د افغانستان او زیمبابوې د شل اوره لوبلړۍ وروستۍ لوبه کې زیمبابوې سیالې افغان لوبډلې ته د ۱۲۸ منډو هدف ورکړ. افغان لوبډلې د زیمبابوې دا هدف د لوبې په۱۹،۳ اور کې پوره کړ او دا لوبلړۍ یې ۲ پر ۱ وګټله.
د لوبې پچه افغان لوبډلې ګټلي وه او زیمبابوې ته یې د توپ وهنې بلنه ورکړې وه.
د افغان لوبغاړو د ښې توپ اچونې له امله د زیمبابوې ټول لوبغاړي د لوبې په ۱۹،۵ اورونو کې وسوځیدل او افغان لوبډلې ته یې په شل اورونو کې د ۱۲۸ منډو هدف ورکړ.
په توپ اچونه کې افغان لوبډلمشر راشد خان د سیالې لوبډلې څلورو، مجیب الرحمن ځدراڼ، نوین الحق او عظمت الله عمرزي ۲ـ۲ لوبغاړي و سوځول.
د لوبې په دوهمه پاڼۍ کې د زیمبابوې له لورې افغان لوبډلې ته ورکړل شوي هدف د پوره کولو لپاره نن یوځل بیا د افغان لوبډلې پیلیز توپ وهونکو د پام وړ منډي جوړې نه کړې.
په توپ وهنه کې رحمن الله ګربز په ۱۵، صدیق اتل په ۳ زبید اکبري په ۲ او درویش رسولي تر ۹ منډو جوړولو وروسته وسوځید.
د دغې وروستۍ لوبې د ۱۲۸ منډو هدف په پوره کولو کې نن یوځل بیا الراونډر لوبغاړو ښې منډي جوړي کړي.
عضمت عمرزي ۳۴، ګلبدین نایب ۲۲ او محمد نبي ۲۴ ناسوځیدلې منډې جوړې او لوبه یې د ورستي اور په دریم بال وګټله.
د زیبمابوې په کوربه توب د شل اوره لوبۍ لړۍ ۱ پر ۲ افغانستان وګټله.
د روانې میاشتې په ۱۷ د زیمبابوې لوبډلې سره د دریو پنځوس اوره لوبو لړۍ هم پیلیږي.
