پاکستاني رسنۍ ډان راپور ورکړی، چې د یکشنبې په سهار د شمالي وزیرستان په قبایلي سیمه کې د پاکستاني امنیتي ځواکونو لهخوا ډیورنډ کرښې ته څېرمه په یو لړ عملیاتو کې ۱۳ وسلهوالو وژل شوي دي.
د دغه راپور له مخې، په دغه برید کې ګڼ شمېر نور وسلهوال هم ټپیان شوي دي.
که څه هم په پاکستان کې د پوځ د عامه اړیکو لهخوا په دې اړه په رسمي توګه څه نه دي ویل شوي؛ خو سرچینو ویلي چې په دغو دوو جلا عملیاتو کې د تحریک طالبان پاکستان د یوه مهم قوماندان په ګډون ۱۳ وسلهوال وژل شوي او ګڼ نور ټپیان شوي دي.
په راپور کې د ځايي خلکو په حواله راغلي، چې دغه بريدونه په سيمه کې د وسلهوالو پر بېلابېلو پټنځايونو شوي دي.
سرچينې زياته کړې، چې په دغو بريدونو کې د ټيټيپي دوه نور قوماندانان «ګوهر او ابوبکر» هم ټپيان شوي دي.
تر دې وړاندې (د لېندۍ په ۱۷مه) د پاکستان د ترهګرۍ ضد ادارې خبر ورکړی و، چې خیبر پښتونخوا سږ کال د خونړیو بریدونو او سخت تاوتریخوالي شاهده وه.
د رسمي شمېرو له مخې، په خیبر پښتونخوا کې په يو کال کې ۶۳۶ ځله بريدونه شوي، چې په ترڅ کې يې ۲۷۵ کسان وژل شوي او ۴۶۰ نور ټپيان دي.
