لیدلي دي.
دې جرکې دواړو اړخونو ته ویلي:« هېڅ چا ته اجازه نشته چې امنیت خراب کړي.»
د پښتونخوا حکومت له هغه وروسته باړه چینار ته د جرګې لېږلو پرېکړه وکړه چې پرون په دغه سیمه کې بیا نښتو زور واخیست او تر دې دمه پکې ۴۳ کسان وژل شوي او له ۱۰۰ زیات ټپیان دي.
د پښتونخوا کورمې ولسوالۍ د باړه چېنار سیمو ځینو اوسېدونکو نن شنبې « د لیندۍ ۳مه» افغانستان انټرنشنل ته وویل چې د کورمې بګن بازار، شلوزان او علیزی سیمو کې د ځايي اوسېدونکو کورونه او مارکېټونه په مکمل ډول سوځول شوي دي.
په کورمه کې روانه جګړه له هغه وروسته پیل شوې، چې تېره پنجشنبه د اهل تشیع موټرو په کاروان په برید کې د ښځو او ماشومانو په ګډون ۴۵ کسان ووژل شول.
تېره میاشت هم په ورته برید کې د ماشومانو او ښځو په ګډون ۱۵ سنیان وژل شوي وو.
