داوودزی طالبانو ته: د لجاجت په صورت کې به د بشار الاسد په برخلیک اخته شئ
د پاکستان په چارو کې د افغانستان د پخواني ولسمشر ځانګړي استازي عمر داوودزي طالبانو ته په خطاب کې ویلي: «د لجاجت په صورت کې به د بشارا لاسد په برخلیک اخته شئ.»
د پاکستان په چارو کې د افغانستان د پخواني ولسمشر ځانګړي استازي عمر داوودزي طالبانو ته په خطاب کې ویلي: «د لجاجت په صورت کې به د بشارا لاسد په برخلیک اخته شئ.»
نوموړی چې د افغانستان ژغورنې د ملي مجمع د رهبرۍ غړی هم دی وایي، چې دغه مجمع د ملي خبرو اترو د پیل او د منځلارو طالبانو او غیر طالب سیاستوالو د یو ځای کېدو په موخه جوړه شوې ده.د افغانستان ژغورنې ملي مجمع د جمعې په ورځ د لېندۍ ۱۶مه په رسمي توګه خپل موجودیت اعلان کړ.په دې مجمع کې د تېر حکومت نامتو سیاستوال لکه عبدرب الرسول سیاف، مارشال عبدالرشید دوستم، عطا محمد نور، یونس قانوني، محمد محقق، کریم خلیلي، عمر داوودزی او یو شمېرې نور شامل دي.عمر داوودزي د دوشنبې په ورځ له افغانستان انټرنشنل سره په مرکه کې وویل، چې دغه مجمع د ټولو غیرطالب سیاسي جریانونو او ان د منځلارو طالبانو د یو ځای کېدو په موخه جوړه شوې ده.نوموړي ټینګار کړی، چې طالبانو تر دې وړاندې پلمه کوله چې د خبرو اترو لپاره مشخص ادرس نه شته، خو د دې مجمع په جوړېدو سره له دغې ډلې څخه یاده پلمه اخیستل شوې ده.د داوودزي په خبره، دغه چتر به د وخت په تېرېدو سره پراخ شي او ټول غیر طالب ګوندونه به سره یو ځای شي.د افغانستان ژغورنې د ملي مجمع د رهبرۍ یاد غړي همداراز په نړۍوالې ټولنې په نیوکې سره وویل، چې تر دې وړاندې نړۍ تل ټینګار کاوه، چې طالبان یو منسجمه ډله ده، خو مخامخ لوری یې منسجم ادرس نه لري.هغه یادونه وکړه، چې اوس دا ستونزه هم حل شوې ده.ښاغلي داوودزي د افغانستان له خلکو، د سیمې او نړۍ له هېوادونو چې له اوسني وضعیت څخه ناراضه دي، وغوښتل چې له دې مجمع ملاتړ وکړي.د نوموړي په وینا، افغانستان اوسمهال له بېوزلۍ، پراخې کډوالۍ او له عمومۍ نارضایتۍ سره مخ دی او په نړۍ کې په یو منزوي هېواد بدل شوی دی.داوودزی وایي: "دا وضعیت باید بدل شي."هغه د طالبانو په بندخونو کې لسګونو سیاسي بندیانو او پراخ فساد ته په اشارې سره وویل: «طالبانو یو هېواد او وګړي یې یرغمل کړي دي.»نوموړي زیاته کړه، چې طالب چارواکو په تېرو درېیو کلونو کې هر ډول سیاسي خبرې او حل لارې ته رسېدل رد کړي دي او یوازې یې له سیاستوالو غوښتي، چې بېرته دې هېواد ته ستانه شي.عمر داوودزی د طالبانو دا غوښتنه سپکاوی بولي.د پاکستان په چارو کې د افغانستان د پخواني ولسمشر ځانګړي استازي او د افغانستان ژغورنې د ملي مجمع د رهبرۍ شورا دغه غړی په ټینګار سره وایي، چې د یادې مجمع مشران د قدرت تږي نه دي او زیاتوي: «دوی خپل رسالت د افغانستان په ژغورلو کې ویني او موخه لري، چې د هېواد مسوولیت ځوان نسل ته وسپاري.»داوودزي طالبانو ته خبرداری ورکړ: «له لجاجت څخه لاس واخلی که نه د ځپونکو رژیمونو په برخلیک چې مثال یې په دې وروستیو کې ولیدل شو، به اخته شی.»د هغه اشاره په سوریه کې د بشارالاسد د رژیم نسکورېدو ته وه.
