درې اړخیزه لوبلړۍ؛ د عربي اماراتو ۱۹ کلنو پچه وګټله او د افغانستان په وړاندې توپوهنه کوي
د متحده عربي اماراتو په کوربه توب، کوربه لوبډلې د نننۍ لوبې پچه وګټله او د افغانستان د ۱۹ کلنو کرېکټ ملي لوبډلې په وړاندې یې لومړی د توپ وهنې پرېکړه وکړه.
د متحده عربي اماراتو په کوربه توب، کوربه لوبډلې د نننۍ لوبې پچه وګټله او د افغانستان د ۱۹ کلنو کرېکټ ملي لوبډلې په وړاندې یې لومړی د توپ وهنې پرېکړه وکړه.
د عربي اماراتو، افغانستان او پاکستان د ۱۹ کلنو ملي لوبډلو ترمنځ د روانې درې اړخیزې لوبلړۍ په لړ کې نن یکشنبه ( لیندۍ څلورمه) افغانستان د ۱۹ کلنو ملي لوبډله د عربي اماراتو د ۱۹ کلنو ملي لوبډلې په وړاندې خپله څلورمه لوبه کوي.
د نننۍ لوبې پچه د عربي متحده اماراتو د ۱۹ کلنو ملي لوبډلې وګټله او د افغان لوبډلې په وړاندې یې د توپوهنې پرېکړه وکړه.
افغانستان په دغې درې اړخیزه لوبلړۍ کې له دریېو لوبو څخه یوه لوبه د پاکستان او یوه لوبه د عربي اماراتو له لوبډلې څخه ګټلې خو یوه لوبه یې پاکستان ته بایللې ده.
افغان لوبډلې د عربي اماراتو په وړاندې د نننۍ لوبې په ۱۱ کسیز نوملړ کې د محبوب تسکین په لوبډلمشرۍ، فیصل شینوزاده، عزیر الله نیازی، برکت ابراهیمزی، حمزه علیخیل، عزت خان بارکزی، روح الله عباس، نظیف امیري، خاطر ستانګزی نصیر معروف خیل او عزیز خان اخیستي دي.
د متحده عربي اماراتو په کوربه توب د یو ورځنیو لوبو د دغې درې اړخیزې لوبلړۍ پایلوبه به د نومبر میاشتې په ۲۶مه نېټه ترسره شي.
