طالبان: له چین څخه د سوداګریزو توکو بار وړونکی اورګاډی د افغانستان شمال ته رسیدلی

تر دې برید نږدې ۳۰ ساعته وروسته داعش ته نږدې اعماق د یوه پیغام خپرولو سره ویلي چې دې ډلې د دغو کسانو د وژلو مسوولیت منلی دی.

د داعش په اعلامیه کې د وژل شویو کسانو شمېر لس ښودل شوی دی.

ناپېژاندو وسله‌والو وړمه شپه ۱۱ کسان د بغلان ولایت د نهرین ولسوالۍ یوه زیارت کې په ډزو ووژ.
د سرچینو په وینا، دغه کسان د نهرین په شهر کهنه کې د سیدپادشاه په زیارت کې چې «په ذکر بوخت وو، وژل شوي دي.

په بغلان کې د طالبانو د پولیسو قوماندانۍ له دې پېښې څو ساعته وروسته د ۱۱ کسانو وژل تایید کړل او ویې ویل د دغه برید په تړاو څو مشکوک کسان نیول شوي او پلټنې ترې روانې دي.

د طالبانو امنيه قومندانۍ د شنبې په ورځ د يوې خبرتيا په خپرولو له خلکو غوښتي، چې د وسلو ګرځولو لپاره د ډاياک يا بې وسلې کولو مديریت له کارت پرته نور ټول کارتونه اعتبار نه لري.

کندهار کې طالبانو ويلي: «د تورو موټرونو ښيښې سپينيږي، له موټرونو څخه غيري ضروري وسایل لکه انتنونه او اشارې ليري کيږی او د اسلحو د جواز کارډ لپاره باید د ډایاک مدیریت څخه رسمي کارډونه ترلاسه شي.»

کندهار کې د طالبانو امنيه قومندانۍ ويلي، چې نن يې په عينومېنه کې د تلاشۍ پر مهال د یو شمېر موټرونو ښیښې هم سپينې کړې او له خلکو يې د نه تکرار ژمنې اخيستې.

طالبانو ويلي، چې دغه اقدام د امنيت د ټينګښت او ټولنيز نظم د راوستلو په موخه کوي.

طالبانو د همدې کال په اکتوبر میاشت کې هم په کندهار کې د یو کمپاين پر مهال د هغو ګاډو ښيښې سپينولې، چې تورې وې.

د یو شایو یونګ سفر پسې پاکستاني رسنیو وویل، پاکستان له چین سره افغانستان کې د ترهګرو په اړه «قناعت وړ شواهد» شریک کړي.

هغه مهال د ایکسپرېس ټرېبیون لیکلي و، پاکستاني چارواکو یو شایو یونګ ته د تحریک طالبان پاکستان او ورسره تړلو ډلو له خوا د افغانستان د خاورې د کارولو په اړه معلومات ور کړي دي.

په هغه سفر پسې د چین ځانګړی استازی کابل ته ستون شو او له طالب چارواکو سره یې ولیدل.

طالبانو ويلي، په دې لیدونو کې نوموړي د پاکستان د سفر مالومات له دوی سره شریک کړي او پر اقتصادي همکاریو، د دوه اړخیزو اړیکو پر پیاوړتیا او د سرحدونو پر ساتلو خبرې شوې دي.

د طالبانو د رییس الوزرا د سیاسي مرستیال مطبوعاتي دفتر نن خبرپاڼه کې د افغانستان لپاره د یوشيایونګ له قوله ليکلي: «چین په نړیوالو ناستو کې د افغانستان له دريځ ملاتړ کوي او لېوال دی، چې له افغانستان سره خپلې اړیکې نورې هم پراخې او دوامداره کړي.»

د دې خبرپاڼې له مخې، نوموړي د افغانستان، پاکستان او چین ترمنځ د اړیکو پر ښه کولو او تفاهم ټينګار کړی او زياته کړې یې ده: «چين له افغانستان سره د اقتصادي پياوړتيا، د اړیکو د پراخولو او همکاریو د زیاتېدو هڅې کوي.»

د طالبانو په اعلامیه کې راغلي، چې مولوي کبير په دې ليدنه کې يو ځل بيا ګاونديو او نړيوالو ته ډاډ ورکړی، چې له افغانستان څخه به هيڅ ګواښ پېښ نه شي.

هغه ويلي: « له افغانستان څخه به هیچا ته ګواښ پېښ نه شي او په تېرو دریو کلونو کې یې خپله ژمنه په عمل کې هم ثابته کړې ده.»

100%

د طالبانو د فاع وزارت هم په يوې خبرپاڼه کې ويلي، چې د افغانستان لپاره د چين د ځانګړي استازي ترڅنګ چنايي سفير د ملایعقوب سره د دوه اړخيزو اړیکو پر پياوړتيا، د سرحداتو د ساتلو او پانګونې اړوند خبرې کړې دي.

ملا یعقوب چین د افغانستان یو شریک ګانډی او مهم همکار بللی دی.

دغه چينایی استازی په داسي مهال له پاکستان څخه تر سفر وروسته له طالبانو سره د درېيو هېوادو د همکاريو د پياوړتيا اړوند ليدنې کوي، چې د پاکستان په ډېرو برخو کې ناامنيو زور اخيستی.

پاکستاني چارواکو ډېره ځله ويلي، چې د دغه هېواد په ناامنۍ کې افغان طالبان لاس لري او په خپله خاوره کې يې ترهګرو ډلو ته ځای ورکړی.

د پاکستان دا ډول څرګندونې بیا طالبانو رد کړې او له پاکستانه یې غوښتي، چې خپله ملامتيا دي پر دوی نه اچوي.

د طالبانو د امربالمعروف وزارت ویاند سیف الاسلام خيبر د جمعې په ورځ (د ليندۍ ۲ مه) پر خپله اېکس پاڼه د خالد حنفي د وينا یوه ږغيزه برخه نشر کړې او ورسره یې لیکلي، چې د دوی وزير په هرات کې یوې خبرې غونډې ته په وینا کې وویل، چې دا ډول فکر غلط دی.

سیف الاسلام خيبر لیکلي،د امربالمعروف وزیر ویلي، چې ځینې خلک فکر کوي که طالبان د دین ټول احکام پلي کړي او له نړیوالې ټولنې سره لکه څنګه، چې دوی یې غواړي تعامل ونه لري، دوی به ضعيف، یوازې او منزوي پاتې شي.

د خالد حنفي ویاند د هغه له قوله ليکلي، چې دا ډول خلک «ډارن»، له «مجازي ډار» اغیزمن او د «حقیقي ځواک» يې له پامه غورځیدلی دی.

خالد حنفي ټینګار کړی، چې طالبان به تر هغو بریالي نه شي، چې «د خدای د رضا لپاره د مخلوقاتو (خلکو) خوښي له پامه ونه غورځوي.»

د امربالمعروف وزیر ویلي چې طالبان به «د خدای له رضا پرته ځواکمن، متمدن او مطرح نه شي.»

د دغه طالب وزير په خبره، په دې برخه کې د هیچا د تهمتونو، بد ویلو او ملامتيو پروا نه لري.

خالد حنفي دا هم ويلي، که «الله ج، د دوی شهیدانو او ملت» ته وفاداره پاته شي نو «نظام به دایم او قایم» وي.

نوموړي زياته کړې: «که دوی د اغيارو په وجه په اسلامي نظامي کې سستي راوستل الله مو بیا دغو خلکو ته پرېږدي او نظام به له منځه ځي.»

د امربالمعروف وزارت د ویاند په خپاره شوي متن کې د کوم مشخص کس یادونه نه ده شوې؛ خو راپورونه ښیي، چې طالب مشران له نړیوالې ټولنې سره د تعامل د څرنګوالی او د دې ډلې د «اسلامي شریعت» د پلي کولو په برخو کې اختلاف لري.

تر دې وړاندې داسې راپورونه خپاره شوي وو، چې په کابل کې یو شمېر طالب چارواکي په کندهار کې د طالبانو له مشرتابه سره اختلاف لري.

په متحده عربي اماراتو کې د افغانستان، پاکستان او کوربه متحده عربي امارتو ترمنځ درې اړخيزه لوبلړۍ شروع ده.

د افغانستان کرېکټ بورډ د شنبې په ورځ پر خپله فېسبوک پاڼه ليکلي، چې د ۱۹ کلنو کم عمره ملي لوبډلې تکړه توپ وهونکی عزيز الله میاخېل تر ټپي کېدو وروسته د ښې درملنې په موخه هېواد ستون شوی.

بورډ ويلي، چې عزيز الله مياخېل به د راتلونکو درې اونيو لپاره د افغانستان کرېکټ بورډ د لوبغاړو د درملنې په مرکز کې تداوي کېږي.

افغانستان کرېکت بورډ د لړم په ۲۴ مه د دغه یو ورځنۍ درې اړخيزه لوبلړۍ لپاره ۱۸ کسیزه لوبډله اعلان کړه، چې درې په کې احتیاطي لوبغاړي هم شامل دي.

افغان لوبډلې تر دا مهال په دې سياليو کې درې لوبې کړې، چې دوه یې ګټلې او په يوه کې يې ماتې خوړلې.

د افغان کرېکټ بورډ د معلوماتو له مخي، چې له دې درې اړخيزو سياليو وروسته به د افغانستان د کرېکټ د ځوانانو دغه لوبډله د ۱۹ کلنو کم عمره اسیا جام سياليو کې برخه واخلي.