د پښتونخوا د کورمې ولسوالۍ کمېشنر جاوید الله مسعود ځايي خبریالاتو ته منلې ده، چې د کورمې په روانو نښتو کې تر دې دمه ۴۳ کسان وژل شوي او له ۱۰۰ زیات ټپیان دي. دغه نښتې د پنجشنبې د ورځې له وسلوال برید وروسته پیل شوه، چې د ښځو او ماشومانو په کډون ۴۵ کسان په کې وژل شوي وو.
د پښتونخوا کورمې ولسوالۍ د باړه چېنار سیمو ځینو اوسېدونکو نن شنبې « د لیندۍ ۳مه» افغانستان انټرنشنل ته وویل چې د کورمې بګن بازار، شلوزان او علیزی سیمو کې د ځايي اوسېدونکو کورونه او مارکېټونه په مکمل ډول سوځول شوي دي.
د راپورنو پر بنسټ د کورمې ولسوالۍ د علیزیو او باغان قومونو تر منځ درنه جګړه روانه ده او دواړه خواوې د یو بل پر ضد له سپکو او درنو وسلو څخه کار اخلي.
د کورمې په زیاترو سیمو کې ټلفونونو شبکې بندې شوي دي.
یوه دولتي سرچینه وايي چې د خیبرپښتونخوا حکومت له اخوا یوه دولتي جرګه باړه چینار ته رسېدلې ده.
په دې جرګه کې د پاکستان د پارلمان پخوانی غړی ساحد حسین توری د خیبرښتونخوا چیف سکیرټري ندیم اسلم، د پولیسو مشر اختر محمد ګنډاپور، ایالتي وزیران محمد علي سیف او افتاب عالم اپریدی شامل دي.
دغه جرګه غواړي روانه جګړه پای ته ورسوي او دواړو طرفه به خبرې پیلوي.
دغه جګړه له هغه وروسته پیل شوې، چې تېره پنجشنبه د اهل تشیع موټرو په کاروان په برید کې د ښځو او ماشومانو په ګډون ۴۵ کسان ووژل شول.
تېره میاشت هم په ورته برید کې د ماشومانو او ښځو په ګډون ۱۵ سنیان وژل شوي وو.
