افغانستان د زیمبابوې په وړاندې په دوهمه شل اوره لوبه کې توپ وهنه کوي
د افغانستان او زیمبابوې د ملي لوبډلو ترمنځ د درې شل اوره لوبو د دوهمې لوبې پچه افغان لوبډلې وګتله او لومړی یې د زیمبابوې په وړاندې د توپ وهنې پرېکړه وکړه.
د افغانستان او زیمبابوې د ملي لوبډلو ترمنځ د درې شل اوره لوبو د دوهمې لوبې پچه افغان لوبډلې وګتله او لومړی یې د زیمبابوې په وړاندې د توپ وهنې پرېکړه وکړه.
د زیمبابوې په کوربه توب نن جمعه د افغانستان د شل اوره ملي لوبډلې او کوربه هېواد د شل اوره ملي لوبډلې تر منځ د درېیو شل اوره سیالیو د لوبلړۍ دوهمه لوبه ترسره کیږي.
د دغه د دوهمې شل اوره لوبې پچه راشد خان وګټله او لومړی یې د توپ وهنې پرېکړه وکړه.
د زیمبابوې په وړاندې په دوهمه شل اوره لوبه کې د راشد خان په لوبډلمشرۍ، رحمن الله ګربز، زبید اکبري، صدیق الله اتل، درویش رسولي، عظمت الله عمرزی، محمد نبي، ګلبدین نایب، مجیب الرحمن، نوین الحق او فرید ملک په یوولس کسیز نووملړ کې اخیستل شوي دي.
په نني یوولس کسیز نوملړ کې د حضرت الله ځاځي پر ځای زبید اکبري، د محمد اسحاق پر ځای درویش رسولي او د کریم جنت پر ځای ګلبدین نایب اخیستل شوي دي.
د زیمبابوې په وړاندې دوه ورخې وړاندې په لومړنۍ شل اوره لوبه کې هم افغان لوبډلې د پچې په ګتلو سره لومړی د توپ وهنې پرېکړه کړې وه، خو هغه لوبه کوربه لوبډلې د څلورو وېکټو په توپیر وګټله.
