خلیلزاد: د نومبر په ۲۴ مه باید د ټولې نړۍ سترګې پاکستان ته وي
د افغانستان لپاره د امریکا پخوانی استازی وایي، چې د نومبر په ۲۴مه باید د نړۍ سترګې پاکستان ته وي او هیله یې څرګنده کړې چې د نومبر د ۲۴مې لاریونونه د عمران خان د خوشې کولو لپاره بريالي شي.
د افغانستان لپاره د امریکا پخوانی استازی وایي، چې د نومبر په ۲۴مه باید د نړۍ سترګې پاکستان ته وي او هیله یې څرګنده کړې چې د نومبر د ۲۴مې لاریونونه د عمران خان د خوشې کولو لپاره بريالي شي.
زلمي خلیلزاد د شنبې په ورځ (د لېندۍ درېیمه) پاکستان کې د نومبر ۲۴مې لاریون ته په اشاره سره پر اېکس خپور کړي پیغام کې لیکلي: «هيله لرم چې د ازادۍ، عدالت او د عمران خان د خلاصون لپاره لاريونونه سوله ييز او بريالي وي.»
د پاکستان تحریک انصاف ګوند مشر او د دغه هیواد پخواني لومړي وزیر عمران خان، له خلکو غوښتي چې د نومبر د ۲۴مې لاریون کې دې ونډه واخلي او تر هغې یې چې غوښتنې نه وي منل شوې، لاریونونه دې روان وساتي او بیرته دې کورونو ته نه ستنیږي.
عمران خان ویلي، چې له دغه لاریون یې موخه، د پاکستان د اساسي قانون د ۲۶مې مادې پلي کول، ډیموکراسي او قانون بیرته ژوندي کول، واک بیرته خلکو ته سپارل او ټول بیګناه سیاسي بندیان له زندانونو خوشې کول دي.
خلیلزاد وایي، چې د پاکستان حکومت باید د خلکو حق ته درناوی وکړي تر څو هغوی په سوله ییز ډول لاریون وکړي.
د پښتونخوا په کورمه ولسوالۍ کې ځايي سرچینو نن شنبې «د لیندۍ ۳مه» افغانستان انټرنشنل ته وویل چې په دغه برید کې د حکومتی جرکې د غړو چورلکې ته کوم زیان نه دی اوښتی او بېرته له کورمې پيښور ته رسېدلې ده.
د پښتونخوا ایالتي حکومت د دې برید په اړه تر دې دمه کوم غبرګون نه دی ښودلی او نه یې هم په کورمه کې د روانو جنجالونو په اړه کومه اعلامیه خپره کړې ده.
په دې جرګه کې د پاکستان د پارلمان پخوانی غړی ساحد حسین توری د ښتونخوا چیف سکیرټري ندیم اسلم، د پولیسو مشر اختر محمد ګنډاپور، ایالتي وزیران محمد علي سیف او افتاب عالم اپریدی شامل وو.
دغه جرګه غواړي روانه جګړه پای ته ورسوي او دواړو طرفه خبرې پیل کړي.
ځايي سرچینو وویل چې دغه جرګې غړو د اهل تشیع او سني ځايي قومي مشرانو سره لیدلي دي.
دې جرکې دواړو اړخونو ته ویلي:« هېڅ چا ته اجازه نشته چې امنیت خراب کړي.»
د پښتونخوا حکومت له هغه وروسته باړه چینار ته د جرګې لېږلو پرېکړه وکړه چې پرون په دغه سیمه کې بیا نښتو زور واخیست او تر دې دمه پکې ۴۳ کسان وژل شوي او له ۱۰۰ زیات ټپیان دي.
د پښتونخوا کورمې ولسوالۍ د باړه چېنار سیمو ځینو اوسېدونکو نن شنبې « د لیندۍ ۳مه» افغانستان انټرنشنل ته وویل چې د کورمې بګن بازار، شلوزان او علیزی سیمو کې د ځايي اوسېدونکو کورونه او مارکېټونه په مکمل ډول سوځول شوي دي.
په کورمه کې روانه جګړه له هغه وروسته پیل شوې، چې تېره پنجشنبه د اهل تشیع موټرو په کاروان په برید کې د ښځو او ماشومانو په ګډون ۴۵ کسان ووژل شول.
تېره میاشت هم په ورته برید کې د ماشومانو او ښځو په ګډون ۱۵ سنیان وژل شوي وو.
