افغانستان د زیمبابوې په وړاندې په دوهمه شل اوره لوبه کې توپ وهنه کوي

د افغانستان او زمبابوې کرکټ لوبډلو ترمنځ د دریو شل اوره لوبو د لومړۍ سيالۍ پچه افغان لوبډلې وګټله او لومړۍ يې د توپوهنې پرېکړه وکړه.

افغان ملي لوبډلې په شل اورونو کې د خپلو شپږ لوبغاړو په سوځېدو زمبابوې کرکټ لوبډلې ته ۱۴۵ منډې هدف وټاکه.

د افغان لوبډلې په توپوهنه کې کريم جنت ۵۴ او محمدنبي ۴۴ منډې وکړې. زمبابوې لوبډلې په شل اورونو کې د خپلو شپږو لوبغاړو په سوځېدو دغه هدف پوره کړ.

د زمبابوې پيليز توپ وهونکي برېن بونوت په ۴۹ توپونو ۴۹ منډې جوړې کړې.

د افغان لوبډلې په توپ اچوونکو کې نوین الحق درې، راشدخان دوه او محمد نبي يو لوبغاړي وسوځول.

د همدې سياليو دويمه راتلونکې لوبه د جمعې په ورځ د زمبابوې په هراري لوبغالي کې تر سره کيږي.

د افغانستان کرکټ بورډ وايي، چې « په تېرو دوو کلونو کې افغان ملي لوبډلې بې سارې لاسته راوړنې درلودې چې نوموړی هم په دې بریاوو کې د ملي لوبډلې سره مل و».

د ۲۰۲۳ کال پنځوس اوریز نړیوال جام کې چې افغان لوبډلې پکې د بریټانیا، پاکستان، سریلانکا او نیدرلنډ لوبډلو ته ماتې ورکړې او شپږم مقام یې ترلاسه کړ، د جانټن ټراټ رول مهم ګڼل کیږي.

د کرکټ بورډ وايي، چې پر همدې بنسټ له نوموړي سره قرارداد غځوي او هیله لري چې نوموړی د افغان کرکټ د پیاوړتیا لپاره لا ډېرې هلې ځلې وکړي.

ټاکل شوې نوموړی د زمبابوې پر وړاندې په پنځوس اوریزه لوبلړۍ کې د مشر روزونکي چارې مخته یوسي، خو په نورو لړیو کې به یې پر ځای حمید حسن د مشر روزونکي او نوروز منګل د مرستیال روزونکي په توګه دنده پرمخ یوسي.

په دې لوبو کې دده غیابت شخصي بوختیاوې یادې شوې دي.

افغان کرېکټ بورډ پر ټولنیزو شبکو له لارې پر خپلو رسمي پاڼو د افغانستان د کرېکټ ملي لوبډلې تازه انځورونه خپاره کړي او وايي، چې د افغانستان د شل اوره کرېکټ ملي لوبډله د زمبابوې د ملي لوبډلې په وړاندې د شل اوره نړۍوالو سیالیو لپاره د ښه چمتوالي په موخه تمرینات پیل کړي.

د افغان کرېکټ بورډ د معلوماتو له مخې، یادې لوبې د ډیسمبر میاشې په ۱۱مه نېټه پیلږي.

افغان لوبډله زمبابوې په دغه سفر کې د کوربه هېواد له ملي لوبډلې سره درې شل اوره، درې پنځوس اوره او دوې ټېسټ لوبې کوي.

له زمبابوې سره د شل اوره لوبې د راشد خان په لوبډلمشرۍ، پنځوس اوره او ټېسټ لوبې بیا د حشمت الله شهیدي په لوبډلمشرۍ ترسره کیږي.

دا په داسې حال کې ده، چې افغان لوبډله د یادو سیالیو ترسره کولو لپاره څلور ورځې وړاندې زمبابوې ته رسیدلې ده.

د افغانستان د فوټبال د غوره لیګ د څلورم پړاو سياليو په درېیمه ورځ په لومړۍ لوبه کې کابل استقلال لوبډلې یو پر صفر د کابل جوانان پيروزي لوبډلې ته ماته ورکړه او درې نومرې يې خپلې کړي.

د سيالۍ په ۶۰ مه دقیقه کې د کابل استقلال لوبډلې عبدالحسين صمدي یو ګول تر سره کړ او لوبډله یې تر بريا ورسوله.

د نن یکشنبې ورځې په دويمه لوبه کې د همدې سياليو اتلې د هرات اټک انرژۍ لوبډلې دوه پر صفر د فاریاب خراسان لوبډله ماته کړه.

د سياليو په ۳۲ مه دقیقه کې د هرات اټک انرژۍ په لوبډله کې محبوب حنفي او په ۷۸ مه کې خلیل احمد احمدي ګولونه تر سره کړل.

د هرات اټک انرژۍ لوبډله د افغانستان اتلانو لیګ د دویم او درېيم فصل اتلولي له ځان سره لري.

د افغانستان د فوټبال د اتلانو لیګ په څلورم پړاو کې ۱۲ لوبډلې د اتلولۍ ګټلو لپاره یو د بل سره لوبيږي.

په دې سياليو کې د کابل استقلال او جوانان پیروزي، د هرات اټک انرژي، صرافان او سرخ پوشان، د فراه ابو مسلم او عدالت، د بلخ موج ساحل، د سرپل خادم، کندهار عینو مېنه او د فاریاب خراسان او سرسبز یاشلر لوبډلې برخه لري.

د ۱۹ کلنو کرېکټ اسیا جام په پايلوبه کې هند د لوبې پچه وګټله او بنګله دېش ته یې د توپوهنې بلنه ورکړه.

بنګله دېش لوبډلې د خپلو ټولو لوبغاړو په سوځېدو هند لوبډلې ته ۱۹۹ مندې هدف وټاکه.

هند لوبډلې په ۳۵.۲ اوره کې د خپلو ټولو لوبغاړو په سوځېدو ۱۳۹ منډې جوړې کړې او د ۵۹ منډو په توپير يې په پايلوبه کې ماته وخوړه.

دغه سيالۍ د متحده عربي اماراتو په کوربه توب پيل شوې وې.

د ۱۹ کلنو د کرېکټ اسیا جام یو ورځنۍ سیالۍ د لیندۍ په ۹مه نېټه پیل شوي وې.

په دغو سیالیو کې افغانستان، پاکستان، هند، بنګله‌دېش، سریلانکا، جاپان، نپیال او متحده عربي اماراتو لوبډلې شاملې وې.

د افغانستان په ګډون سریلانکا، جاپان، نیپال او عربي اماراتو لوبډلو په ګروپي سیالیو کې خپلې لوبې بایللې وې.