اسراییلي ځواکونو د لبنان په سویل او بیروت کې لږ تر لږه ۵ ډاکټران ووژل

دا غوښتنه د امریکا د ولسمشرۍ په وروستیو انتخاباتو کې د حکومتي چارواکو او د دواړو کاندیدانو پر انتخاباتي کمپاینونو د روسیې، چین او ایران له خوا د سایبري بریدونو له څپې وروسته کېږي.

برد سمیټ، چې د مایکروسافټ مرستیال او مشر حقوقي مدیر هم دی، د جمعې په ورځ (د لېندۍ دویمه) یې فایننشل ټایمز ته وویل، چې سایبري امنیت "په نړۍوالو اړیکو کې خورا مهم مسله ده."

هغه د متحده ایالاتو پر منتخب ولسمشر غږ وکړ، چې په دې موضوع دې یو "قوی پیغام" خپور کړي.

سمیټ وویل: "هیله لرم چې د ټرمپ اداره به د دولتونو او په ځانګړي توګه د روسیې ، چین او ایران له خوا پر تمویل شويو سایبري بریدونه له دې هم سخت فشار راوړي. موږ نه باید د هغو بریدونو کچه وزغمو چې نن یې شاهدان یوو."

د متحده ایالاتو د قانون پلي کوونکو ادارو تېره اونۍ، چین په دې تورن کړ، چې د هېواد د وروستیو ټاکنو په مهال یې د متحده ایالاتو د ډېری مخابراتي شبکو د هک کولو له لارې د سایبري جاسوسۍ پراخ کمپاین په لاره اچولی و.

د مایکروسافټ مشر د روان کال د جوزا په میاشت کې د امریکا د استازو مجلس د داخلي امنیت کمېټې په غونډه کې، د امریکا زیربناوو ته د هکري بریدونو او امنیتي زیانونو د مخنیوي لپاره د دغه شرکت د امنیتي تدابیرو په اړه د یوې پوښتنې په ځواب کې وویل، د ایران، چین، روسیې او شمالي کوریا هکران لا ډیر بریدونه کوي او دغه بریدون ګړندي شوي دي.

تېر اوړي وویل، چې هکرانو د مایکروسافټ سیسټم ته په نفوذ کولو سره د امریکا د بهرنیو چارو وزارت ۶۰ زره ایمیلونو ته لاسرسی موندلی، په ورته وخت کې، د دغه شرکت په وینا، له روسیې سره تړاو لرونکو هکرانو سږ کال په جلا جلا بریدونو کې د مایکروسافت شرکت د مشر کارکوونکي ایمیلونو ته لاسرسی موندلی او جاسوسي یې کوله.

د شینګن نیوز د راپور له مخې، د اروپایي کمېسیون مشرې اروسولا وان ډیر لاین ویلي، چې د رومانیا او بلغاریا د بشپړ شینګن غړیتوب په اړه رسمي پرېکړه را روانه ده او ټینګار یې وکړ، چې دواړه دغه هېوادونه د شینګن په سیمې پورې تړاو لري.

مېرمن وان ډیر لاین د جمعې په ورځ (د لېندۍ دویمه) په بوداپست کې د رومانیا او بلغاریا د شینګین غړیتوب په تړاو د ځمکنیو سرحدونو په اړه د غیر رسمي خبرو اترو د مثبتو پایلو هرکلی وکړ.

له دې ناستې وروسته، د هنګري د کورنیو چارو وزیر ساندرو پنټر ویلي، چې رومانیا او بلغاریا چمتو شوې چې د ۲۰۲۵کال جنورۍ کې د شینګن زون سره یوځای شي.

په دې اړه وروستۍ پرېکړه به د دسمبر په ۱۲مه د اروپایی ټولنې د عدلیې او کورنیو چارو د شورا په غونډه کې تر سره شي.

عاصم منیر نن د پښتونخوا مرکز پېښور کې له پوځي چارواکو سره په خبرو کې دا هوډ بیا تکرار کړی دی.

د پاکستان دولتي راډیو د خبر له مخې، ښاغلی منیر د تېرې سې شنبې په ورځ د ملي اپېکس کمېټې د غونډې د تعقیب او د ورته صوبايي غونډو د ژر تر ژره جوړېدو لپاره تللی دی.

نوموړي په خپلو خبرو کې د ترهګرۍ ضد مبارزه د پوځ او ملت ټولیز هوډ وباله او زیاته یې کړه چې د دوښمنو عناصرو له منځه وړل یې لا هم لومړیتوب دی.

هغه دا هم وویل، چې د پاکستان پوځ له قانون پلي تابه ادارو سره په همغږۍ او قوي عملیاتو سره د سولې د دوښمنانو له منځه وړلو پسې دی چې تلپاتې امنیت او ټیکاو ډاډمن کړي.

له دې سره هممهاله د پاکستان د پوځ د عامه اړیکو اداره وايي، په پښتونخوا او بلوچستان کې یې استخباراتي عملیاتو سره اوه وسلوال وژلي دي.

په دغو دوو صوبو کې د پاکستاني طالبانو او بلوڅ بېلتونپالو د تاوتریخوالي زیاتېدو له امله ورځ تر بلې امنیت خرابېږي.

پاکستان پر افغان طالبانو او هند تور لګوي چې د دوی د مخالفو وسلوالو ملاتړ کوي، خو دواړه لوري دا تورونه ردوي.

سرچینې وايي چې د پېپلز ګوند ځايي مشر مشال ازاد د تحریک طالبان پاکستان تر کنټرول لاندې سیمه کې وژل شوی دی.

د مشال ازاد خپلوان وايي چې نوموړي له چا سره شحصي دوښمني نه درلوده.

تر اوسه د دې پېښې مسوولیت کومې وسلوالې ډلې په غاړه نه دی اخیستی او نه هم تر دې دمه پاکستاني چارواکو د دې پېښې په اړه څه ویلي دي.

یوه اونۍ وړاندې د داعش خراسان په یوه برید کې د جماعت اسلامي د باجوړ ولسوالۍ مسوول صوفي حمید د وژلو پړه پر غاړه واخېسته.

د پاکستان په جنوب لوېدیځ کې د پښتونخوا او بلوچستان ایالتونو کې اسلامپالې او بېلتون غوښتونکې ډلې په پرله پسې ډول د پاکستان پر امنیتي ځواکونو او حکومتي چارواکو بریدونه کوي.

تحریک طالبان پاکستان یوه له هغو ډلو ده، چې د پښتونخوا امنیت یې ننګولی دی.

اسلام اباد تل افغان طالبان د تحریک طالبان پاکستان سره په همکارۍ او دغې ډلې ته د پټنځیو په برابرولو تورنوي.

پاکستاني چارواکي وايي، ټي ټي پي په افغانستان کې پوځي روزنه ترلاسه کړې او په کابل کې د طالبانو په څېر ایډیالوژي تعقیبوي.

افغان طالبانو تل د پاکستان دا ادعا رد کړې ده.

افغانستان انټرنشنل ته رسېدلې ویډیو کې مظاهره چیان یوه شعار کې د پاکستان د پوځ پرضد شعارونو ور کړل او لوی درستیز عاصم منیر یې «ترهګر» وباله.

د پښتونخوا مختلفو سیمو کې له روانې ناامنۍ زیانمن خلک وخت ناوخت خپلو مظاهرو کې دغه تاوتریخوالی له پوځ سره تړلې بولي.

د دې صوبې د نورو سیمو خلاف په کورمه کې د شیعه او سني ترمنځ فرقه يي تاوتریخوالی له لسیزو راهیسې روان دی.

د تېر اکتوبر په ۱۲ په دغه سیمه کې د سنیانو ګاډی په نښه شو او د ښځو او ماشومانو په ګډون ۱۵ کسان پکې ووژل شول.

پرون د کوزې کورمې په بګن کې د شیعه یانو څو ګاډي په نښه شول چې پکې تر سلو کسان سپاره و او پولیسو بدرګه کول.

لا هم د پرونو وژل شویو کسانو شمېر کره مالوم نه دی، ځینې سرچینې یې ۴۴ ښيي، خو د سیمې ځايي چارواکي جاویدالله مسید رویټرز ته ویلي د اتو ښځو په ګډون ۴۰ کسان پکې وژل شوي او ۲۹ ټپیان دي.

نوموړی دا هم وايي چې له دې پېښې وروسته په ځوابي برید کې دوه سنیان په غچ کې وژل شوي دي.

د دې پېښې په غبرګون کې نن د کورمې مرکز پاړه چینار کې سلګونه خلک لارو کوڅو ته ووتل.

په دغه ښار کې پلورنځي، ټرانسپورټ او ښوونیزې ادارې هم نن تړلې دي.

غوسه شویو مظاهره چیانو په سیمه کې د پاکستان د پوځ یوه پوسته سوځولې او ځینې نورې ودانۍ یې زیانمنې کړې دي.

دوی د کورمې دروازه هم زیانمنه کړې او د پاکستان د بیرغ پر ځای خپل بیرغ پرې درولی دی.

افغانستان انټرنشنل ته رسېدلو ویډیوګانو کې ښکاري چې ځینې پلورنځیو ته اور اچول شوی او ځینې توکي یې لوټ شوي دي.

د پاړه چینار د شیعه فرقې مذهبي مشرانو په دې تاوتریخوالي خواشیني ښودلې او د عاملانو د نیولو غوښتنه یې کړې ده.