د پاکستان یوې محکمې د دویم ځل لپاره د درغلیو په تور د عمران خان د مېرمنې د نیولو امر کړی

مقتدي صدر چې شیعه دیني عالم او په عراق کې د صدر غورځنګ مشر دی وايي، چې هغه د سوریې وضعیت له نږدې څاري، خو د دغه هېواد په چارو کې د نه لاسوهنې دریځ خپلوي.

هغه دغه دریځ وروسته له هغه خپل کړ چې د التحریر الشام مشر له عراق څخه وغوښتل چې د سوریې په کړکېچ کې دې لاسوهنه نه کوي. د لبنان حزب الله چې ایران او بشارالاسد ته وفاداره ډله ده، ویلي چې د سوریې د حکومت څخه ملاتړ کوي.

د لبنان د حزب الله عمومی منشي نعیم قاسم په سوریې کې د بشارالاسد د مخالفانو د پرمختګ په غبرګون کې وویل: «د هغوی موخه د حکومت نسکورول، ګډوډي رامینځته کول او له ځواک څخه د اسراییل په ګټه کار اخیستل دي.»

دا څرګندونې په داسې حال کې ترسره کیږي، چې د بشارالاسد مخالفین د پرمختګ په حال کې دي. تحریر الشام د پنجشنبې په مازدیګر د حما ښار کنټرول ترلاسه کړ.

د سوریې د بشري حقونو د څار ډلې ویلي، چې د پنجشنبې په ماښام د سوریې د پوځ څه باندې ۲۰۰پوځي موټرې د حما له سویلي څنډو څخه حمص ته په شا شوي دي.

سرچينو ویلي، چې تحرير الشام د حما پر مرکزي زندان کنټرول خپل کړی او سیاسي بندیان یې خوشي کړي دي.

له ۱۹۶۲ کال راهیسي د لومړي ځل لپاره د فرانسې د لومړي وزیر میشل بارنیه حکومت په پارلمان کې د نه باور رایې ترلاسه کولو له امله تېره ورځ سقوط وکړ او بارنیه له دې څخه یوه ورځ وروسته استعفا ورکړه.

د بارنیه له استعفا او په فرانسه کې د سیاسي کړکېچ د پای ته رسولو په اړه د اندېښنو له زیاتېدو وروسته په دغه هېواد کې د ښوونکو په ګډون د دولتي کارکوونکو د ډلو له خوا اعتصابونه پیل شو.

د ښوونکو اتحادیې او د دولتې دفترونو د کارمندانو یوې ډلې د پنجشنبې په ورځ اعتصاب وکړ او د پاریس په ګډون د فرانسې په لسګونو ښارونو کې یې لاریونونه او اعتصابونه وکړل.

د دغو اعتصابونو او لاریونونو په پایله کې د احتمالي ګډوډۍ له امله د هوايي ډګر د الوتنو شمېر کم شوی دی.

د حکومت په وړاندې د نه باور د رايې د تصويب په بهير کې د ولسي جرګې د کيڼ اړخي او ښي اړخي استازي سره يو ځای شول.

د الیزه ماڼۍ اعلان وکړ، چې مکرون به د پنجشنبې په ماښام په یوې ټلویزیوني وینا کې خلکو ته د وضعیت په هکله اطمینان ورکه.

کیڼ اړخي افراطي ګوند "نافرمانه فرانسه" په حکومت باندې د نه باور له رایې وروسته سمدستي د مکرون د استعفا غوښتنه وکړه.

د اساسي قانون له مخې، مکرون به تر ۲۰۲۷ کال پورې په خپله دنده پاتې وي او د اساسي قانون له نظره، د فرانسې د لومړي وزیر پر حکومت د نه باور رایه د ولسمشر پر دریځ هېڅ اغېز نه لري. نو له همدې امله مکرون باید د دې بحران لپاره لنډمهاله حل لار ومومي.

د هغه یو انتخاب دا دی چې یو تکنوکرات حکومت جوړ کړي چې د هېواد اداره په موقتي توګه پرته له کوم ځانګړي سیاسي پلان څخه په غاړه واخلي.

پخوانۍ شمېرې ښیې چې محمد په ۲۰۲۲ کې د هلکانو لپاره دویم مشهور نوم و. دا نوم له ۲۰۱۶ کال راهیسې په بریتانیا کې لسو غوره نومونو کې دی.

د محمد نوم د لندن په ګډون د بریتانیا له نهو سیمو څخه په څلورو کې خورا مشهور دی.

همدا راز، اولیویا هغه نوم دی چې د ۲۰۱۶ راهیسې د نویو پیدا شویو نجونو په منځ کې لومړی ځای لري.

املیا او ایلا په بریتانیا کې د نجونو نومونو لپاره دا دویم کال دی چې په دویم او دریم مقام کې دي.

په مشهوره فلم باربي چې مارګو رابي په کې د باربي او اوپنهایمر د کیلیان مورفي رول لوبولی له خپریدو وروسته له ۲۰۲۳ کال راهیسي ماشومانو ته د دغو نمونو غوره کولو شمېر کې زیاتوالی راغلی.

د ۲۰۲۲ په پرتله، ۲۱۵ نویو پیدا شویو نجونو ته د "مارګو" نوم غوره شوی او ۱۴ نویو پیدا شویو هلکانو باندې "کیلیان" نوم اېښودل شوی دی.

صادق د پاکستان د بهرنیو چارو وزارت پر بېلابېلو څوکیو پاتې دی او د افغانستان په اړه پراخې تجربې لري.

هغه له ۲۰۰۸ کال څخه تر ۲۰۱۴ پورې په کابل کې د پاکستان سفیر پاتې شوی او په بروکسل، بېجینګ او واشنګټن کې یې هم دندې ترسره کړې دي.

نوموړی د پاکستان د بهرنیو چارو وزارت د ویاند په توګه له۲۰۰۷ کال څخه تر ۲۰۰۸ پورې هم دنده ترسره کړې ده.

پر دې سربېره هغه د ۲۰۱۴ کال له مارچ نه تر ۲۰۱۶ کال اکتوبر پورې د پاکستان د ملي امنیت اړوند ادارې د سکرتر په توګه دنده ترسره کړې ده.

دا ګومارنه داسې مهال ترسره کیږي چې په دې وروستیو کې روسي او چینایي چارواکو کابل ته سفرونه درلودل او شپږ چینايي ډپلوماټان کندهار ته لاړل چې ددې ډلې له مشرتابه سره د اسلام اباد پیغام شریک کړي.

پاکستان له دې وړاندې ویلي و، چې په اوسمهالو شرایطو کې د افغانستان لپاره ځانګړي استازي ټاکلو ته اړتیا نه لیدل کیږي.

د همدې اونۍ په اوږدو کې په کابل کې د پاکستان سفیر د طالبانو ددفاع له وزیر مولوي یعقوب سره وکتل او ویل کیږي چې د دواړو خواوو ترمنځ په اړیکو کې د تېر په پرتله بدلونونه راغلي دي.

تر دې مخکې پاکستاني چارواکو ویلي و، چې افغان کډوالو د تحریک انصاف په لاریونونو کې برخه اخستې وه.

د پاکستان د کورنیو چارو وزیر محسن نقوي په یوه خبري کنفرانس کې وویل، ۱۹ تنه افغان کډوال په اسلام اباد کې په لاریونونو کې د ګډون په تور نیول شوي دي.

د پاکستان د کورنیو چارو وزیر دا هم ویلي، چې ټول افغان کډوال باید د روان کال له ډسمبر میاشتې څخه په اسلام اباد کې د اوسېدو اجازه ولري، که نه له اسلام اباده به ایستل کيږي.

د طالبانو کډوالو چارو وزارت د پنجشنبې په ورځ په يوه اعلاميه کې ویلي ، چې د اسلام اباد امنيتي ادارو د افغان کډوالو د نیولو لپاره پراخ عمليات پیل کړي او شاوخوا «۸۰۰ کسان» يې نيولي او زنداني کړي دي.

دغه وزارت لیکلي، چې په لاريونونو کې هیڅ افغان ګډون نه دی کړی.

طالبانو د پاکستان له حکومته غوښتي، چې له افغان کډوالو دې سیاسي استفاده نه کوي.

د طالبانو کډوالو چارو وزارت په اسلام اباد کې له خپل سفارت څخه غوښتي، چې د پاکستان کورنيو چارو او سفران وزارتونو او د ملګرو ملتونو عالي کمېنشرۍ ته په ليکلې بڼه د بنديانو شمېر ورکړي او ژر تر ژر د هغوی د خوشي کېدو غوښتنه وکړي.