د فرانسې د بهرنیو چارو وزارت ویاند د چهارشنبې په ورځ (د لېندۍ ۲۱مه) وویل: «د اسراییل او سوریې ترمنځ په حایل سیمه کې د هر ډول پوځ ځای پر ځای کول د ۱۹۷۴ کال د جلا کېدو له تړون څخه سرغړونه ده.»
فرانسې له اسراییل څخه وغوښتل، چې له دې سیمې ووځي او د سوریې حاکمیت او ځمکنۍ بشپړتیا ته درناوی وکړي.
په تېرو ۵۰ کلونو کې د لومړي ځل لپاره د ۱۹۷۳ کال د اکټوبر په میاشت کې د یوم کیپور له جګړې وروسته د شنبې په ماښام د لېندۍ په ۱۷مه نېټه د اسراییل ځمکني ځواکونه د سوریې سره په پوله کې د ملکي حایل سیمې په تېرېدو سره د سوریې خاورې ته ننوتل.
د ملګرو ملتونو کنټرول او په هغو مواضعو کې مېشت دي، چې د سوریې پوځ ترې تخلیه شوي دي.
په وروستیو ورځو کې اسراییلي پوځ د جولان په لوړو کې د حایل سیمې ۴۰۰ کیلومتره مربع سیمه تر خپل کنټرول لاندې راوستې ده.
همدا راز د بشارالاسد د حکومت په نسکورېدو سره اسراییلي پوځ د سوریې پر پوځي پوستو خپل خورا پراخ بریدونه پیل کړي دي.
اسراییلي پوځ د سې شنبه په ورځ (د لېندۍ۲۰مه) اعلان وکړ، چې په تېرو دوو ورځو کې یې د سوریې پر بېلابېلو سیمو ۴۸۰ بریدونه کړي او په دغو بریدونو کې یې په سوریه کې د ستراتیژیکو وسلو ډیپوګانې په نښه کړي دي.
