د افغانستان کرکټ بورډوايي، چې د ملي لوبډلې له مشر روزونکي جانتن ټراټ سره یې د ۲۰۲۵ کال لپاره قرارداد غځولی. جانتن ټراټ په ۲۰۲۲کال کې د افغانستان ملي لوبډلې د مشر روزونکي په توګه وګومارل شو چې درې کاله کیږي د ملي لوبډلې د روزنې چارې پرمخ وړي.
د افغانستان کرکټ بورډ وايي، چې « په تېرو دوو کلونو کې افغان ملي لوبډلې بې سارې لاسته راوړنې درلودې چې نوموړی هم په دې بریاوو کې د ملي لوبډلې سره مل و».
د ۲۰۲۳ کال پنځوس اوریز نړیوال جام کې چې افغان لوبډلې پکې د بریټانیا، پاکستان، سریلانکا او نیدرلنډ لوبډلو ته ماتې ورکړې او شپږم مقام یې ترلاسه کړ، د جانټن ټراټ رول مهم ګڼل کیږي.
د کرکټ بورډ وايي، چې پر همدې بنسټ له نوموړي سره قرارداد غځوي او هیله لري چې نوموړی د افغان کرکټ د پیاوړتیا لپاره لا ډېرې هلې ځلې وکړي.
ټاکل شوې نوموړی د زمبابوې پر وړاندې په پنځوس اوریزه لوبلړۍ کې د مشر روزونکي چارې مخته یوسي، خو په نورو لړیو کې به یې پر ځای حمید حسن د مشر روزونکي او نوروز منګل د مرستیال روزونکي په توګه دنده پرمخ یوسي.
په دې لوبو کې دده غیابت شخصي بوختیاوې یادې شوې دي.
