د عوامي نېشنل ګوند خبر ورکړی، چې په کورمې ولسوالۍ کې د قومونو ترمنځ د تاوتريخوالي کمولو او د ستونزې د حل په موخه یې د سناتور باز محمد په مشرۍ یوه کمېټه جوړه کړې. دغه ګوند ويلي، چې ټاکل شوې کمېټه به له ټولو خواو سره خبري کوي.
د پاکستان عوامي نېشنل ګوند د شنبې په ورځ ويلي، چې د پښتونخوا ایالت مشر میا افتخار حسين د ایمل ولی خان په هدایت دغه کمېټه جوړه کړې، ترڅو په کورمې ولسوالۍ کې وضعت کابو او په جنګ کې د ښکيلو قومونو سره خبري وکړي.
د ګوند په دې کمېټه کې شاهي خان شيراني، حميد طوفان، نثار مهمند، ګل صاحب خان خټک، شېخ جهانزاده، شاه حسين شينواری، ایاز وزير، خلیل وزیر، حيدرعلي شاه داوړ او ابن علي ګډون لری.
عوامي نېشنل ګوند ويلي، چې ټاکل شوې کمېټه به د پېښور باچاخان مرکز سره په تماس کې وي او وخت پر وخت به مالومات وسره شریکوي.
د راپورنو پر بنسټ د کورمې ولسوالۍ د علیزیو او باغان قومونو تر منځ درنه جګړه روانه ده او دواړه خواوې د یو بل پر ضد له سپکو او درنو وسلو څخه کار اخلي.
یو دولتي سرچینه وايي، چې د خیبرپښتونخوا حکومت له خوا هم یوه دولتي جرګه باړه چینار ته رسېدلې ده.
په دې جرګه کې د پاکستان د پارلمان پخوانی غړی ساحد حسین توری د خیبرښتونخوا مشر وزیر ندیم اسلم، د پولیسو مشر اختر محمد ګنډاپور، ایالتي وزیران محمد علي سیف او افتاب عالم اپریدی شامل دي.
دغه جرګه غواړي روانه جګړه پای ته ورسوي او دواړو طرفه به خبرې پیلوي.
د پښتونخوا په کورمه ولسوالۍ کې ځايي سرچینو نن شنبې «د لیندۍ ۳مه» افغانستان انټرنشنل ته وویل چې په دغه برید کې د حکومتی جرکې د غړو چورلکې ته کوم زیان نه دی اوښتی او بېرته له کورمې پيښور ته رسېدلې ده.
د پښتونخوا ایالتي حکومت د دې برید په اړه تر دې دمه کوم غبرګون نه دی ښودلی او نه یې هم په کورمه کې د روانو جنجالونو په اړه کومه اعلامیه خپره کړې ده.
په دې جرګه کې د پاکستان د پارلمان پخوانی غړی ساحد حسین توری د ښتونخوا چیف سکیرټري ندیم اسلم، د پولیسو مشر اختر محمد ګنډاپور، ایالتي وزیران محمد علي سیف او افتاب عالم اپریدی شامل وو.
دغه جرګه غواړي روانه جګړه پای ته ورسوي او دواړو طرفه خبرې پیل کړي.
ځايي سرچینو وویل چې دغه جرګې غړو د اهل تشیع او سني ځايي قومي مشرانو سره لیدلي دي.
دې جرکې دواړو اړخونو ته ویلي:« هېڅ چا ته اجازه نشته چې امنیت خراب کړي.»
د پښتونخوا حکومت له هغه وروسته باړه چینار ته د جرګې لېږلو پرېکړه وکړه چې پرون په دغه سیمه کې بیا نښتو زور واخیست او تر دې دمه پکې ۴۳ کسان وژل شوي او له ۱۰۰ زیات ټپیان دي.
د پښتونخوا کورمې ولسوالۍ د باړه چېنار سیمو ځینو اوسېدونکو نن شنبې « د لیندۍ ۳مه» افغانستان انټرنشنل ته وویل چې د کورمې بګن بازار، شلوزان او علیزی سیمو کې د ځايي اوسېدونکو کورونه او مارکېټونه په مکمل ډول سوځول شوي دي.
په کورمه کې روانه جګړه له هغه وروسته پیل شوې، چې تېره پنجشنبه د اهل تشیع موټرو په کاروان په برید کې د ښځو او ماشومانو په ګډون ۴۵ کسان ووژل شول.
تېره میاشت هم په ورته برید کې د ماشومانو او ښځو په ګډون ۱۵ سنیان وژل شوي وو.