د ازادۍ جبهه: د طالبانو د حکومت ړنګېدو او د یوې ډېموکراټيکې ټولنې رامنځته کېدو ته ژمن یو
د افغانستان ازادۍ جبهې د بشري حقونو د نړۍوالې ورځې په مناسبت ویلي، چې د طالبانو د حکومت ړنګېدو او د یوې ډېموکراټيکې ټولنې رامنځته کېدو ته ژمن دي.
د افغانستان ازادۍ جبهې د بشري حقونو د نړۍوالې ورځې په مناسبت ویلي، چې د طالبانو د حکومت ړنګېدو او د یوې ډېموکراټيکې ټولنې رامنځته کېدو ته ژمن دي.
یادې جبهې د یوې خبرپاڼې په خپرولو سره ویلي، پرته له دې چې د خلکو قومیت، جنسیت، مذهب او یا ټولنیز وضعیت په پام کې ونیسي خپلې مبارزې ته دوام ورکوي.
په خبرپاڼه کې زیاته شوې، په نړۍ کې د بشري حقونو له نړۍوالې ورځې په داسې حال کې نمانځنه کېږي، چې د افغانستان خلک له ستړیا پرته د خپلو حقونو لپاره مبارزه کوي.د ازادۍ جبهې د خبرپاڼې له مخې: «موږ د طالبانو د وحشیانه رژیم د بې شمېره قربانیانو یاد تازه کوو، په ځانګړې توګه د هغو ښځو، نجونو او د مذهبي لږکيو چې څنډې ته شوي او په دوامداره توګه له سیستماتیک ظلم، تاوتریخوالي او د خپلو بنسټیزو حقونو له بې برخې کېدو سره مخ شوي دي.»یاده جبهه وایي، چې د طالبانو رژیم د ترهګرۍ، د ښځو ضد او افراط پالنې تجسم دی او د یادې ډلې کړنې د بشري حقونه ښکاره نقض دی.د دوی په وینا، د طالبانو ایډیولوژي د بشریت لپاره ګواښ دی.د افغانستان د ازادۍ جبهه د بشري حقونو د نړۍوالې ورځې په مناسبت له نړۍوالو غواړي، چې د ازادۍ په برخه کې د افغانستان د خلکو له مبارزې ملاتړ وکړي.یادې جبهې په خپلې خپره شوې خبرپاڼه کې زیاته کړې، چې نړۍواله ټولنه مسوولیت لري، چې طالبان د دوی د اقداماتو په ځانګړې توګه د ښځو د محدودیتونو په اړه ځواب ویلو ته اړ کړي.دغه جبهه د طالبانو د جنسیت پر بنسټ تبعیضي سیاستونه د بشري حقونو ښکاره نقض بولي او وایي، چې نړۍواله ټولنه باید د ملګرو ملتونو په مشرۍ د دې جنایتونو په وړاندې قوي دریځ ونیسي.د بشري حقونو له نړۍوالې ورځې په داسې حال کې نمانځنه کېږي، چې د افغانستان خلک بیا په ځانګړې توګه ښځې د زده کړو او نورو لومړنیو حقونو په برخه کې د طالبانو له پراخو محدودیتونو سره مخ دي.دا په داسې حال کې ده، چې د افغان ښځو او نجونو د طبي زده کړو پروړاندې د طالبانو وروستي فرمان انساني ناورین لا پسې زیات کړی دی.
